Deepak Chahar: ಚೆನ್ನೈ ತಂಡಕ್ಕೆ ಶಾಕ್, ಈ ಬಾರಿ ಐಪಿಎಲ್​ನಿಂದ ಹೊರಗುಳಿದ ಸ್ಟಾರ್ ಬೌಲರ್

ಚೆನ್ನೈ ಸೂಪರ್ ಕಿಂಗ್ಸ್‌ನ ಪ್ರಮುಖ ಬೌಲರ್ ದೀಪಕ್ ಚಹಾರ್ ಅವರು ಬೆನ್ನುನೋವಿನಿಂದಾಗಿ ಈಗಾಗಲೇ ಸಂಪೂರ್ಣ ಐಪಿಎಲ್ 15 ಸೀಸನ್ ನಿಂದ ಹೊರಗುಳಿದಿದ್ದಾರೆ. ಇದರೊಂದಿಗೆ ಹಾಲಿ ಚಾಂಪಿಯನ್ ಚೆನ್ನೈ ತಂಡಕ್ಕೆ ಭಾರಿ ಆಘಾತವಾಗಿದೆ. ಇತ್ತೀಚಿನ ಮಾಹಿತಿ ಪ್ರಕಾರ ಗಾಯದ ತೀವ್ರತೆಯಿಂದಾಗಿ ಇನ್ನೂ ನಾಲ್ಕು ತಿಂಗಳು ಆಟದಿಂದ ಹೊರಗುಳಿಯಲಿದ್ದಾರೆ. ಇದೇ ವೇಳೆ ಚಹರ್ ಈ ವರ್ಷ ಟಿ20 ವಿಶ್ವಕಪ್‌ನಿಂದ ಹೊರಗುಳಿಯಬಹುದು ಎಂಬ ಮಾತುಗಳು ಕೇಳಿಬರುತ್ತಿವೆ.

ಏತನ್ಮಧ್ಯೆ, ದೀಪಕ್ ಚಹಾರ್ ಐಪಿಎಲ್ ಮೆಗಾ ಹರಾಜಿನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರರಲ್ಲಿ ಒಬ್ಬರು. ದೀಪಕ್ ಚಹಾರ್ ನಂತರ ಮುಂಬೈ ಇಂಡಿಯನ್ಸ್‌ನ ಇಶಾನ್ ಕಿಶನ್ 15.25 ಕೋಟಿ ರೂ. ಚೆನ್ನೈ ಸೂಪರ್ ಕಿಂಗ್ಸ್ ಅವರಿಗೆ ಹರಾಜಿನಲ್ಲಿ 14 ಕೋಟಿ ರೂ ನೀಡಿ ಖರೀಧಿಸಿತ್ತು.

ಆದಾಗ್ಯೂ, ಅವರು ಈಗ ಉಳಿದ ಋತುವಿನಲ್ಲಿ ಹೊರಗುಳಿದಿದ್ದಾರೆ. ಮತ್ತು ಅವರನ್ನು 14 ಕೋಟಿಗೆ ಖರೀದಿಸಿದ ಸಿಎಸ್‌ಕೆ .. ಅಷ್ಟು ಮೊತ್ತವನ್ನು ಪಾವತಿಸುತ್ತದೆಯೇ? ಅಥವಾ ಇಲ್ಲವೇ? ಇದೀಗ ಹಾಟ್ ಟಾಪಿಕ್ ಆಗಿಬಿಟ್ಟಿದೆ.

dಈಪಕ್ ಚಹಾರ್ ಈಗಾಗಲೇ ಟೂರ್ನಿಯಿಂದಲೇ ಹೊರನಡೆದಿದ್ದಾರೆ. ಹೀಗಾಗಿ ಚಾಹರ್ ಅಭಿಮಾನಿಗಳಲ್ಲಿ ಚರ್ಚೆ ಶುರುವಾಗಿದೆ. ಈ ಲೀಗ್‌ಗೆ ಅವರು 14 ಕೋಟಿ ರೂಪಾಯಿ ಪಡೆಯುತ್ತಾರೆಯೇ? ಅಥವಾ ಇಲ್ಲವೇ? ಎಂದು ಅಭಿಮಾನಿಗಳು ಚರ್ಚಿಸುತ್ತಿದ್ದಾರೆ

ದೀಪಕ್ ಚಹಾರ್ ಬಿಸಿಸಿಐ ಜೊತೆ ಕೇಂದ್ರ ಒಪ್ಪಂದವನ್ನು ಹೊಂದಿದ್ದಾರೆ. ಅವರು ರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯ 2022 ರ ಕೇಂದ್ರ ಒಪ್ಪಂದಗಳ ಪಟ್ಟಿಯಲ್ಲಿ ಗ್ರೇಡ್ ಸಿ ವರ್ಗದಲ್ಲಿದ್ದಾರೆ. ಅಂದರೆ ಗಾಯದ ಸಮಸ್ಯೆಯಿಂದ ಒಂದೂ ಪಂದ್ಯ ಆಡದಿದ್ದರೂ ಈ ಸೀಸನ್ ನ ಸಂಪೂರ್ಣ ಸಂಭಾವನೆ ಪಡೆಯಲಿದ್ದಾರೆ.

ಬಿಸಿಸಿಐ ಒಪ್ಪಂದದಲ್ಲಿರುವ ಎಲ್ಲಾ ಆಟಗಾರರು ವಿಮಾ ಪಾಲಿಸಿಯನ್ನು ಹೊಂದಿದ್ದಾರೆ. ಗಾಯದ ಸಮಸ್ಯೆಯಿಂದ ಆಟಗಾರರು ಐಪಿಎಲ್ ಸೀಸನ್ ಕಳೆದುಕೊಂಡರೆ.. ಬಿಸಿಸಿಐ ಆಟಗಾರರಿಗೆ ವಿಮಾ ಪಾಲಿಸಿ ಮೂಲಕ ಹಣ ಪಾವತಿಸುತ್ತದೆ. ಈ ನಿಯಮವು ಐಪಿಎಲ್ ಸೀಸನ್ 2011 ರಿಂದ ಜಾರಿಯಲ್ಲಿದೆ. ಗುತ್ತಿಗೆ ರಹಿತ ಆಟಗಾರ ಗಾಯಗೊಂಡರೆ ಮತ್ತು ಋತುವಿನಲ್ಲಿ ಒಂದೇ ಒಂದು ಪಂದ್ಯವನ್ನು ಆಡದಿದ್ದರೆ, ಆ ಆಟಗಾರನಿಗೆ ಯಾವುದೇ ಹಣವನ್ನು ಪಾವತಿಸಲಾಗುವುದಿಲ್ಲ.

ಕೇಂದ್ರೀಯ ಒಪ್ಪಂದಗಳನ್ನು ಹೊಂದಿರುವ ಎಲ್ಲಾ ಆಟಗಾರರು ಗಾಯದ ಕಾರಣ ಐಪಿಎಲ್ ಋತುವನ್ನು ಕಳೆದುಕೊಂಡರೆ ಅವರಿಗೆ ಪರಿಹಾರವನ್ನು ನೀಡಲಾಗುತ್ತದೆ. ಅಂದರೆ ಸ್ಟಾರ್ ವೇಗಿ ದೀಪಕ್ ಚಹಾರ್ ಇಡೀ ಲೀಗ್ ನಿಂದ ದೂರವಿದ್ದರೂ ಅವರಿಗೆ ಭಾರೀ ಮೊತ್ತದ ಹಣ ಸಿಗಲಿದೆ.