IPL 2022ರ ಆರಂಭದಲ್ಲಿಯೇ ಬಿಗ್ ಶಾಕ್..!, ಈ ಬಾರಿ ಐಪಿಎಲ್​ನ ಮೊದಲ ಕೊರೋನಾ ಪ್ರಕರಣ ಪತ್ತೆ

ದೇಶದಲ್ಲಿ ಒಂದು ಹಂತದಲ್ಲಿ ಕೊರೋನಾ ಪ್ರಕರಣಗಳು ತಗ್ಗಿದೆ. ಹೀಗಾಗಿ ಈ ಬಾರಿ ಐಪಿಎಲ್ 2022 15ನೇ ಆವೃತ್ತಿಯನ್ನು ಬಿಸಿಸಿಐ ಭಾರತದಲ್ಲಿಯೇ ಆಯೋಜಿಸಿದೆ. ಐಪಿಎಲ್​ ನಲ್ಲಿ ಕೊರೋನಾ ದೂರವಿರುವಂತೆ ನೋಡಿಕೊಳ್ಳಲು ಬಿಸಿಸಿಐ ಅನೇಖ ಕಠಿಣ ನಿಯಮಗಳನ್ನು ಜಾರಿಗೊಳಿಸಿದ್ದು, ಸಂಪೂರ್ಣ ಟೂರ್ನಿಯನ್ನು ಕೇವಲ ಮುಂಬೈನಲ್ಲಿ ಆಯೋಜಿಸಿದೆ. ಆದರೂ ಕೊರೋನಾ ಮಾತ್ರ ಐಪಿಎಲ್​ ಅನ್ನು ಬಟ್ಟಿಲ್ಲ. ಈ ಬಾರಿಯೂ ಒಂದು ಕೊರೋನಾ ಪ್ರಕರಣ ಐಪಿಎಲ್​ ನಲ್ಲಿ ಕಂಡುಬಂದಿದೆ.

ಐಪಿಎಲ್ 2022ರ ಸೀಸನ್‌ನಲ್ಲಿ ಮೊದಲ ಕೊರೋನಾ ಪ್ರಕರಣ ದಾಖಲಾಗಿದೆ. ಆದರೆ ಆಟಗಾರರಲ್ಲಿ ಇದು ದಾಖಲಾಗಿಲ್ಲ. ಬದಲಿಗೆ ಐಪಿಎಲ್ ಮಾಜಿ ವೀಕ್ಷಕ ವಿವರಣೆಗಾರ ಆಕಾಶ್ ಚೋಪ್ರಾಗೆ ಕೊರೋನಾ ತಗುಲಿದೆ.

ಈ ಕುರಿತು ಆಕಾಶ್ ಚೋಪ್ರಾ ಅವರೇ ತಮ್ಮ ಸಾಮಾಜಿಕ ಜಾಲತಾಣದ ಮೂಲಕ ಅಧಿಕೃತವಾಗಿ ಮಾಃಇತಿ ನೀಡಿದ್ದು, ತನಗೆ ಕೊರೋನಾ ಸೋಂಕು ತಗುಲಿದ್ದು, ಸೌಮ್ಯ ರೋಗಲಕ್ಷಣಗಳಿಂದ ಬಳಲುತ್ತಿದ್ದೆನೆ. ಸದ್ಯ ಕ್ವಾರಂಟೈನ್‌ನಲ್ಲಿದ್ದು, ಶೀಘ್ರ ಕೊರೋನಾದಿಂದ ಗುಣಮುಖನಾಗಿ ಮತ್ತೆ ಪ್ರೇಕ್ಷಕರ ಮುಂದೆ ಬರುರುವುದಾಗಿ ತಿಳಿಸಿದ್ದಾರೆ.

ಕ್ರಿಕೆಟ್ ವಿಶ್ಲೇಷಕರಾಗಿ ಉತ್ತಮ ಖ್ಯಾತಿಯನ್ನು ಹೊಂದಿರುವ ಆಕಾಶ್ ಚೋಪ್ರಾ ಅವರು ಪ್ರಸ್ತುತ ಐಪಿಎಲ್ 2022 ರಲ್ಲಿ ಸ್ಟಾರ್‌ಸ್ಪೋರ್ಟ್ಸ್‌ನ ಹಿಂದಿ ಪ್ರಸಾರ ವಿಭಾಗದಲ್ಲಿ ನಿರೂಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಆಕಾಶ್ ಚೋಪ್ರಾ ಅವರು ಕೊರೊನಾದಿಂದ ಬೇಗ ಚೇತರಿಸಿಕೊಳ್ಳಲಿ ಎಂದು ಕ್ರಿಕೆಟ್ ಅಭಿಮಾನಿಗಳು ಕಾಮೆಂಟ್ ಮಾಡಿದ್ದಾರೆ.

ಬಿಸಿಸಿಐ ಸ್ಥಾಪಿಸಿರುವ ಬಯೋ ಬಬಲ್‌ನಲ್ಲಿ ಆಟಗಾರರು ಹಾಗೂ ಕಾಮೆಂಟೇಟರ್‌ಗಳು ಉಳಿದುಕೊಂಡಿದ್ದಾರೆ. ಆದರೆ, ಆಕಾಶ್ ಚೋಪ್ರಾಗೆ ಕೊರೋನಾ ಹೇಗೆ ತಗುಲಿತು ಎಂಬುದು ತಿಳಿದುಬಂದಿಲ್ಲ. ಬಿಸಿಸಿಐ ಶೀಘ್ರದಲ್ಲೇ ವಿಚಾರಣೆ ನಡೆಸುವ ಸಾಧ್ಯತೆ ಇದೆ.

ಇನ್ನು, ಈ ಬಾರಿ ಐಪಿಎಲ್​ ನಲ್ಲಿ ಪ್ರಸ್ತುತ ಮುಂಬೈ ತಂಡದ ಓಪನರ್ ಇಶಾನ್ ಕಿಶನ್ ಆರೆಂಜ್ ಕ್ಯಾಪ್ ರೇಸ್​ನಲ್ಲಿ ಮುಂಚೂಣಿಯಲ್ಲಿದ್ದು, ಇವರೊಂದಿಗಿನ ಸ್ಥಾನದಲ್ಲಿ ರಾಜಸ್ಥಾನ್ ತಂಡದ ಬಟ್ಲರ್ ಸಹ ಇದ್ದಾರೆ ಇಬ್ಬರೂ 2 ಪಂದ್ಯಗಳಿಂದ 135 ರನ್ ಗಳಿಸಿದ್ದಾರೆ. ಜೊತೆಗೆ ಕೊಲ್ಕತ್ತಾ ತಂಡದ ಉಮೇರ್ಶ ಯಾದವ್ ಪರ್ಪಲ್ ಕ್ಯಾಪ್ ಹೊಂದಿದ್ದಾರೆ.

ಐಪಿಎಲ್ 2022ರಲ್ಲಿ ಸಂಜು ಸ್ಯಾಮ್ಸನ್ ನಾಯಕತ್ವದ ರಾಜಸ್ಥಾನ್ ರಾಯಲ್ಸ್ ತಂಡವು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಕೊಲ್ಕತ್ತಾ ತಂಡವು 2ನೇ ಸ್ಥಾನದಲ್ಲಿದೆ.