Most Valued Celebrity: ಬಾಲಿವುಡ್​ ಸ್ಟಾರ್ಸ್​ಗೇ ಕಿಂಗ್​ ಕೊಹ್ಲಿ ಠಕ್ಕರ್, ಅತ್ತ ರಶ್ಮಿಕಾ ಮಂದಣ್ಣ ಬ್ರಾಂಡ್ ವ್ಯಾಲ್ಯೂ ಕೂಡಾ ಡಬಲ್

2022ರ ಭಾರತದ ಅತ್ಯಮೂಲ್ಯ ಸೆಲೆಬ್ರಿಟಿಗಳ ಪಟ್ಟಿ ಬಿಡುಗಡೆಯಾಗಿದ್ದು, ನಟ ರಣವೀರ್ ಸಿಂಗ್ ಅವರು 2022 ರ ಭಾರತದ ಅತ್ಯಮೂಲ್ಯ ಸೆಲೆಬ್ರಿಟಿ ಎಂದು ತಿಳಿದುಬಂದಿದೆ. ಈ ಮೂಲಕ ಎಲ್ಲರನ್ನೂ ರಣವೀರ್​ ಅಚ್ಚರಿಗೊಳಿಸಿದ್ದಾರೆ. ಈ ಪಟ್ಟಿಯಲ್ಲಿ ಧೊನಿ ಹಾಗೂ ಕೊಹ್ಲಿಯೂ ಸ್ಥಾನ ಪಡೆದಿದ್ದಾರೆ.

2022ರ ವರ್ಷವು ವೃತ್ತಿಜೀವನದ ದೃಷ್ಟಿಯಿಂದ ರಣವೀರ್ ಸಿಂಗ್‌ಗೆ ಉತ್ತಮವಾಗಿಲ್ಲ. ರಣವೀರ್ 83. ಜಯೇಶ್‌ಭಾಯ್ ಜೋರ್ದಾರ್ ಮತ್ತು ಸರ್ಕಸ್ ನಂತಹ ಫ್ಲಾಪ್‌ ಸಿನಿಮಾಗಳನ್ನು ನೀಡಿದರು. ಮತ್ತೊಂದೆಡೆ, ಅವರು ನಗ್ನ ಛಾಯಾಚಿತ್ರಗಳು ಮತ್ತು ಇತರ ಘಟನೆಗಳ ಬಗ್ಗೆ ಚರ್ಚೆಯಲ್ಲಿದ್ದರು. ಕ್ರೋಲ್ ಸೆಲೆಬ್ರಿಟಿ ಬ್ರಾಂಡ್ ಮೌಲ್ಯಮಾಪನ ವರದಿಯ ಪ್ರಕಾರ, ರಣವೀರ್ ಅವರ ಬ್ರ್ಯಾಂಡ್ ಮೌಲ್ಯ 2022ರಲ್ಲಿ $181.7 ಮಿಲಿಯನ್ ಇದೆಯಂತೆ. ಈ ಮೂಲಕ ಅವರೇ ಅಗ್ರಸ್ಥಾನದಲ್ಲಿದ್ದಾರೆ.

ಸೌತ್ ಸೆಲೆಬ್ರಿಟಿಗಳ ಬಗ್ಗೆ ನೋಡುವುದಾದರೆ, ಅಲ್ಲು ಅರ್ಜುನ್ ಅಗ್ರಸ್ಥಾನದಲ್ಲಿದ್ದಾರೆ. ಕಳೆದ ವರ್ಷ ಅಲ್ಲು ಅಭಿನಯದ 'ಪುಷ್ಪ' ಚಿತ್ರ ಬ್ಲಾಕ್‌ಬಸ್ಟರ್ ಆಗಿತ್ತು. ಇದೀಗ ಅವರು ಚಿತ್ರದ ಎರಡನೇ ಭಾಗಕ್ಕೆ ಕೆಲಸ ನಡೆಯುತ್ತಿದೆ. ಇದಕ್ಕಾಗಿ ಪ್ರೇಕ್ಷಕರು ಕಾತುರದಿಂದ ಕಾಯುತ್ತಿದ್ದಾರೆ. ಹೀಗಾಗಿ ಅಲ್ಲು ಅರ್ಜುನ್​ ಬ್ರಾಂಡ್ ಮೌಲ್ಯ: $31.4 ಮಿಲಿಯನ್ ಆಗಿದೆ.

