Rohit Sharma: ಅಗಲಿದ ಮುದ್ದು ನಾಯಿಗೆ ಅರ್ಧಶತಕ ಅರ್ಪಿಸಿದ ರೋಹಿತ್, ಮೈದಾನದಲ್ಲೇ ಪ್ರೀತಿಯ ಶ್ವಾನ ನೆನೆದು ಭಾವುಕರಾದ ಹಿಟ್​ಮ್ಯಾನ್

ಹೆಬ್ಬೆರಳಿನ ಗಾಯದಿಂದ ಚೇತರಿಸಿಕೊಂಡಿರುವ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಟೀಂ ಇಂಡಿಯಾಕ್ಕೆ ಮರಳಿದ್ದಾರೆ. ಅವರು ಶ್ರೀಲಂಕಾ ನಡುವಿನ ಏಕದಿನ ಸರಣಿಯ ಮೊದಲು ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡಿ 67 ಎಸೆತಗಳಲ್ಲಿ 83 ರನ್ ಗಳಿಸಿ ಅದ್ಭುತ ಇನ್ನಿಂಗ್ಸ್ ಆಡಿದರು. ಈ ಇನ್ನಿಂಗ್ಸ್‌ನಲ್ಲಿ ರೋಹಿತ್ 9 ಬೌಂಡರಿ ಮತ್ತು 3 ಸಿಕ್ಸರ್‌ಗಳನ್ನು ಬಾರಿಸಿದರು.

ರೋಹಿತ್ ಶರ್ಮಾ ಕೂಡ ತಮ್ಮ ಇನಿಂಗ್ಸ್‌ನ ಮಧ್ಯದಲ್ಲಿ ಭಾವುಕರಾಗಿ ಕಾಣಿಸಿಕೊಂಡರು. ರೋಹಿತ್ ಶರ್ಮಾ 41 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದಾಗ ಅವರೂ ಆಕಾಶದತ್ತ ನೋಡಿದರು. ಅವರು ತಮ್ಮ ಅರ್ಧಶತಕವನ್ನು ತಮ್ಮ ಮುದ್ದಿನ ನಾಯಿಗೆ ಅರ್ಪಿಸಿದರು. ಪಂದ್ಯದ ಮಧ್ಯೆ ರೋಹಿತ್ ಭಾವುಕರಾಗಲು ವಿಶೇಷ ಕಾರಣವಿದೆ. ವಾಸ್ತವವಾಗಿ, ಶ್ರೀಲಂಕಾ ವಿರುದ್ಧದ ಮೊದಲ ಏಕದಿನ ಪಂದ್ಯಕ್ಕೂ ಮುನ್ನ ರೋಹಿತ್ ಶರ್ಮಾ ಅವರ ಮುದ್ದಿನ ನಾಯಿ ಸಾವನ್ನಪ್ಪಿತ್ತು.

ರೋಹಿತ್ ಶರ್ಮಾ ಅವರ ಪತ್ನಿ ರಿತಿಕಾ ಸಜ್ದೇಹ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಮೂಲಕ ಅಭಿಮಾನಿಗಳೊಂದಿಗೆ ಈ ಬೇಸರದ ಸಂಗತಿಯನ್ನು ಹಂಚಿಕೊಂಡಿದ್ದರು. ಮೊದಲ ಏಕದಿನ ಪಂದ್ಯಕ್ಕೆ ಒಂದು ದಿನ ಬಾಕಿ ಇರುವಾಗಲೇ ರೋಹಿತ್ ಸಾಕು ನಾಯಿ ಸಾವನ್ನಪ್ಪಿದೆ.

