IPL 2022: ಹೊಸ ಅಳಿಯನನ್ನು ಅದ್ಧೂರಿಯಾಗಿ ಸ್ವಾಗತಿಸಿದ RCB, ಮುಂದಿನ ಪಂದ್ಯಕ್ಕೆ ಕಣಕ್ಕಿಳಿಯಲಿದ್ದಾರೆ ಮ್ಯಾಕ್ಸ್​ವೆಲ್

ಆರ್​ಸಿಬಿ ಆಟಗಾರ ಮ್ಯಾಕ್ಸ್​ವೆಲ್ ಸದ್ಯ ದಾಂಪತ್ಯ ಜೀವನದ ಸಂತಸದಲ್ಲಿದ್ದಾರೆ. ಈ ನಡುವೆ ಅವರು ಭಾರತಕ್ಕೆ ಆಗಮಿಸಿದ್ದು, ಆರ್​ಸಿಬಿ ಮುಂದಿನ ಪಂದ್ಯಕ್ಕೆ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಜೊತೆಗೆ ನವ ವಿವಾಹಿತ ಜೋಡಿಗೆ ಆರ್​ಸಿಬಿ ಪ್ರಾಂಚೈಸಿ ಅದ್ಧೂರಿ ಸ್ವಾಗತ ಕೋರಿದೆ.

ಆಸ್ಟ್ರೇಲಿಯಾದ ಸ್ಟಾರ್ ಆಲ್ ರೌಂಡರ್, ಆರ್​ಸಿಬಿಯ ಸ್ಪೋಟಕ ಆಟಗಾರ ಗ್ಲೇನ್ ಮ್ಯಾಕ್​ವೆಲ್ ಭಾರತಕ್ಕೆ ಆಗಮಿಸಿದ್ದು, ಆರ್​ಸಿಬಿ ಮುಂದಿನ ಪಂದ್ಯಕ್ಕೆ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಅವರು ಕಳೆದ ಕೆಲ ದಿನಗಳ ಹಿಂದೆಯಷ್ಟೇ ಭಾರತೀಯ ಯುವತಿಯನ್ನು ವಿವಾಹವಾಗಿದ್ದರು.

ಮ್ಯಾಕ್ಸ್​ವೆಲ್ ಆರ್​ಸಿಬಿ ಮುಂದಿನ ಪಂದ್ಯವಾದ ಏಪ್ರಿಲ್ 9 ರಂದು ನಡೆಯಲಿರುವ ಗುಜರಾತ್ ಟೈಟಾನ್ಸ್‌ನ ಪಂದ್ಯಕ್ಕೆ ಲಭ್ಯವಿರುತ್ತಾರೆ. ಕ್ವಾರಂಟೈನ್ ಅವಧಿಯು ನಾಲ್ಕು ದಿನಗಳಲ್ಲಿ ಕೊನೆಗೊಳ್ಳಲಿದೆ.

ತಮಿಳು ಸಂಪ್ರದಾಯದ ಪ್ರಕಾರ ಮ್ಯಾಕ್ಸ್ ವೆಲ್ ಮದುವೆ ಅದ್ಧೂರಿಯಾಗಿ ನೆರವೇರಿತು. ಅವರು ವಿನಿ ರಾಮನ್ ಅವರನ್ನು ತಮಿಳು ಸಾಂಪ್ರದಾಯಿಕ ರೀತಿಯಲ್ಲಿ ವಿವಾಹವಾದರು. ಏತನ್ಮಧ್ಯೆ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ರಾಂಚೈಸಿ ಮ್ಯಾಕ್ಸ್​ವೆಲ್ ದಂಪತಿಗಾಗಿ ವಿಶೇಷ ತಯಾರಿಗಳನ್ನು ಮಾಡುವುದರ ಮೂಲಕ ನವವಿವಾಹಿತರನ್ನು ಅದ್ಧೂರಿಯಾಗಿ ಸ್ವಾಗತಿಸಿದೆ.

ಮ್ಯಾಕ್ಸ್​ವೆಲ್ ದಂಪತಿ ತಂಗಿದ್ದ ಹೋಟೆಲ್ ನಲ್ಲಿ ಪ್ರತ್ಯೇಕ ಕೊಠಡಿಯನ್ನು ಸಿದ್ಧಪಡಿಸಲಾಗಿತ್ತು. ಜೊತೆಗೆ ನವ ವಿವಾಹಿತರಿಗಾಗಿ ವಿಶೇಷ ಹಾಸಿಗೆಯನ್ನೂ ಸಿದ್ಧಪಡಿಸಲಾಗಿತ್ತು. ಈ ಕುರಿತ ಫೋಟೋಗಳನ್ನು ಮ್ಯಾಕ್ಸ್‌ವೆಲ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಸಧ್ಯ ಮ್ಯಾಕ್​ವೆಲ್ ತಂಡಕ್ಕೆ ಸೇರಿಕೊಳ್ಳುತ್ತಿರುವುದು ಆರ್​ಸಿಬಿಗೆ ಸಂತಸದ ಸುದ್ದಿಯಾಗಿದ್ದು, ಬ್ಯಾಟಿಂಗ್​ನಲ್ಲಿ ಮತ್ತಷ್ಟು ಬಲ ಬಂದಂತಾಗಿದೆ. ಬ್ಯಾಟಿಂಗ್ ನಲ್ಲಿ ಆರ್​ಸಿಬಿ ಈ ಬಾರಿ ಕಳಪೆ ಪ್ರದರ್ಶನ ತೋರುತ್ತತಿದ್ದು, ಮ್ಯಾಕ್ಸಿ ಆಗಮನ ಅಭಿಮಾನಿಗಳಲ್ಲಿ ಹೊಸ ಆಕಾಂಶೆಯನ್ನು ಹುಟ್ಟುಹಾಕಿದೆ.

ಈವರೆಗೆ ಐಪಿಎಲ್​ ನಲ್ಲಿ ಮ್ಯಾಕ್ಸ್​ವೆಲ್ 97 ಪಂದ್ಯಗಳನ್ನಾಡಿದ್ದು, 151 ಸರಾಸರಿಯಲ್ಲಿ ಒಟ್ಟು 2018 ರನ್​ ಕಲೆಹಾಕಿದ್ದಾರೆ. ಇದರಲ್ಲಿ 12 ಅರ್ಧ ಶತಕ ಸಹ ಕೂಡಿದೆ.