ಭಾರತದ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಈ ಬಾರಿ ಎರಡನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಕ್ರಿಕೆಟ್ ಜೊತೆಗೆ ಜಾಹಿರಾತು ಲೋಕದಲ್ಲೂ ವಿರಾಟ್ ಮೇಲುಗೈ ಸಾಧಿಸಿದ್ದರೂ ಕಳೆದ ವರ್ಷ ಅವರ ಮೌಲ್ಯ ಕೊಂಚ ಕಡಿಮೆಯಾಗಿದೆ. ಬ್ರಾಂಡ್ ಮೌಲ್ಯ: $176.9 ಮಿಲಿಯನ್ ಆಗಿದೆ. ಆದರೂ ಕೊಹ್ಲಿ ಬಾಲಿವುಡ್​ ಸ್ಟಾರ್​ಗಳಿಗಿಂತೆ ಮೇಲಿದ್ದಾರೆ.

ರಶ್ಮಿಕಾ ಮಂದಣ್ಣ ಅವರಿಗೂ 2022ರ ವರ್ಷ ತುಂಬಾ ಚೆನ್ನಾಗಿತ್ತು. ಪುಷ್ಪ ಚಿತ್ರದ ಯಶಸ್ಸು ಅವರ ವೃತ್ತಿಜೀವನವನ್ನು ಹೆಚ್ಚಿಸಿತು ಮತ್ತು ಅವರ ಬ್ರ್ಯಾಂಡ್ ಮೌಲ್ಯವೂ ಹೆಚ್ಚಾಯಿತು. ದಕ್ಷಿಣ ಚಿತ್ರರಂಗದಲ್ಲಿ ಅಲ್ಲು ನಂತರ ಎರಡನೇ ಸ್ಥಾನದಲ್ಲಿದ್ದಾರೆ. ಬ್ರಾಂಡ್ ಮೌಲ್ಯ: $25.3 ಮಿಲಿಯನ್ ಆಗಿದೆ.

ಇತ್ತೀಚೆಗೆ ಆಸ್ಕರ್‌ನಲ್ಲಿ ತಮ್ಮ ಛಾಪು ಮೂಡಿಸಿದ ರಾಮ್ ಚರಣ್ ಮತ್ತು ದೀಪಿಕ್ ಪಡುಕೋಣೆ ಕೂಡ ಈ ಪಟ್ಟಿಯಲ್ಲಿ ಸೇರಿದ್ದಾರೆ. ಈ ಪಟ್ಟಿಯಲ್ಲಿ ಇಬ್ಬರೂ ಐದನೇ ಸ್ಥಾನದಲ್ಲಿದ್ದಾರೆ. ದೀಪಿಕಾ ಬ್ರ್ಯಾಂಡ್ ಮೌಲ್ಯ: $82.9 ಮಿಲಿಯನ್, ರಾಮ್ ಚರಣ್ ಬ್ರಾಂಡ್ ಮೌಲ್ಯ: $11.7 ಮಿಲಿಯನ್ ಆಗಿದೆ.

ಇದಲ್ಲದೆ, ಅಕ್ಷಯ್ ಕುಮಾರ್, ಸಮಂತಾ ರುತ್ ಪ್ರಭು, ಆಲಿಯಾ ಭಟ್, ಮಹೇಶ್ ಬಾಬು, ಶಾರುಖ್ ಖಾನ್, ಹೃತಿಕ್ ರೋಷನ್, ರಣಬೀರ್ ಕಪೂರ್, ಅನುಷ್ಕಾ ಶರ್ಮಾ ಮುಂತಾದ ತಾರೆಯರು ಈ ಪಟ್ಟಿಯಲ್ಲಿದ್ದಾರೆ.

ಮಾಜಿ ಕ್ರಿಕೆಟಿಗ ಎಂಎಸ್ ಧೋನಿ 80 ಮಿಲಿಯನ್ ಡಾಲರ್ ಬ್ರಾಂಡ್ ಮೌಲ್ಯದೊಂದಿಗೆ ಆರನೇ ಸ್ಥಾನದಲ್ಲಿದ್ದರೆ, ಸಚಿನ್ ತೆಂಡೂಲ್ಕರ್ ಮೊದಲ ಬಾರಿಗೆ ಟಾಪ್ 10 ರೊಳಗೆ ಪ್ರವೇಶಿಸಿದ್ದು, 73.6 ಮಿಲಿಯನ್ ಡಾಲರ್ ಬ್ರಾಂಡ್ ಮೌಲ್ಯದೊಂದಿಗೆ ಎಂಟನೇ ಸ್ಥಾನದಲ್ಲಿದ್ದಾರೆ.

ಇನ್ನು, ಒಲಿಂಪಿಕ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾ ಮತ್ತು ಪಿವಿ ಸಿಂಧು 26.5 ಮಿಲಿಯನ್ ಡಾಲರ್ ಬ್ರಾಂಡ್ ಮೌಲ್ಯದೊಂದಿಗೆ 23 ನೇ ಸ್ಥಾನದಲ್ಲಿದ್ದಾರೆ ಎಂದು ವರದಿ ತಿಳಿಸಿದೆ.