IPL 2022: ಡೆಲ್ಲಿ ತಂಡದಲ್ಲಿ ಕೊರೋನಾ ಸೋಂಕು‌ ಪತ್ತೆ, ರದ್ಧಾಗುತ್ತಾ RCB ವಿರುದ್ಧದ ಪಂದ್ಯ?

ಎಷ್ಟೇ ಜಾಗ್ರತೆ ವಹಿಸಿದರೂ ಕೊರೋನಾ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಅನ್ನು ಯಾವುದಾದರೂ ರೂಪದಲ್ಲಿ ಬೆನ್ನಟ್ಟುತ್ತಲೇ ಇದೆ. ಕೊರೋನಾ ಹಿಡಿತದಿಂದ ಪಾರಾಗಲು ಬಿಸಿಸಿಐ ಈ ಬಾರಿ ಸಂಪೂರ್ಣ ಐಪಿಎಲ್ ಅನ್ನು ಮಹಾರಾಷ್ಟ್ರದಲ್ಲಿ ಆಯೋಜಿಸಿದೆ. ಆದಾಗ್ಯೂ, ಕೊರೋನಾ ಐಪಿಎಲ್ 2022ರ ಮೇಳೆ ಪ್ರಭಾವ ಬೀರುತ್ತಲೇ ಇದೆ.

ಐಪಿಎಲ್ 2022ರ 15ನೇ ಆವೃತ್ತಿಯ ಮೇಲೂ ಕೊರೋನಾ ಕಾಟ ಆರಂಭವಾದಂತೆ ಕಾಣುತ್ತಿದೆ. ಹೌದು, ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಫಿಸಿಯೋ ಪ್ಯಾಟ್ರಿಕ್ ಫಾರ್ಹಾರ್ಟ್ ಅವರಿಗೆ ಕೊರೋನಾ ಫಾಸಿಟಿವ್ ಇರುವುದು ದೃಢಪಟ್ಟಿದ್ದು, ಬಿಸಿಸಿಐ ಗೆ ಚಿಂತೆಗೀಡು ಮಾಡಿದೆ.

ದೆಹಲಿ ಕ್ಯಾಪಿಟಲ್ಸ್ ಫಿಸಿಯೋ ಪ್ಯಾಟ್ರಿಕ್ ಫಾರ್ಹಾರ್ಟ್ ಅವರಿಗೆ ಕೊರೋನಾ ಫಾಸಿಟಿವ್ ಇರುವುದು ದೃಢಪಟ್ಟಿದೆ. ತಂಡದ ಮ್ಯಾನೇಜ್‌ಮೆಂಟ್ ಅವರನ್ನು ತಕ್ಷಣವೇ ಐಸೋಲೇಷನ್‌ಗೆ ಸ್ಥಳಾಂತರಿಸಿದೆ. ಡೆಲ್ಲಿ ಕ್ಯಾಪಿಟಲ್ಸ್ ವೈದ್ಯಕೀಯ ತಂಡವು ಪ್ಯಾಟ್ರಿಕ್ ಫರ್ಹಾರ್ಟ್ ಅವರ ಆರೋಗ್ಯ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿದ್ದು, ಪ್ಯಾಟ್ರಿಕ್ ಅವರ ಸಂಪರ್ಕದಲ್ಲಿದ್ದ ಆಟಗಾರರು ಮತ್ತು ಸಿಬ್ಬಂದಿಗೆ ಕೊರೋನಾ ಪರೀಕ್ಷೆಗಳನ್ನು ನಡೆಸಿದೆ. ಆದರೆ, ಯಾರೊಬ್ಬರೂ ಪಾಸಿಟಿವ್ ಆಗದ ಕಾರಣ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಮ್ಯಾನೇಜ್ ಮೆಂಟ್ ಸಧ್ಯ ನಿಟ್ಟುಸಿರು ಬಿಟ್ಟಿದೆ.

ಇನ್ನು, ಐಪಿಎಲ್ 2021ರ 14ನೇ ಋತುವಿನಲ್ಲಿ 29 ಪಂದ್ಯಗಳ ನಂತರ, ಧನಾತ್ಮಕ ಪ್ರಕರಣಗಳು ಬೆಳಕಿಗೆ ಬಂದಿದ್ದರಿಂದ ಐಪಿಎಲ್ ಪಂದ್ಯಗಳನ್ನು ಸ್ಥಗಿತಗೊಳಿಸಬೇಕಾಯಿತು. ಉಳಿದ ಪಂದ್ಯಗಳನ್ನು ಯುಎಇ ಅಲ್ಲಿ ನಡೆಸುವ ಮೂಲಕ ಬಿಸಿಸಿಐ 14ನೇ ಸೀಸನ್​ ಅನ್ನು ಮುಗಿಸಿತ್ತು.

BCCI IPL 2021 ಋತುವಿನ ಅನುಭವಗಳೊಂದಿಗೆ 2022ರ ಋತುವಿನ ಬಯೋ ಬಬಲ್ ನಿಯಮಗಳನ್ನು ಕಠಿಣಗೊಳಿಸಿತ್ತು. IPL 2022 ರ ಋತುವಿನಲ್ಲಿ ಹೊರಗಿನವರನ್ನು ಜೈವಿಕ-ಬಬಲ್‌ಗೆ ಅನುಮತಿಸಿರಲಿಲ್ಲ. ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಕೊರೋನಾ ಪ್ರಕರಣದ ಹಿನ್ನೆಲೆ ಜೈವಿಕ ಬಬಲ್ ಸುರಕ್ಷಿತವಾಗಿದೆಯೇ? ಎಂಬ ಅನುಮಾನಗಳು ಕಾಡುತ್ತಿವೆ.

ಇನ್ನು, ನಾಳಿನ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಆರ್​ಸಿಬಿ ತಂಡಗಳು ಸೆಣಸಾಡಲಿವೆ. ಆದರೆ ಡೆಲ್ಲಿ ತಂಡದಲ್ಲಿ ಕೊರೋನಾ ಕಾಣಿಸಕೊಂಡಿರುವುದರಿಂದ ಪಂದ್ಯ ನಡೆಯಲಿದೆಯೇ ಎಂಬ ಅನುಮಾನ ಹಲವರಲ್ಲಿ ಮನೆ ಮಾಡಿತ್ತು. ಆದರೆ ನಾಳಿನ ಪಂದ್ಯ ನಡೆಯಲಿದೆಎ ಂದು ಬಿಸಿಸಿಐ ಮೂಲಗಳು ತಿಳಿಸಿವೆ.

ಇನ್ನು, ಬಿಸಿಸಿಐ ಬಯೋ ಬಬಲ್ ಅನ್ನು ತೆಗೆದುಹಾಕಲು ಯೋಚಿಸುತ್ತಿರುವ ಸಮಯದಲ್ಲಿ ಕೊರೋನಾ ಪ್ರಕರಣ ದೃಢಪಟ್ಟಿರುವುದರಿಂದ ಬಿಸಿಸಿಐ ಗೆ ಚಿಂತೆಗೀಡು ಮಾಡಿದೆ. ಹೀಗಾಗಿ ಯಾವುದೇ ಕಾರಣಕ್ಕೂ ಬಯೋಬಬಲ್ ನಿಂದ ಹಿಂದೆ ಸರಿಯುವುದಿಲ್ಲ ಎಂದು ಬಿಸಿಸಿಐ ತಿಳಿಸಿದೆ.