Rohit Sharma: ರೋಹಿತ್‌ ನೋಡಿ ಮೈದಾನಕ್ಕೇ ನುಗ್ಗಿದ ಪುಟ್ಟ ಫ್ಯಾನ್! ಹಿಟ್​ಮ್ಯಾನ್ ನೋಡಿ ಬಾಲಕ ಮಾಡಿದ್ದೇನು?

ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ 3 ಪಂದ್ಯಗಳ ಸರಣಿಯ 2ನೇ ಏಕದಿನ ಪಂದ್ಯವನ್ನು ಭಾರತ ಭರ್ಜರಿಯಾಘಿ ಗೆಲ್ಲುವ ಮೂಲಕ ಭಾರತ 3 ಪಂದ್ಯಗಳ ಸರಣಿಯನ್ನು 2-0 ಅಂತರದಿಂದ ಇನ್ನು 1 ಪಂದ್ಯ ಬಾಕಿ ಇರುವಂತೆಯೇ ಜಯ ದಾಖಲಿಸಿದೆ.

ಕಿವೀಸ್​ ನೀಡಿದ ಸಣ್ಣ ಟಾರ್ಗೆಟ್​ ಬೆನ್ನಟ್ಟಿದ ಭಾರತ ತಂಡ 20.1 ಓವರ್​ಗಳಿಗೆ 2 ವಿಕೆಟ್​ಗೆ 111 ರನ್​ಗಳಿಸುವ ಮೂಲಕ 8 ವಿಕೆಟ್​ಗಳ ಜಯ ದಾಖಲಿಸಿದೆ. ಭಾರತದ ಪರ ನಾಯಕ ರೋಹಿತ್ ಶರ್ಮಾ 50 ಎಸೆತದಲ್ಲಿ 7 ಪೋರ್​ 2 ಸಿಕ್ಸ್​ ಮೂಲಕ 51 ರನ್ ಗಳಿಸಿದರು.

ರೋಹಿತ್ ಶರ್ಮಾ ತಂಡಕ್ಕೆ ಉತ್ತಮ ಆರಂಭ ನೀಡಿದರು. ಬೌಂಡರಿ ಹಾಗೂ ಸಿಕ್ಸರ್‌ಗಳಿಂದ ಕೂಡಿದ ತಮ್ಮ ಅರ್ಧಶತಕದ ಇನಿಂಗ್ಸ್‌ನಿಂದ ಅಭಿಮಾನಿಗಳನ್ನು ರಂಜಿಸಿದರು. ಅದೇ ವೇಳೆ 10ನೇ ಓವರ್ ನಲ್ಲಿ ರೋಹಿತ್ ಭರ್ಜರಿ ಸಿಕ್ಸರ್ ಬಾರಿಸಿದರು.

ಅಷ್ಟರಲ್ಲಿ ಹಿಟ್‌ಮ್ಯಾನ್‌ ಅಭಿಮಾನಿಯೊಬ್ಬ ಮೈದಾನಕ್ಕೆ ನುಗ್ಗಿ ವೇಗವಾಗಿ ಓಡಿ ರೋಹಿತ್‌ನನ್ನು ತಬ್ಬಿಕೊಂಡ ಘಟನೆ ನಡೆದಿದೆ. ಅದೇ ವೇಳೆ ರೋಹಿತ್​ ಸಹ ಅಭಿಮಾನಿಯನ್ನು ನಿರಾಸೆ ಮಾಡಲಿಲ್ಲ.

ಮೈದಾನದ ಒಳಗೆ ಓಡಿ ಬಂದು ರೋಹಿತ್​ ಅವರನ್ನು ತಬ್ಬಿಕೊಂಡ ಅಭಿಮಾನಿಯನ್ನು ರೋಹಿತ್​ ಶರ್ಮಾ ಸಹ ತಬ್ಬಿಕೊಳ್ಳುವ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು. ಆದರೆ ಸಿಬ್ಬಂದಿಗಳು ಬೇಗನೆ ಬಂದು ಆ ಬಾಲಕನ್ನು ಮೈದಾನದಿಂದ ಹೊರಗೆ ಕರೆದುಕೊಂದು ಹೋದರು.

ಭಾರತೀಯ ನಾಯಕನ ಈ ಮುಗ್ದ ಹೃದಯವನ್ನು ನೋಡಿದ ನಂತರ, ಅಭಿಮಾನಿಗಳು ಮತ್ತೊಮ್ಮೆ ಅವರನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹೊಗಳುತ್ತಿದ್ದಾರೆ.

ಇತ್ತೀಚೆಗೆ ರೋಹಿತ್ ಶರ್ಮಾ ಪುಟ್ಟ ಮಗುವಿನ ಕಣ್ಣೀರು ಒರೆಸಿದ್ದರು. ಬಳಿಕ ಅವರೊಂದಿಗೆ ಫೋಟೋ ಕೂಡ ತೆಗೆಸಿಕೊಂಡಿದ್ದರು. ಇದರ ವಿಡಿಯೋಗಳು ಆ ವೇಳೆ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿತ್ತು.

ಭಾರತದ ಪರ ನಾಯಕ ರೋಹಿತ್ ಶರ್ಮಾ 50 ಎಸೆತದಲ್ಲಿ 7 ಪೋರ್​ 2 ಸಿಕ್ಸ್​ ಮೂಲಕ 51 ರನ್ ಗಳಿಸಿದರು. ಉಳಿದಂತೆ ಶುಭ್​ಮನ್ ಗಿಲ್ 40 ರನ್, ವಿರಾಟ್ ಕೊಹ್ಲಿ 11 ರನ್ ಮತ್ತು ಇಶಾನ್ ಕಿಶನ್ 8 ರನ್ ಗಳಿಸುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.