ರೋಹಿತ್ ಶರ್ಮಾ, ಮಗಳು ಸಮೈರಾ ಮತ್ತು ಅವರ ಕುಟುಂಬದ ಇತರ ಸದಸ್ಯರೊಂದಿಗೆ ತನ್ನ ಮುದ್ದಿನ ನಾಯಿಯ ಕೆಲವು ಮುದ್ದಾದ ಚಿತ್ರಗಳನ್ನು ರಿತಿಕಾ ಸಜ್ದೆ ಹಂಚಿಕೊಂಡಿದ್ದಾರೆ. ಈ ಎಲ್ಲಾ ಚಿತ್ರಗಳನ್ನು ಹಂಚಿಕೊಳ್ಳುವಾಗ ರಿತಿಕಾ ಸದ್ಜೆದ್ ತುಂಬಾ ಭಾವನಾತ್ಮಕ ಸಂದೇಶವನ್ನು ಬರೆದಿದ್ದಾರೆ. ಸೂರ್ಯಕುಮಾರ್ ಯಾದವ್, ಆಥಿಯಾ ಶೆಟ್ಟಿ, ನೂಪುರ್ ನಗರ ಮತ್ತು ತಿಲಕ್ ವರ್ಮಾ ಕೂಡ ರಿತಿಕಾ ಅವರ ಈ ಪೋಸ್ಟ್ ಬಗ್ಗೆ ತಮ್ಮ ಪ್ರತಿಕ್ರಿಯಿಸಿದ್ದಾರೆ.

ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ರಿತಿಕಾ ಸಜ್ದೇಹ್, ‘ನಿನ್ನೆ ನಮ್ಮ ಜೀವನದಲ್ಲಿ ಇದುವರೆಗಿನ ಅತ್ಯಂತ ಕಷ್ಟಕರವಾದ ದಿನವಾಗಿತ್ತು. ನಾವು ನಮ್ಮ ಜೀವನದ ಪ್ರೀತಿಗೆ ವಿದಾಯ ಹೇಳಿದ್ದೇವೆ‘ ಎಂದು ಹೇಳಿದ್ದಾರೆ.

ನೀನು ನನಗೆ ಅತ್ಯುತ್ತಮ ಫರ್ ಬೇಬಿ ಆಗಿದ್ದೆ. ನನ್ನ ಮೊದಲ ಪ್ರೀತಿ, ನನ್ನ ಮೊದಲ ಮಗು. ನಾವು ಮತ್ತೆ ಭೇಟಿಯಾಗುವವರೆಗೂ, ನಮ್ಮ ಜೀವನದಲ್ಲಿ ಯಾವಾಗಲೂ ನಿನ್ನ ನೆನಪು ಇರುತ್ತದೆ ಎಂದು ರಿತಿಕಾ ಅವರು ಬರೆದುಕೊಂಡಿದ್ದಾರೆ.

ರೋಹಿತ್ ಶರ್ಮಾ ಕೂಡ ತಮ್ಮ ಮುದ್ದಿನ ನಾಯಿಗೆ ತುಂಬಾ ಹತ್ತಿರವಾಗಿದ್ದರು. ಅವರು ಆಗಾಗ್ಗೆ ತಮ್ಮ ಸಾಕು ನಾಯಿಯೊಂದಿಗೆ ಚಿತ್ರಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳುತ್ತಿದ್ದರು.

ರೋಹಿತ್ ಶರ್ಮಾ ಕೂಡ ತಮ್ಮ ಮುದ್ದಿನ ನಾಯಿಯ ಸಾವಿನಿಂದ ತೀವ್ರ ದುಃಖಿತರಾಗಿದ್ದಾರೆ ಮತ್ತು ಪಂದ್ಯದ ಮಧ್ಯದಲ್ಲಿಯೂ ಅವರ ದುಃಖವು ಅಭಿಮಾನಿಗಳಿಗೆ ಗೋಚರಿಸಿತು. ಹೀಗಾಗಿ ಅವರು ತಮ್ಮ ಅರ್ಧಶತಕವನ್ನು ತಮ್ಮ ಮುದ್ದಿನ ನಾಯಿಗೆ ಅರ್ಪಿಸಿದ್ದಾರೆ.