IND vs SL: ಮೈದಾನ ಯಾವುದೇ ಇರಲಿ, ಈ ಲಂಕಾ ಆಟಗಾರನದ್ದೇ ಅಬ್ಬರ! ಇವ್ರು ಕಣಕ್ಕಿಳಿದ್ರೆ ಟೀಂ ಇಂಡಿಯಾಗೆ ಚಳಿ-ಜ್ವರ ಗ್ಯಾರಂಟಿ!

ಪುಣೆಯಲ್ಲಿ ನಡೆದ ಭಾರತ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ಶ್ರೀಲಂಕಾ 16 ರನ್‌ಗಳ ಜಯ ಸಾಧಿಸಿದೆ. ಶ್ರೀಲಂಕಾ ಗೆಲುವಿನಲ್ಲಿ ನಾಯಕ ದಸುನ್ ಶನಕ ಪಾತ್ರ ಅತ್ಯಂತ ಮಹತ್ವದ್ದು. ಮೊದಲು ಅವರು 22 ಎಸೆತಗಳಲ್ಲಿ 56 ರನ್ ಗಳಿಸಿ ನಾಯಕತ್ವದ ಇನ್ನಿಂಗ್ಸ್ ಆಡಿದರು. ಆ ಬಳಿಕ.. ಪಂದ್ಯದ ಕೊನೆಯ ಓವರ್‌ನಲ್ಲಿ 21 ರನ್‌ಗಳನ್ನು ಡಿಫೆಂಡ್‌ ಮಾಡಿ 2 ವಿಕೆಟ್‌ಗಳನ್ನು ಪಡೆದರು

ಕಳೆದ ಒಂದು ವರ್ಷದಿಂದ ಟೀಂ ಇಂಡಿಯಾ ವಿರುದ್ಧ ದಾಸುನ್ ಶನಕ ಭರ್ಜರಿ ಆಟವಾಡಿದ್ದಾರೆ. ಇವರು ಏಕಾಂಗಿಯಾಗಿ ಶ್ರೀಲಂಕಾಕ್ಕೆ ಹಲವು ಬಾರಿ ಜಯ ತಂದುಕೊಟ್ಟಿದ್ದರು. ಆದರೆ, ಶನಕ ಪ್ರತಿಭೆಯ ನಡುವೆಯೂ ಐಪಿಎಲ್ ಹರಾಜಿನಲ್ಲಿ ಯಾರೂ ಖರೀದಿಸಲಿಲ್ಲ.

ಪುಣೆ ಟಿ20ಯಲ್ಲಿ ಶ್ರೀಲಂಕಾವನ್ನು 206 ರನ್‌ಗಳ ಸ್ಕೋರ್‌ಗೆ ಕೊಂಡೊಯ್ಯುವಲ್ಲಿ ದಸುನ್ ಶನಕ ಪ್ರಮುಖ ಪಾತ್ರ ವಹಿಸಿದ್ದರು. 14ನೇ ಓವರ್‌ನಲ್ಲಿ ಬ್ಯಾಟಿಂಗ್‌ಗೆ ಬಂದ ಅವರು ನಂತರದ 6 ಓವರ್ ಗಳಲ್ಲಿ ಶ್ರೀಲಂಕಾ ಸ್ಕೋರ್ 200 ರನ್ ದಾಟಿತು. ಕೊನೆಯ 30 ಎಸೆತಗಳಲ್ಲಿ ಶ್ರೀಲಂಕಾ 77 ರನ್ ಗಳಿಸಿತು. ಶನಕ 22 ಎಸೆತಗಳಲ್ಲಿ ಅಜೇಯ 56 ರನ್ ಗಳಿಸಿದರು. ಅವರು 6 ಸಿಕ್ಸರ್ ಮತ್ತು 2 ಬೌಂಡರಿಗಳನ್ನು ಬಾರಿಸಿದರು.

