IND vs NZ T20I: ಭಾರತ - ಕಿವೀಸ್​ ನಿರ್ಣಾಯಕ ಪಂದ್ಯ, ಹೇಗಿರಲಿದೆ ಟೀಂ ಇಂಡಿಯಾ ಪ್ಲೇಯಿಂಗ್​ 11?

ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ 3 ಪಂದ್ಯಗಳ ಟಿ20 ಸರಣಿಯ ಕೊನೆಯ ಪಂದ್ಯ ಇಂದು ಅಹಮದಾಬಾದ್‌ನಲ್ಲಿ ನಡೆಯಲಿದೆ. ಈ ಪಂದ್ಯದಲ್ಲಿ ನಾಯಕ ಹಾರ್ದಿಕ್ ಪಾಂಡ್ಯ ಕೆಲವು ಬದಲಾವಣೆ ಮಾಡುವ ಸಾಧ್ಯತೆ ಇದೆ. ಇದಾದ ನಂತರ ಮುಂದಿನ ಆರು-ಏಳು ತಿಂಗಳುಗಳಲ್ಲಿ ಭಾರತ ಟಿ20 ಮಾದರಿಯಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿಲ್ಲ. ಹೀಗಿರುವಾಗ ಭಾರತ ಆಡುವ ಇಲೆವೆನ್‌ನಲ್ಲಿ ಪಾಂಡ್ಯ ಪೃಥ್ವಿ ಶಾ ಅವರಿಗೆ ಅವಕಾಶ ನೀಡುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.

ದ್ವಿಶತಕ ಬಾರಿಸಿದ ಶುಭ್​ಮನ್ ಗಿಲ್ ಅವರ ಪ್ರದರ್ಶನವು ಟಿ20 ಸ್ವರೂಪದಲ್ಲಿ ಉತ್ತಮವಾಗಿಲ್ಲ, ಆದರೆ ಇದರ ಹೊರತಾಗಿಯೂ, ನಾಯಕ ಅವರಿಗೆ ಇನ್ನೂ ಕೆಲವು ಅವಕಾಶಗಳನ್ನು ನೀಡುತ್ತಿದ್ದು, ಇಂದೂ ಸಹ ಕಣಕ್ಕಿಳಿಯುವ ಸಾಧ್ಯತೆ ಇದೆ.

ಇಶಾನ್ ಕಿಶನ್ ಅವರನ್ನು ಪ್ಲೇಯಿಂಗ್​ 11ರಿಂದ ಕೈಬಿಡಲು ಹೆಚ್ಚಿನ ಚರ್ಚೆಗಳು ನಡೆಯುತ್ತಿವೆ. ಅವರು ನಿರಂತರವಾಗಿ ರನ್ ಗಳಿಸಲು ಹೆಣಗಾಡುತ್ತಿರುವುದನ್ನು ಕಾಣಬಹುದು. ಈ ಪಂದ್ಯದಲ್ಲಿ ಇಶಾನ್ ಗೆ ಅವಕಾಶ ಸಿಗಬಹುದು ಎಂಬ ನಂಬಿಕೆ ಇದೆ. ಬಾಂಗ್ಲಾದೇಶದಲ್ಲಿ ಏಕದಿನದಲ್ಲಿ ದ್ವಿಶತಕ ಗಳಿಸಲು ಬ್ಯಾಟ್ಸ್‌ಮನ್‌ಗೆ ಇದು ಕೊನೆಯ ಅವಕಾಶವಾಗಿದೆ.

ನಾಯಕ ಹಾರ್ದಿಕ್ ಪಾಂಡ್ಯ ಪವರ್ ಹಿಟ್ಟರ್ ಪೃಥ್ವಿ ಶಾಗೆ ನಂಬರ್-3ರಲ್ಲಿ ಅವಕಾಶ ನೀಡಬಹುದು. ರಾಹುಲ್ ತ್ರಿಪಾಠಿ ಅವರಕಾಶವನ್ನು ಸರಿಯಾಗಿ ಬಳಸಿಕೊಳ್ಳದ ಕಾರಣ ಇಂದು ಶಾ ಅವರಿಗೆ ಅವಕಾಶ ಸಿಗುವ ಸಾಧ್ಯತೆ ಹೆಚ್ಚಿದೆ.

ಸೂರ್ಯಕುಮಾರ್ ಯಾದವ್ ಲಕ್ನೋ ಟಿ20ಯಲ್ಲಿ ನಾವು ವಿಭಿನ್ನ ರೀತಿಯಲ್ಲಿ ಆಟವಾಡಿದ್ದರು. ತಂಡದ ಅಗತ್ಯಕ್ಕೆ ತಕ್ಕಂತೆ ಕಠಿಣ ಪಿಚ್ ನಲ್ಲಿ ಸೂರ್ಯ ಬಿರುಸಿನ ಬ್ಯಾಟಿಂಗ್ ನಡೆಸಿ ತಂಡದ ಗೆಲುವಿನಲ್ಲಿ ಸಹಾಯಕಾರಿಯಾದರು.

