Shubman Gill: ಕೈಯಲ್ಲಿ ಬ್ಯಾಟ್, ಮುಖದಲ್ಲಿ ಮುದ್ದಾದ ನಗು! ಈಗ ಕ್ರಿಕೆಟ್ ಜಗತ್ತಲ್ಲಿ ಮಿಂಚುತ್ತಿರೋ ಟೀಂ ಇಂಡಿಯಾದ ಸ್ಟಾರ್​ ಪ್ಲೇಯರ್​ ಯಾರು ಗೊತ್ತಾ?

ಕ್ರಿಕೆಟಿಗರ ಬಗ್ಗೆ ಭಾರತದಲ್ಲಿ ಸಾಕಷ್ಟು ಕ್ರೇಜ್ ಇದೆ. ಅಭಿಮಾನಿಗಳು ತಮ್ಮ ನೆಚ್ಚಿನ ಕ್ರಿಕೆಟ್ ಬಗ್ಗೆ ಎಲ್ಲವನ್ನೂ ತಿಳಿದುಕೊಳ್ಳಲು ಬಯಸುತ್ತಾರೆ. ಇಂದು ನಾವು ಭಾರತದ ಅದ್ಭುತ ಕ್ರಿಕೆಟಿಗ ಶುಭಮನ್ ಗಿಲ್ ಅವರ ಬಾಲ್ಯದ ಚಿತ್ರಗಳು ಮತ್ತು ಅವರ ಬಾಲ್ಯದ ಕಥೆಗಳನ್ನು ಹೇಳಲಿದ್ದೇವೆ.

ಈ ಕ್ರಿಕೆಟಿಗ ಬೇರೆ ಯಾರೂ ಅಲ್ಲ, ದ್ವಿಶತಕ ಸಾಧನೆ ಮಾಡಿದ ಶುಭಮನ್ ಗಿಲ್. ಶುಭಮನ್ ಗಿಲ್ ಅವರು 8 ಸೆಪ್ಟೆಂಬರ್ 1999ರಂದು ಭಾರತದ ಪಂಜಾಬ್‌ನ ಫಾಜಿಲ್ಕಾದಲ್ಲಿ ಜನಿಸಿದರು. ಅವರು ಪಂಜಾಬ್‌ನ ಮೊಹಾಲಿಯಲ್ಲಿರುವ ಮಾನವ್ ಮಂಗಲ್ ಸ್ಮಾರ್ಟ್ ಸ್ಕೂಲ್‌ನಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪಡೆದರು. ಶುಭಮನ್ ಬಾಲ್ಯದಿಂದಲೂ ಕ್ರಿಕೆಟ್ ಆಡುತ್ತಿದ್ದರು, ಸಚಿನ್ ತೆಂಡೂಲ್ಕರ್, ರಾಹುಲ್ ದ್ರಾವಿಡ್ ಅವರಂತಹ ಅನುಭವಿಗಳು ಅವರಿಗೆ ಸ್ಫೂರ್ತಿಯಾಗಿದ್ದರು.

ಶುಭಮನ್ ಗಿಲ್ ಅವರ ತಂದೆ ಲಖ್ವಿಂದರ್ ಸಿಂಗ್ ಒಬ್ಬ ರೈತ. ಮಗನ ಕ್ರಿಕೆಟ್ ಅಭ್ಯಾಸಕ್ಕಾಗಿ ಫಾರ್ಮ್‌ನಲ್ಲಿಯೇ ಮೈದಾನ ಮಾಡಿಸಿದ್ದು, ಆಟವಾಡಲು ಟರ್ಫ್ ಪಿಚ್ ಕೂಡ ಮಾಡಿದ್ದರು. ಲಖ್ವಿಂದರ್ ಅಲ್ಲಿಯ ಹಳ್ಳಿಯ ಹುಡುಗರಿಗೆ ತನ್ನ ಮಗನ ವಿಕೆಟ್ ಕಬಳಿಸುವಂತೆ ಸವಾಲು ಹಾಕುತ್ತಿದ್ದರು. ಅದೇ ರೀತಿ ವಿಕೆಟ್​ ಪಡೆದವರಿಗೆ ಅದಕ್ಕೆ 100 ರೂಪಾಯಿಗಳನ್ನು ನೀಡುತ್ತಿದ್ದರು.

ಲಖ್ವಿಂದರ್ ಸಿಂಗ್ ಪ್ರಕಾರ, ಅವರು ತಮ್ಮ ಹಳ್ಳಿಯಲ್ಲಿ ಕೃಷಿಯನ್ನು ತೊರೆದು ಮೊಹಾಲಿಗೆ ತಮ್ಮ ಮಗ ಶುಭಮನ್ ಗಿಲ್ ಅವರನ್ನು ವೃತ್ತಿಪರ ಕ್ರಿಕೆಟಿಗನನ್ನಾಗಿ ಮಾಡಲು ಶ್ರಮಿಸುತ್ತಿದ್ದರು. ನಂತರ ಅವರ ತಂದೆ ಗಿಲ್​ರನ್ನು ಪಂಜಾಬ್ ಕ್ರಿಕೆಟ್ ಅಸೋಸಿಯೇಷನ್‌ನ ಅಕಾಡೆಮಿಗೆ ಸೇರಿಸಿದರು.

