Virat Kohli: ‘ವಿರಾಟ್‘​​ ರೂಪಕ್ಕೆ ದಾಖಲೆಗಳೆಲ್ಲಾ ಪೀಸ್​-ಪೀಸ್! ಹೊಸ ರೆಕಾರ್ಡ್​​ ಬರೆದ ಕಿಂಗ್​ ಕೊಹ್ಲಿ

ವಿರಾಟ್ ಕೊಹ್ಲಿ ಬ್ಯಾಟ್ ಮತ್ತೆ ನಾಗಾಲೋಟದಲ್ಲಿದೆ. ಶ್ರೀಲಂಕಾ ವಿರುದ್ಧದ ಮೂರನೇ ODI ನಲ್ಲಿ (IND vs SL), ಅವರು 85 ಎಸೆತಗಳಲ್ಲಿ ಶತಕ ಗಳಿಸಿದರು. ಅವರು 110 ಎಸೆತಗಳಲ್ಲಿ 166 ರನ್ ಗಳಿಸಿ ಅಜೇಯರಾಗಿ ಉಳಿದರು. ಇನ್ನು, ವಿರಾಟ್ ಕೊಹ್ಲಿ ಡಿಸೆಂಬರ್ 2022 ರಿಂದ ಒಟ್ಟು 4 ODIಗಳಲ್ಲಿ 3ರಲ್ಲಿ ಶತಕ ಸಿಡಿಸಿದ್ದಾರೆ.

ಈ ಮೂಲಕ ಕೊಹ್ಲಿ 5ನೇ ಬಾರಿ 150ಕ್ಕೂ ಹೆಚ್ಚು ರನ್ ಗಳ ಇನ್ನಿಂಗ್ಸ್ ಆಡಿದರು. 13 ಬೌಂಡರಿ ಹಾಗೂ 8 ಸಿಕ್ಸರ್‌ಗಳನ್ನು ಬಾರಿಸಿದರು. ಇದು ಏಕದಿನ ವೃತ್ತಿಜೀವನದಲ್ಲಿ ಅವರ 46ನೇ ಶತಕವಾಗಿದೆ. ಸರಣಿಯ ಮೊದಲ ಪಂದ್ಯದಲ್ಲೂ ಕೊಹ್ಲಿ 113 ರನ್‌ಗಳ ಅಪ್ರತಿಮ ಇನ್ನಿಂಗ್ಸ್‌ ಆಡಿದ್ದರು.

ಇದು ಏಕದಿನದಲ್ಲಿ ವಿರಾಟ್ ಕೊಹ್ಲಿಗೆ 46ನೇ ಪಂದ್ಯವಾಗಿದೆ. ಸಚಿನ್ ತೆಂಡೂಲ್ಕರ್ (49 ಶತಕ) ಏಕದಿನದಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದ ಆಟಗಾರ ಎಂಬ ಖ್ಯಾತಿಗೆ ಒಳಗಾಗಿದ್ದಾರೆ. ಇನ್ನು 3 ಶತಕ ಬಾರಿಸಿದರೆ ಕೊಹ್ಲಿ ಸಚಿನ್ ದಾಖಲೆ ಸರಿಗಟ್ಟುವುದು ಖಚಿತ. ಒಟ್ಟಾರೆ ಇದು ಕೊಹ್ಲಿಗೆ 74 ಅಂತಾರಾಷ್ಟ್ರೀಯ ಶತಕವಾಗಿದೆ. ಸಚಿನ್ 100 ಶತಕಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದಾರೆ.

ರಾಟ್ ಕೊಹ್ಲಿ ಅವರ ಏಕದಿನ ವೃತ್ತಿಜೀವನದ 259 ನೇ ಇನ್ನಿಂಗ್ಸ್ ಆಗಿದ್ದು, ಅವರು 64 ಅರ್ಧಶತಕಗಳನ್ನು ಸಹ ಗಳಿಸಿದ್ದಾರೆ . 46 ಶತಕಗಳಲ್ಲದೆ, 64 ಅರ್ಧಶತಕಗಳನ್ನು ಸಹ ಗಳಿಸಿದ್ದಾರೆ.

ಇದೀಗ ಕೊಹ್ಲಿ ಮತ್ತೊಂದು ಅಪರೂಪದ ದಾಖಲೆ ನಿರ್ಮಿಸಿದ್ದಾರೆ.ಅವರು ಏಕದಿನದಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಶ್ರೀಲಂಕಾದ ಅನುಭವಿ ಆಟಗಾರ ಮಹೇಲಾ ಜಯವರ್ಧನೆ ಅವರನ್ನು ಹಿಂದಿಕ್ಕಿದರು. ಜಯವರ್ಧನೆ ತಮ್ಮ ವೃತ್ತಿ ಜೀವನದಲ್ಲಿ 448 ODIಗಳಲ್ಲಿ 12,650 ರನ್ ಗಳಿಸಿದ್ದಾರೆ.

ಶ್ರೀಲಂಕಾ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ 63 ರನ್ ಪೂರೈಸುವ ಮೂಲಕ ಜಯವರ್ಧನೆ ಅವರ ರನ್ ದಾಖಲೆಯನ್ನು ಕೊಹ್ಲಿ ಹಿಂದಿಕ್ಕಿದ್ದಾರೆ. ಸದ್ಯ ಏಕದಿನದಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಕೊಹ್ಲಿ 5ನೇ ಸ್ಥಾನದಲ್ಲಿದ್ದಾರೆ.

ಜಯಸೂರ್ಯ (ಶ್ರೀಲಂಕಾ), ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ), ಕುಮಾರ ಸಂಗಕ್ಕಾರ (ಶ್ರೀಲಂಕಾ) ಮತ್ತು ಸಚಿನ್ ತೆಂಡೂಲ್ಕರ್ (ಭಾರತ) ಕೊಹ್ಲಿಗಿಂತ ಮುಂದಿದ್ದಾರೆ. ಇವರಲ್ಲಿ ಜಯಸೂರ್ಯ (13,430) ಮತ್ತು ಪಾಂಟಿಂಗ್ (13,704) ಕೊಹ್ಲಿಗಿಂತ ಕೆವಲ ಸಾವಿರ ರನ್​ಗಳಷ್ಟು ಮುಂದಿದ್ದಾರೆ.

ಕೊಹ್ಲಿ ಪ್ರಸ್ತುತ 268 ಏಕದಿನ ಪಂದ್ಯಗಳಲ್ಲಿ 12,754 ರನ್ ಗಳಿಸಿದ್ದಾರೆ. ಅವರು ಸಚಿನ್‌ಗಿಂತ 5,672 ರನ್‌ ಹಿಂದೆ ಇದ್ದಾರೆ. ಸದ್ಯ ಕೊಹ್ಲಿ ವಯಸ್ಸು 34 ವರ್ಷ. ಇನ್ನು ನಾಲ್ಕು ವರ್ಷ ಕ್ರಿಕೆಟ್ ಆಡಲು ಅವಕಾಶವಿದೆ. ಸಚಿನ್ ದಾಖಲೆಯನ್ನು ದಾಟಬೇಕಾದರೆ ಕೊಹ್ಲಿ ಪ್ರತಿ ವರ್ಷ 1000ಕ್ಕೂ ಹೆಚ್ಚು ರನ್ ಗಳಿಸಬೇಕು. ಹಾಗಾದಾಗ ಮಾತ್ರ ಸಚಿನ್ ದಾಖಲೆ ಮುರಿಯುವ ಅವಕಾಶ ಸಿಗಲಿದೆ.