IPL 2022: ಅತೀ ಹೆಚ್ಚು ಫೋರ್ ಬಾರಿಸಿದ ಟಾಪ್​ 5 ಆಟಗಾರರು ಇವ್ರು.. ಬೌಂಡರಿಗೆ ಬಾಲ್​ ಕಳಿಸೋದ್ರಲ್ಲಿ ನಿಸ್ಸಿಮರು!

ಇಂಡಿಯನ್ ಪ್ರೀಮಿಯರ್ ಲೀಗ್(Indian Premier League) 15ನೇ ಆವೃತ್ತಿ ಆರಂಭಕ್ಕೆ ದಿನಗಣನೆ ಶುರುವಾಗಿದೆ. ಅಭಿಮಾನಿಗಳಲ್ಲಿ ಈಗಾಗಲೇ ಐಪಿಎಲ್ 2022 (IPL 2022) ಫೀವರ್ ಶುರುವಾಗಿದೆ.

65 ದಿನಗಳ ಅವಧಿಯಲ್ಲಿ ಒಟ್ಟು 70 ಲೀಗ್ ಪಂದ್ಯಗಳು ಮತ್ತು 4 ಪ್ಲೇಆಫ್(Play Off) ಪಂದ್ಯಗಳನ್ನು ನಡೆಯಲಿದೆ. IPLಐಪಿಎಲ್‌ನಲ್ಲಿ ಪ್ರತೀ ಬಾರಿಯೂ ಒಂದಲ್ಲಾ ಒಂದು ದಾಖಲೆಗಳು ಸೃಷ್ಟಿಯಾಗುತ್ತಲೇ ಇರುತ್ತದೆ. ದಾಖಲೆಗಳು ಎಂದರೆ ಆಟಗಾರರು ಹಾಗೂ ತಂಡಗಳು ಸಹಜವಾಗಿಯೇ ಸಂಭ್ರಮಿಸುತ್ತವೆ.

ಇದೀಗ ಐಪಿಎಲ್​ ಇತಿಹಾಸದಲ್ಲೇ ಅತೀ ಹೆಚ್ಚು ಫೋರ್​ ಬಾರಿಸಿ ಟಾಪ್​ 5 ಆಟಗಾರರ ಪಟ್ಟಿಯನ್ನು ನಾವು ನಿಮಗೆ ತೋರಿಸುತ್ತೇವೆ. ಸ್ಟಾರ್​​ ಆಟಗಾರರು ಕೂಡ ಈ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ಹಾಗಿದ್ದರೆ ಯಾವ ಆಟಗಾರ ಎಷ್ಟು ಫೋರ್​ ಬಾರಿಸಿದ್ದಾರೆ ಅಂತ ನೋಡೋಣ ಬನ್ನಿ..

ಐಪಿಎಲ್​ನಲ್ಲಿನ ಸಿಕ್ಸರ್ ಸರದಾರ ಕ್ರಿಸ್ ಗೇಲ್ ಆಗಿದ್ದರೆ, ಫೋರ್​ಗಳ ಕಿಂಗ್ ಶಿಖರ್ ಧವನ್. ಈ ಬಾರಿ ಕೂಡ ಧವನ್ ಅವರ ಫೋರ್​ಗಳ ದಾಖಲೆಯನ್ನು ಮುರಿಯುವುದು ಕಷ್ಟಸಾಧ್ಯ ಎಂದೇ ಹೇಳಬಹುದು. ಯಾಕಂದ್ರೆ ಶಿಖರ್​ ಧವನ್​ ಇಲ್ಲಿಯವರೆಗೂ 654 ಫೋರ್​ ಭಾರಿಸಿ ಮೊದಲ ಸ್ಥಾನದಲ್ಲಿದ್ದಾರೆ.

ಕಿಂಗ್​ ಕೊಹ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ.ಎಲ್ಲ ದಾಖಲೆಗಳನ್ನು ಉಡೀಸ್​ ಮಾಡಿರುವ ವಿರಾಟ್​ ಕೊಹ್ಲಿ, ಇಲ್ಲೂ ಕೂಡ ಒಟ್ಟು 546 ಫೋರ್​ ಬಾರಿಸಿ ದಾಖಲೆ ಸೃಷ್ಟಿಸಿದ್ದಾರೆ. ಈ ಸೀಸನ್​ನಲ್ಲಿ ಇನ್ನೂ ಹೆಚ್ಚಿನ ಬೌಂಡರಿಗಳನ್ನು ನಿರೀಕ್ಷಿಸಬುದಾಗಿದೆ.

ಆಸ್ಟ್ರೇಲಿಯಾ ತಂಡ ಡೇವಿಡ್​ ವಾರ್ನರ್​ ಐಪಿಎಲ್​ನಲ್ಲಿ ಸನ್​ರೈರ್ಸಸ್​ ತಂಡ ಪರವಾಗಿ ಬ್ಯಾಟ್​ ಬೀಸಿದ್ದರು. ಐಪಿಎಲ್​ 2020ರಲ್ಲಿ ಕಳಪೆ ಪ್ರದರ್ಶನ ನೀಡಿ ತಂಡದಿಂದ ಹೊರಗುಳಿದಿದ್ದರು. ಆದರೂ, ಅವರು ಒಟ್ಟು 525 ಫೋರ್​ ಬಾರಿಸಿ ಮೂರನೇ ಸ್ಥಾನದಲ್ಲಿದ್ದಾರೆ.

ಮಿಸ್ಟರ್​ ಐಪಿಎಲ್​ ಎಂದು ಬಿರುದು ಪಡೆದುಕೊಂಡಿದ್ದ ಸುರೇಶ್​ ರೈನಾ ಈ ಬಾರಿ ಅನ್​​ಸೋಲ್ಡ್​ ಆಗಿದ್ದಾರೆ. ಆದರೆ ಅವರ ದಾಖಲೆಗಳನ್ನು ಮಾತ್ರ ಇನ್ನೂ ಯಾರಿಂದಲೂ ಮುರಿಯೋಕೆ ಸಾಧ್ಯವಾಗಿಲ್ಲ. ಸುರೇಶ್ ರೈನಾ ಒಟ್ಟು 506 ಫೋರ್​ಗಳನ್ನು ಬಾರಿಸಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ.

5ನೇ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಇದ್ದಾರೆ. ಹಿಟ್​​ ಮ್ಯಾನ್​ ರೋಹಿತ್​ ಶರ್ಮಾ ಇಲ್ಲಿಯವರೆಗೂ ಒಟ್ಟು 495 ಫೋರ್​ ಬಾರಿಸಿದ್ದಾರೆ.