ನಾಯಕ ಹಾರ್ದಿಕ್ ಪಾಂಡ್ಯ ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡರಲ್ಲಿಯೂ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಬ್ಯಾಟಿಂಗ್ ನಲ್ಲೂ ತಂಡದ ಅಗತ್ಯಕ್ಕೆ ತಕ್ಕಂತೆ ನಿಧಾನ ಅಥವಾ ವೇಗದ ರನ್ ಗಳಿಸುವ ಸಾಮರ್ಥ್ಯ ಹೊಂದಿದ್ದಾರೆ.

ವಾಷಿಂಗ್ಟನ್ ಸುಂದರ್ ರಾಂಚಿ ಟಿ20 ಪಂದ್ಯದಲ್ಲಿ ಭಾರತ ಸೋತಿರಬಹುದು ಆದರೆ ವಾಷಿಂಗ್ಟನ್ ಸುಂದರ್ ಹೀರೋ ಆಗಿ ಹೊರಹೊಮ್ಮಿದ್ದಾರೆ. ಅವರು ತಮ್ಮ T20 ಅಂತರಾಷ್ಟ್ರೀಯ ವೃತ್ತಿಜೀವನದ ಮೊದಲ ಅರ್ಧಶತಕವನ್ನು ಗಳಿಸಿದರು. ಆಲ್ ರೌಂಡರ್ ಆಗಿರುವ ಅವರು ಬ್ಯಾಟಿಂಗ್ ಮತ್ತು ಬೌಲಿಂಗ್ ವಿಭಾಗಗಳೆರಡನ್ನೂ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ

ಆಲ್ ರೌಂಡರ್ ಆಗಿ, ದೀಪಕ್ ಹೂಡಾ ಭಾರತದ T20 ತಂಡದಲ್ಲಿ ಗುರುತಿಸಿಕೊಂಡಿದ್ದಾರೆ. ಆದರೆ ಸಿಕ್ಕ ಅವಕಾಶದಲ್ಲಿ ಹೂಡಾ ಅಷ್ಟಾಗಿ ಮಿಂಚಿಲ್ಲ. ಆದರೂ ಇಂದು ಅವರಿಗೆ ಕೊನೆಯ ಅವಕಾಶ ಸಿಗಲಿದೆ.

ಶಿವಂ ಮಾವಿ ಭಾರತ ತಂಡದಲ್ಲಿ ಬೌಲರ್ ಆಗಿ ಸ್ಥಾನ ನೀಡಲಾಗಿದೆ. ಅಲ್ಲದೇ ಬುಮ್ರಾ ಅಂತಹ ಹಿರಿಯ ಅನುಪಸ್ಥಿತಿಯಲ್ಲಿ ಮಾವಿ ತಕ್ಕಮಟ್ಟಿಗಿನ ಪ್ರದರ್ನಶ ನೀಡುತ್ತಿದ್ದು, ಇಂದು ಆಯ್ಕೆ ಆಗುವ ಸಾಧ್ಯತೆ ಇದೆ.

ಸ್ಪಿನ್ನರ್ ಕುಲದೀಪ್ ಯಾದವ್ ತಮ್ಮ ಅದ್ಭುತ ಪ್ರದರ್ಶನದ ಆಧಾರದ ಮೇಲೆ ಟೀಂ ಇಂಡಿಯಾಕ್ಕೆ ಮರು ಪ್ರವೇಶ ಮಾಡಿದ್ದಾರೆ. ಭವಿಷ್ಯದಲ್ಲಿ ಯುಜುವೇಂದ್ರ ಚಹಾಲ್ ಬದಲಿಗೆ ಅವರಿಗೆ ತಂಡದಲ್ಲಿ ಅವಕಾಶ ನೀಡುವ ಬಗ್ಗೆ ಚರ್ಚೆ ನಡೆಯುತ್ತಿದೆ.

ಹಾರ್ದಿಕ್ ಪಾಂಡ್ಯ ಇನ್ನೂ ಯುಜ್ವೇಂದ್ರ ಚಹಾಲ್ ಮೇಲೆ ನಂಬಿಕೆ ಇಟ್ಟಿದ್ದಾರೆ. ಚಹಾಲ್ ಅವರ ಪ್ರದರ್ಶನವು ಬಹಳ ಸಮಯದಿಂದ ತಗ್ಗಿದೆ. ಲಕ್ನೋ ಟಿ20ಯಲ್ಲಿ ಅವರು ಅದ್ಭುತವಾಗಿ ಬೌಲಿಂಗ್ ಮಾಡಿದ್ದರು.

ಲಕ್ನೋದಲ್ಲಿ ಅರ್ಷದೀಪ್ ಸಿಂಗ್ ಎರಡು ಓವರ್ ಬೌಲ್ ಮಾಡಿದರು. ಈ ವೇಳೆ ಅವರು ಕೇವಲ ಏಳು ರನ್ ನೀಡಿ ಎರಡು ವಿಕೆಟ್ ಪಡೆದರು. ಈ ಎಡಗೈ ಬೌಲರ್ ಒಮ್ಮೆ ಅಬ್ಬರಿಸಿದರೆ, ಇನ್ನೊಮ್ಮೆ ಬೌಲಿಂಗ್​ ಮಾಡುವಲ್ಲಿ ಎಡವುತ್ತಿದ್ದಾರೆ. ಆದರೂ ಇಂದು ಅವರಿಗೆ ಅವಕಾಶ ಸಿಗುವುದು ಬಹುತೇಕ ಖಚಿತವಾಗಿದೆ.