ಭಾರತದ ವಿರುದ್ಧ ಶನಕ ಈ ರೀತಿ ಬ್ಯಾಟಿಂಗ್ ಮಾಡುತ್ತಿರುವುದು ಇದೇ ಮೊದಲಲ್ಲ. ಮುಂಬೈನಲ್ಲಿ ನಡೆದ ಮೊದಲ ಟಿ20ಯಲ್ಲೂ ಕೆಚ್ಚೆದೆಯಿಂದ ಬ್ಯಾಟಿಂಗ್ ಮಾಡಿದ್ದರು. ಶನಕ 27 ಎಸೆತಗಳಲ್ಲಿ 3 ಬೌಂಡರಿ ಹಾಗೂ 3 ಸಿಕ್ಸರ್‌ಗಳ ನೆರವಿನಿಂದ 45 ರನ್ ಗಳಿಸಿದರು. ಅವರು ಔಟಾಗದೇ ಇದ್ದಿದ್ದರೆ ಪಂದ್ಯದ ಫಲಿತಾಂಶವೇ ಬೇರೆಯಾಗುತ್ತಿತ್ತು.

ಇದಕ್ಕೂ ಮುನ್ನ.. ಕಳೆದ ವರ್ಷ ಏಷ್ಯಾಕಪ್‌ನ ಸೂಪರ್-4 ಸುತ್ತಿನ ಪಂದ್ಯದಲ್ಲಿ ಶ್ರೀಲಂಕಾ ಟಿ20 ನಾಯಕ ಭಾರತದ ವಿರುದ್ಧ ನಾಯಕತ್ವದ ಇನ್ನಿಂಗ್ಸ್ ಆಡಿದ್ದರು. ಈ ಪಂದ್ಯದಲ್ಲಿ ಅವರು 18 ಎಸೆತಗಳಲ್ಲಿ ಅಜೇಯ 33 ರನ್ ಗಳಿಸಿದರು ಮತ್ತು ಪಂದ್ಯದಲ್ಲಿ 2 ವಿಕೆಟ್ ಪಡೆದರು. ಅವರ ಪ್ರದರ್ಶನದಿಂದಾಗಿ.. ಶ್ರೀಲಂಕಾ 1 ಎಸೆತ ಬಾಕಿ ಇರುವಂತೆಯೇ ಭಾರತವನ್ನು 6 ವಿಕೆಟ್‌ಗಳಿಂದ ಸೋಲಿಸಿತು.

ದಾಸುನ್ ಇದುವರೆಗೆ 84 ಟಿ20 ಪಂದ್ಯಗಳಲ್ಲಿ 121 ಸ್ಟ್ರೈಕ್ ರೇಟ್‌ನೊಂದಿಗೆ 1305 ರನ್ ಗಳಿಸಿದ್ದಾರೆ. ಅವರು 5 ಅರ್ಧಶತಕಗಳನ್ನು ಸಹ ಗಳಿಸಿದ್ದಾರೆ. ಟಿ20 ಮಾದರಿಯಲ್ಲಿ ಒಟ್ಟು 23 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಇದರಲ್ಲಿ ಅವರು ಭಾರತದ ವಿರುದ್ಧ 14 ವಿಕೆಟ್ ಪಡೆದಿದ್ದಾರೆ.

ಭಾರತ ವಿರುದ್ಧದ ಕೊನೆಯ ಐದು T20Iಗಳಲ್ಲಿ ಶನಕ 30 ಪ್ಲಸ್ ಗಳಿಸಿದ್ದಾರೆ ಮತ್ತು ನಾಲ್ಕು ಸಂದರ್ಭಗಳಲ್ಲಿ ಅಜೇಯರಾಗಿ ಉಳಿದಿದ್ದಾರೆ. ಈ ಐದು ಪಂದ್ಯಗಳಲ್ಲಿ ಅವರ ಬ್ಯಾಟ್‌ನಿಂದ ಎರಡು ಅರ್ಧಶತಕಗಳು ಬಂದವು. ಅಂದರೆ ಭಾರತದ ಮೇಲೆ ಏಕಾಂಗಿಯಾಗಿ ಲಂಕಾಗೆ ಗೆಲುವು ತಂದುಕೊಡುತ್ತಿದ್ದಾರೆ.