Rishabh Pant: ತಾವಾಗಿಯೇ ತಂಡದಿಂದ ಹೊರ ನಡೆದ್ರಾ ರಿಷಬ್​​​? ಪಂತ್ ವಿಷಯದಲ್ಲಿ ಹೊಸ ಟ್ವಿಸ್ಟ್

ಟೀಂ ಇಂಡಿಯಾದ (Team India) ಸ್ಟಾರ್ ಪ್ಲೇಯರ್ ಆಗಿರುವ ರಿಷಬ್ ಪಂತ್ ಕಳೆದ ಕೆಲ ದಿನಗಳಿಂದ ಸೀಮಿತ ಓವರ್ ಗಳ ಕ್ರಿಕೆಟ್ ನಲ್ಲಿ ಹೆಚ್ಚು ಆಡುತ್ತಿದ್ದಾರೆ. ಆದರೆ ಸತತ ಅವಕಾಶಗಳು ಸಿಕ್ಕರೂ ರನ್ ಗಳಿಸುವಲ್ಲಿ ವಿಫಲರಾಗುತ್ತಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಶತಕ (ಔಟಾಗದೆ 125) ಗಳಿಸಿದ ನಂತರ, ಅವರು ODI ಮತ್ತು T20I ಗಳಲ್ಲಿ ಕಳಪೆ ಫಾರ್ಮ್ ಅನ್ನು ತೋರಿಸುತ್ತಿದ್ದಾರೆ. ಏಷ್ಯಾಕಪ್ ಹಾಗೂ ಟಿ20 ವಿಶ್ವಕಪ್‌ನಲ್ಲಿ ನಿರಾಸೆ ಮೂಡಿಸಿದ್ದರು. ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ನ್ಯೂಜಿಲೆಂಡ್ ಪ್ರವಾಸದಲ್ಲೂ ಆರಂಭಿಕರಾಗಿ ವಿಫಲರಾಗಿದ್ದರು.

ಆದಾಗ್ಯೂ, ಬಾಂಗ್ಲಾದೇಶದೊಂದಿಗಿನ ಏಕದಿನ ಮತ್ತು ಟೆಸ್ಟ್ ಸರಣಿಗೆ ಪಂತ್ ಆಯ್ಕೆಯಾದರು. ಸಂಜು ಸ್ಯಾಮ್ಸನ್, ಪಂತ್ ಕಾರಣದಿಂದ ಫಾರ್ಮ್‌ನಲ್ಲಿದ್ದರೂ, ಕಿವೀಸ್ ಪ್ರವಾಸದ ಸಮಯದಲ್ಲಿ ಬೆಂಚ್‌ಗೆ ಸೀಮಿತರಾಗಿದ್ದರು. ಅಲ್ಲದೇ ಬಾಂಗ್ಲಾ ಸರಣಿಗೆ ಆಯ್ಕೆ ಆಗಲಿಲ್ಲ.

ಬಾಂಗ್ಲಾದೇಶ ವಿರುದ್ಧದ ಮೊದಲ ಏಕದಿನ ಪಂದ್ಯದ ಆಡುವ ಹನ್ನೊಂದರಲ್ಲಿ ರಿಷಬ್ ಪಂತ್ ಸ್ಥಾನ ಪಡೆದಿರಲಿಲ್ಲ. ಪಂತ್ ಫಾರ್ಮ್ ನಲ್ಲಿಲ್ಲದ ಕಾರಣ ಅವರನ್ನು ಸೈಡ್ ಲೈನ್ ಮಾಡಲಾಗಿದೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ ಸ್ವಲ್ಪ ಸಮಯದ ನಂತರ, ಪಂತ್ ಏಕದಿನ ಸರಣಿಯಿಂದ ಹೊರಗುಳಿದಿದ್ದಾರೆ ಎಂದು ಬಿಸಿಸಿಐ ಘೋಷಿಸಿತು.

ಫಾರ್ಮ್ ಇಲ್ಲದ ಪಂತ್ ಅವರನ್ನು ಬಿಸಿಸಿಐ ಟಾರ್ಗೆಟ್ ಮಾಡಿದೆ ಎಂದು ಕೆಲವರು ಹೇಳಿದ್ದಾರೆ.ಇಲ್ಲ, ಗಾಯದಿಂದಾಗಿ ಪಂತ್ ಏಕದಿನ ಸರಣಿಯಿಂದ ಹೊರಗುಳಿದಿದ್ದಾರೆ ಎಂಬ ಅಭಿಪ್ರಾಯಗಳು ಕೇಳಿಬರುತ್ತಿದೆ.

ಆದರೆ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯಿಂದ ಪಂತ್​​ ಹೊರಬಿದ್ದಿರುವುದನ್ನು ಬಿಸಿಸಿಐ ಅಧಿಕೃತವಾಗಿ ತಿಳಿಸಿತ್ತು. ಆದರೆ ಇದಕ್ಕೆ ಸರಿಯಾದ ಕಾರಣವನ್ನು ತಿಳಿಸಿರಲಿಲ್ಲ.

ಅಲ್ಲದೇ ಅವರಿಗೆ ಕೊರೋನಾ ಅಥವಾ ಯಾವುದೇ ಗಾಯದ ಸಮಸ್ಯೆಯಿಂದ ಹೊರಬಿದ್ದಿಲ್ಲ. ಬದಲಿಗೆ ಅವರೇ ತಮ್ಮನ್ನು ಏಕದಿನ ತಂಡದಿಂದ ಹೊರಗಿಡುವಂತೆ ಕೇಳಿಕೊಂಡಿದ್ದರು ಎಂದು ವರದಿಯಾಗಿದೆ.

ಬಾಂಗ್ಲಾದೇಶ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್ ಸರಣಿಗೆ ಪಂತ್ ಆಯ್ಕೆಯಾಗಿರುವುದು ಗೊತ್ತೇ ಇದೆ. ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಪಂತ್ ಮಿಂಚುವ ಸಾಧ್ಯತೆ ಇದೆ. ಪಂತ್​ ಹೆಚ್ಚಾಗಿ ಟೆಸ್ಟ್​ ಸರಣಿಗಳಿಗೆ ಉತ್ತಮವಾಗಿ ಆಡುತ್ತಾರೆ.