Shubman Gill: ಬಾಬರ್ ಅಜಮ್​ ದಾಖಲೆ ಮುರಿದ ಗಿಲ್! ಶುಭ್​ಮನ್ ಅಬ್ಬರಕ್ಕೆ ರೆಕಾರ್ಡ್​​ಗಳೆಲ್ಲಾ ಉಡೀಸ್​

ಶುಭಮನ್ ಗಿಲ್ ಮತ್ತೊಂದು ಶತಕ ಬಾರಿಸಿದ್ದಾರೆ. ವಾರದ ಹಿಂದೆಯಷ್ಟೇ ದ್ವಿಶತಕ ಸಿಡಿಸಿದ್ದ ಶುಭಮನ್ ಗಿಲ್ ನ್ಯೂಜಿಲೆಂಡ್ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ 112 ರನ್ ಗಳ ಅದ್ಭುತ ಇನ್ನಿಂಗ್ಸ್ ಆಡಿದರು.

ಶುಭ್​ಮನ್ ಗಿಲ್ 78 ಎಸೆತಗಳಲ್ಲಿ 13 ಬೌಂಡರಿ ಮತ್ತು 5 ಸಿಕ್ಸರ್‌ಗಳ ಮೂಲಕ 112 ರನ್ ಗಳಸಿಇದರು. ನಾಯಕ ರೋಹಿತ್ ಶರ್ಮಾ ಅವರೊಂದಿಗೆ ಗಿಲ್ 212 ರನ್ ಜೊತೆಯಾಟವನ್ನು ಹಂಚಿಕೊಂಡರು. ಇದು ನ್ಯೂಜಿಲೆಂಡ್ ವಿರುದ್ಧ ಭಾರತದ ಅತಿ ದೊಡ್ಡ ಆರಂಭಿಕ ಜೊತೆಯಾಟವಾಗಿದೆ. ಈ ವೇಳೆ ರೋಹಿತ್ ಶರ್ಮಾ ಕೂಡ ಶತಕ ಬಾರಿಸಿದರು.

ಇದು ಶುಭಮನ್ ಗಿಲ್ ಅವರ ನಾಲ್ಕನೇ ಏಕದಿನ ಶತಕವಾಗಿದೆ. ಈ ಶತಕದೊಂದಿಗೆ ಗಿಲ್ ಅತಿ ಕಡಿಮೆ ಪಂದ್ಯದಲ್ಲಿ 4 ಶತಕ ಸಿಡಿಸಿದ ಭಾರತೀಯ ಕ್ರಿಕೆಟಿಗ ಎನಿಸಿಕೊಂಡಿದ್ದಾರೆ. ಇದು ಅವರ 21ನೇ ಪಂದ್ಯವಾಗಿದೆ.

ಇದೇ ವೇಳೆ ಶುಭಮನ್ ಗಿಲ್ ತಮ್ಮ ಎರಡನೇ ಶತಕವನ್ನು ಗಳಿಸಿ 2016 ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಬಾಬರ್ ಅಜಮ್ ನಿರ್ಮಿಸಿದ್ದ ಅಪರೂಪದ ದಾಖಲೆಯನ್ನು ಸರಿಗಟ್ಟಿದರು

ಈ ಶತಕದೊಂದಿಗೆ ಶುಭಮನ್ ಗಿಲ್ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ವಿಶ್ವದಾಖಲೆಯನ್ನು ಸರಿಗಟ್ಟಿದ್ದಾರೆ. ಈ ದಾಖಲೆ ಪಾಕಿಸ್ತಾನದ ಬಾಬರ್ ಅಜಮ್ ಹೆಸರಿನಲ್ಲಿತ್ತು. ಇದನ್ನು ಇದೀಗ ಗಿಲ್​ ಸರಿಗಟ್ಟಿದ್ದಾರೆ.

2016ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಬಾಬರ್ 3 ಪಂದ್ಯಗಳಲ್ಲಿ 360 ರನ್ ಗಳಿಸಿದ್ದರು. ಇದೀಗ ಶುಭಮನ್ ಗಿಲ್ ಕೂಡ ನ್ಯೂಜಿಲೆಂಡ್ ವಿರುದ್ಧ ಕೇವಲ 3 ಪಂದ್ಯಗಳಲ್ಲಿ 360 ರನ್ ಗಳಿಸಿದ್ದಾರೆ.

ಶುಭ್​ಮನ್ ಗಿಲ್​ 2023ರಲ್ಲಿ ನ್ಯೂಜಿಲ್ಯಾಂಡ್​ ವಿರುದ್ಧ 360 ರನ್ ಗಳಿಸುವ ಮೂಲಕ ಬಾಬರ್ ಅಜಮ್ ದಾಖಲೆ ಸರಿಗಟ್ಟಿದ್ದಾರೆ. ಇನ್ನು, ಈ ಪಟ್ಟಿಯಲ್ಲಿ ಇಮ್ರುನ್ ಕೇಯಸ್​ ಜಿಂಬಾಬ್ವೆ ವಿರುದ್ಧ 2018ರಲ್ಲಿ 349 ರನ್ ಗಳಿಸುವ ಮೂಲಕ 3ನೇ ಸ್ಥಾನದಲ್ಲಿದ್ದಾರೆ. ಉಳಿದಂತೆ ಕ್ವಿಂಟನ್​ ಡಿ ಕಾಕ್​ 4ನೇ ಮತ್ತು ಮಾರ್ಟಿನ್ ಗಪ್ಟಿಲ್ 5ನೇ ಸ್ಥಾನದಲ್ಲಿದ್ದಾರೆ.

ರೋಹಿತ್​ 83 ಎಸೆತಗಳಲ್ಲಿ 9 ಬೌಂಡರಿ ಹಾಗೂ 6 ಸಿಕ್ಸರ್‌ಗಳನ್ನು ಬಾರಿಸುವ ಮೂಲಕ ಶತಕ ಪೂರೈಸಿದರು. ಈ ಮೂಲಕ ಹಿಟ್​ಮ್ಯಾನ್ 1100 ದಿನಗಳ ಬಳಿಕ ಏಖದಿನ ಕ್ರಿಕೆಟ್​ನಲ್ಲಿ ಶತಕ ಬಾರಿಸಿದರು.