Lionel Messi: ಜಗತ್ತಿನ ಈ ನಗರದಲ್ಲಿ ಯಾರೂ ತಮ್ಮ ಮಗುವಿಗೆ ಮೆಸ್ಸಿ ಎಂದು ಹೆಸರಿಡಬಾರದಂತೆ! ಕಾರಣ ಏನು ಗೊತ್ತಾ?

ಅರ್ಜೆಂಟೀನಾದ ದಿಗ್ಗಜ ಲಿಯೋನೆಲ್ ಮೆಸ್ಸಿ ಅವರ ಕನಸು ನನಸಾಗಿದೆ. ಕತಾರ್ ಫಿಫಾ ವಿಶ್ವಕಪ್ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದು ಗೊತ್ತೇ ಇದೆ. ಇದೇ ತಿಂಗಳ 18ರಂದು ಅರ್ಜೆಂಟೀನಾ ಫೈನಲ್‌ನಲ್ಲಿ ಫ್ರಾನ್ಸ್ ವಿರುದ್ಧ ಪೆನಾಲ್ಟಿ ಶೂಟೌಟ್‌ನಲ್ಲಿ ಗೆದ್ದಿತ್ತು.

36 ವರ್ಷಗಳ ಕಾಯುವಿಕೆಗೆ ತೆರೆ ಎಳೆ ಮೆಸ್ಸಿ, ತಂಡವನ್ನು ವಿಶ್ವ ಚಾಂಪಿಯನ್​ ಮಾಡಿದರು. ಅವರು ಕತಾರ್ ವಿಶ್ವಕಪ್‌ನಲ್ಲಿ ಮೆಸ್ಸಿ ಭರ್ಜರಿ ಪ್ರದರ್ಶನದ ಮೂಲಕ ಕಪ್​ ಗೆಲ್ಲಿಸಿಕೊಟ್ಟರು.

2014ರ ವಿಶ್ವಕಪ್‌ನಲ್ಲಿ ಫೈನಲ್‌ಗೆ ತಲುಪಿದ್ದರೂ, ಅಂತಿಮ ಹಂತದಲ್ಲಿ ಅರ್ಜೆಂಟೀನಾ ಜರ್ಮನಿ ವಿರುದ್ಧ ಸೋಲನುಭವಿಸಿತ್ತು. ಆದರೆ ಈ ಬಾರಿ ಫ್ರಾನ್ಸ್ ವಿರುದ್ಧ ಪೆನಾಲ್ಟಿ ಶೂಟೌಟ್‌ನಲ್ಲಿ ಗೆದ್ದಿತ್ತು. ಗೆಲುವಿನ ಒಂದು ವಾರದ ನಂತರ ಭಾರತದ ಮಾಜಿ ಶ್ರೇಷ್ಠ ನಾಯಕ ಎಂಎಸ್ ಧೋನಿ ಮಗಳಿಗೆ ಮೆಸ್ಸಿ ಉಡುಗೊರೆ ನೀಡಿದ್ದಾರೆ.

ಮೆಸ್ಸಿ ಅರ್ಜೆಂಟೀನಾದ ರೊಸಾರಿಯೊ ನಗರದಲ್ಲಿ ಜನಿಸಿದರು. ಕೇವಲ 13 ವರ್ಷ ವಯಸ್ಸಿನಲ್ಲಿ.. ಕ್ಲಬ್ ಫುಟ್ಬಾಲ್ ಸೇರಲು ಅವರು ದೇಶವನ್ನು ತೊರೆದರು. ಅವರು ಎರಡು ದಶಕಗಳಿಗೂ ಹೆಚ್ಚು ಕಾಲ ಸ್ಪೇನ್‌ನ ಪ್ರಸಿದ್ಧ ಕ್ಲಬ್ ಬಾರ್ಸಿಲೋನಾದಲ್ಲಿ ಆಡಿದ್ದಾರೆ.

ಅಚ್ಚರಿಯ ವಿಷಯವೆಂದರೆ ಮೆಸ್ಸಿ ಜನಿಸಿದ ರೊಸಾರಿಯೊ ನಗರದಲ್ಲಿ ಪೋಷಕರು ತಮ್ಮ ಮಗುವಿಗೆ ಮೆಸ್ಸಿ ಎಂದು ಹೆಸರಿಡಲು ಅವಕಾಶವಿಲ್ಲ. 2014ರಲ್ಲಿ ಜಾರಿಗೆ ಬಂದ ಕಾನೂನಿನ ಪ್ರಕಾರ, ನಗರದಲ್ಲಿ ಜನಿಸಿದ ಯಾವುದೇ ಮಗುವಿಗೆ ಮೆಸ್ಸಿ ಹೆಸರನ್ನು ಇಡುವುದನ್ನು ನಿಷೇಧಿಸಲಾಗಿದೆ.

ರೊಸಾರಿಯೊದಲ್ಲಿ ಮೆಸ್ಸಿ ಹೆಸರು ಕೇವಲ ಲೆಜೆಂಡರಿ ಆಟಗಾರನಿಗೆ ಮಾತ್ರ ಇರಬೇಕು. ಬೇರೆಯವರಿಗೆ ಆ ಹೆಸರು ಬೇಡ ಎಂಬ ಕಾರಣಕ್ಕೆ.. ಈ ನಗರದಲ್ಲಿ ವಾಸಿಸುವ ಜನರು ತಮ್ಮ ಮಕ್ಕಳಿಗೆ ಮೆಸ್ಸಿ ಎಂದು ಹೆಸರಿಡುವುದನ್ನು ನಿಷೇಧಿಸಿದ್ದಾರೆ. ಇದರೊಂದಿಗೆ ಮೆಸ್ಸಿ ಹೆಸರನ್ನು ಯಾರೂ ತಮ್ಮ ಮಗುವಿನ ಹೆಸರನ್ನಾಗಿ ಇಟ್ಟುಕೊಳ್ಳುವಂತಿಲ್ಲ. ಈ ನಿಟ್ಟಿನಲ್ಲಿ ವಿಶೇಷ ಕಾನೂನು ಮಾಡಲಾಗಿದೆ.

ಮೆಸ್ಸಿ ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕ್ರೀಡಾಪಟುಗಳಲ್ಲಿ ಒಬ್ಬರು. ಕ್ರೀಡೆಯ ಹೊರತಾಗಿ ಹಲವು ಬ್ರಾಂಡ್‌ಗಳನ್ನು ಪ್ರಚಾರ ಮಾಡುವ ಮೂಲಕ ಅವರು ಸಾಕಷ್ಟು ಸಂಪಾದಿಸುತ್ತಾರೆ. ನವೆಂಬರ್ 2022 ರ ಹೊತ್ತಿಗೆ. ಲಿಯೋನೆಲ್ ಮೆಸ್ಸಿ ಅವರ ನಿವ್ವಳ ಮೌಲ್ಯ 600 ಮಿಲಿಯನ್ ಡಾಲರ್ ಅಂದರೆ 4 ಸಾವಿರದ 952 ಕೋಟಿ ರೂಪಾಯಿಗಳು.

ಇದರ ಜೊತೆಗೆ ಮೆಸ್ಸಿ ತಮ್ಮ ನಂಬರ್​ ಜೆರ್ಸಿಗೆ ಸಹಿ ಮಾಡಿ ಧೋನಿ ಮಗಳು ಝೀವಾಗೆ ಕಳುಹಿಸಿಕೊಟ್ಟಿದ್ದಾರೆ. ಇದರ ಫೋಟೋವನ್ನು ಝೀವಾ ತಮ್ಮ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.