ಶುಭಮಾನ್ ಗಿಲ್ ಅವರು ತಮ್ಮ ಜೀವನದ ಕೆಲವು ವರ್ಷಗಳನ್ನು ತಮ್ಮ ಹಳ್ಳಿಯಲ್ಲಿ ಕಳೆದಿದ್ದಾರೆ. ಶುಭಮನ್ ಗಿಲ್ ಅವರ ತಂದೆ ಕೂಡ ವೃತ್ತಿಪರ ಕ್ರಿಕೆಟಿಗನಾಗಲು ಬಯಸಿದ್ದರು, ಆದರೆ ಇದು ಸಾಧ್ಯವಾಗಲಿಲ್ಲ. ಶುಬ್‌ಮಾನ್ ಗಿಲ್ ಅವರ ತಂದೆ ಟೈಮ್ಸ್ ಆಫ್ ಇಂಡಿಯಾಗೆ ನೀಡಿದ ಸಂದರ್ಶನದಲ್ಲಿ ತಮ್ಮ ಮಗ ತನ್ನ ಬಾಲ್ಯದಲ್ಲಿ ಕೃಷಿಯಲ್ಲಿ ಆಸಕ್ತಿ ಹೊಂದಿದ್ದನು ಮತ್ತು ಅವನೂ ಕೃಷಿ ಮಾಡಲು ಬಯಸಿದ್ದನು ಎಂದು ಹೇಳಿದ್ದರು.

ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ನೀಡಿದ ಸಂದರ್ಶನದಲ್ಲಿ ತಂದೆ ಲಖ್ವಿಂದರ್ ಸಿಂಗ್ ಅವರು ಶುಬ್‌ಮನ್‌ಗೆ 3 ವರ್ಷದಿಂದಲೂ ಕ್ರಿಕೆಟ್ ಹುಚ್ಚಿತ್ತು ಎಂದು ಹೇಳಿದ್ದರು. ಆ ವಯಸ್ಸಿನ ಮಕ್ಕಳು ಆಟಿಕೆಗಳೊಂದಿಗೆ ಆಟವಾಡುತ್ತಿದ್ದರು. ಆದರೆ ಗಿಲ್​ ಅಂತಹ ವಿಷಯಗಳನ್ನು ಎಂದಿಗೂ ಕೇಳಲಿಲ್ಲ. ಕೇವಲ ಬ್ಯಾಟ್ ಮತ್ತು ಬಾಲ್​ಗಳನ್ನು ಕೇಳುತ್ತಿದ್ದರಂತೆ.

ಶುಭಮನ್ ಗಿಲ್ ಪಂಜಾಬ್ ಪರ 16 ವರ್ಷದೊಳಗಿನವರ ಪಾದಾರ್ಪಣೆ ಮಾಡಿದರು. ಅವರು ವಿಜಯ್ ಮರ್ಚೆಂಟ್ ಟ್ರೋಫಿಯಲ್ಲಿ ಅಜೇಯ ದ್ವಿಶತಕ ಗಳಿಸಿದರು. 2014ರಲ್ಲಿ, ಅವರು ಪಂಜಾಬ್‌ನ ಅಂತರ ಜಿಲ್ಲಾ ಅಂಡರ್-16 ಸ್ಪರ್ಧೆಯಲ್ಲಿ 351 ರನ್ ಗಳಿಸಿದರು ಮತ್ತು ನಿರ್ಮಲ್ ಸಿಂಗ್ ಅವರೊಂದಿಗೆ 587 ರನ್‌ಗಳ ದಾಖಲೆಯ ಇನ್ನಿಂಗ್ಸ್​ ಆಡಿದ್ದರು.

ಶುಭಮನ್ ಗಿಲ್ ಅವರು ಐಸಿಸಿ ಅಂಡರ್-19 ವಿಶ್ವಕಪ್ 2018 ರಲ್ಲಿ ಭಾರತಕ್ಕಾಗಿ ಆಡಿದ್ದರು. ಭಾರತ ಈ ವಿಶ್ವಕಪ್ ಗೆದ್ದಿತ್ತು. ಈ ಗೆಲುವಿನ ಹೀರೋಗಳ ಪಟ್ಟಿಯಲ್ಲಿ ಶುಭಮನ್ ಗಿಲ್ ಹೆಸರು ಸೇರಿತ್ತು. ಅಲ್ಲದೇ 19 ನೇ ವಯಸ್ಸಿನಲ್ಲಿ ನಾನು ಅವನಲ್ಲಿ 10 ಪ್ರತಿಶತವೂ ಇರಲಿಲ್ಲ ಎಂದು ಸ್ವತಃ ವಿರಾಟ್ ಕೊಹ್ಲಿ ಹೇಳಿಕೊಮಡಿದ್ದರು.