AB de Villiers: RCB ಅಭಿಮಾನಿಗಳಿಗೆ ಗುಡ್ ನ್ಯೂಸ್, ಮುಂದಿನ ವರ್ಷ ಐಪಿಎಲ್​ಗೆ ಮರಳಲಿದ್ದಾರೆ ಮಿ. 360!

ಕ್ರಿಕೆಟಿಗರಿಗೆ ಇರುವಷ್ಟು ಕ್ರೇಜ್ ಭಾರತದಲ್ಲಿ ಬೇರೆ ಯಾರಿಗೂ ಇಲ್ಲ. ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಆರಂಭವಾದಗಿನಿಂದಲೂ ಕ್ರಿಕೆಟಿಗರ ಜನಪ್ರಿಯತೆ ಮತ್ತಷ್ಟು ಹೆಚ್ಚಿದೆ ಎಂದರೂ ತಪ್ಪಾಗಲಾರದು.

ಐಪಿಎಲ್ ಗೂ ಮುನ್ನವೇ ಟೀಂ ಇಂಡಿಯಾ ಆಟಗಾರರನ್ನಷ್ಟೇ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಮೆಚ್ಚಿಕೊಳ್ಳುತ್ತಿದ್ದರು. ಆದರೆ ಐಪಿಎಲ್ ಪ್ರವೇಶದೊಂದಿಗೆ ವಿದೇಶಿ ಆಟಗಾರರನ್ನೂ ಇಷ್ಟಪಡಲು ಆರಂಭಾಗಿದೆ.

ಕ್ರಿಸ್ ಗೇಲ್, ಎಬಿ ಡಿವಿಲಿಯರ್ಸ್, ಡೇವಿಡ್ ವಾರ್ನರ್, ಗ್ಲೆನ್ ಮ್ಯಾಕ್ಸ್ ವೆಲ್ ರಂತಹ ಆಟಗಾರರು ಭಾರತೀಯ ಕ್ರಿಕೆಟಿಗರಿಗೆ ಪೈಪೋಟಿ ನೀಡಿ ಸಾಕಷ್ಟು ಅಭಿಮಾನಿಗಳನ್ನು ಗಳಿಸಿಕೊಂಡಿದ್ದಾರೆ. ಅದರಲ್ಲಿಯೂ ಆರ್​ಸಿಬಿ ಅಭಿಮಾನಿಗಳಂತೂ ಸೌತ್ ಆಫ್ರಿಕಾದ ಎಬಿ ಡಿವಿಲಿಯರ್ಸ್ ಅವರನ್ನು ಭಾರತೀಯ ಕ್ರಿಕೆಟಿಗರನ್ನು ಇಷ್ಟಪಡುತ್ತಾರೆ ಎಂದರೂ ತಪ್ಪಾಗಲಾರದು

ಅದೇ ರೀತಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಭಿಮಾನಿಗಳು ಎಬಿ ಡಿವಿಲಿಯರ್ಸ್ ಮತ್ತು ಕ್ರಿಸ್ ಗೇಲ್ ಅವರ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ. 11 ಸೀಸನ್‌ಗಳಲ್ಲಿ ಆರ್‌ಸಿಬಿ ಪರ ಆಡಿದ್ದ ಡಿವಿಲಿಯರ್ಸ್ ಕಳೆದ ಸೀಸನ್ ಬಳಿಕ ಐಪಿಎಲ್‌ಗೆ ವಿದಾಯ ಹೇಳಿದ್ದರು. ಹೀಗಾಗಿ ಅವರು ಈ ಬಾರಿ ಐಪಿಎಲ್ ನಲ್ಲಿ ಕಾಣಿಸಕೊಳ್ಳಲಿಲ್ಲ.

ಆದರೆ ಡಿವಿಲಿಯರ್ಸ್ ಇದೀಗ ಆರ್​ಸಿಬಿ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಹೇಳಿದ್ದಾರೆ. ಮುಂದಿನ ವರ್ಷ ಐಪಿಎಲ್‌ಗೆ ರೀ ಎಂಟ್ರಿ ಕೊಡುವುದಾಗಿ ಘೋಷಿಸಿದ್ದಾರೆ. ಇತ್ತೀಚೆಗೆ ಖಾಸಗಿ ಸುದ್ದಿ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಇದನ್ನು ಸ್ಪಷ್ಟಪಡಿಸಿದ್ದಾರೆ.

ಇನ್ನು, ವಿರಾಟ್‌ ಕೊಹ್ಲಿ ಕೆಲ ದಿನಗಳ ಹಿಂದೆ ಡಿವಿಲಿಯರ್ಸ್ ಅವರು ಮತ್ತೆ ಐಪಿಎಲ್ ಗೆ ಮರಳುವುದರ ಕುರಿತು ಸೂಚನೆ ನೀಡಿದ್ದರು. ಅಲ್ಲದೇ ಡಿವಿಲಿಯರ್ಸ್ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಕೊಹ್ಲಿ ಹೇಳಿದ್ದರು.

ಡಿವಿಲಿಯರ್ಸ್ ಇತ್ತೀಚೆಗೆ ತಮ್ಮ ಪುನರಾಗಮನದ ಬಗ್ಗೆ ಪ್ರತಿಕ್ರಿಯಿಸಿದ್ದು ನಿಜ ಎಂದಿದ್ದಾರೆ. ಆದರೆ ಆಟಗಾರನಾಗಿ ಬರುತ್ತಾರೆಯೇ? ಅಥವಾ ಮಾರ್ಗದರ್ಶಕರಾಗಿ ಕಾಣಿಸಕೊಳ್ಳಿದ್ದರೋ? ಎಂಬುದರ ಬಗ್ಗೆ ಯಾವುದೇ ಸ್ಪಷ್ಟನೆ ನೀಡಿಲ್ಲ. ವರದಿಗಳ ಪ್ರಕಾರ, ಡಿವಿಲಿಯರ್ಸ್ ಆರ್‌ಸಿಬಿ ಮೆಂಟರ್ ಆಗಿ ಐಪಿಎಲ್‌ಗೆ ಮರು ಪ್ರವೇಶಿಸುವ ಸಾಧ್ಯತೆಯಿದೆ ಎನ್ನಲಾಗುತ್ತಿದೆ.