IND vs BAN: ಧೋನಿ-ಕೊಹ್ಲಿ ಸಾಲಿಗೆ ಸೇರಿದ ರೋಹಿತ್​, ನಾಯಕತ್ವದಲ್ಲಿ ಕೆಟ್ಟ ದಾಖಲೆ ಬರೆದ ಹಿಟ್​ಮ್ಯಾನ್​

ಬಾಂಗ್ಲಾದೇಶ ವಿರುದ್ಧ ನಡೆಯುತ್ತಿರುವ ಏಕದಿನ ಸರಣಿಯಲ್ಲಿ ಭಾರತ ತಂಡ 2-0 ಅಂತರದಿಂದ ಸರಣಿಯನ್ನು ಕೈಚಲ್ಲಿದೆ. ಇದು ಆತಿಥೇಯ ಬಾಂಗ್ಲಾದೇಶಕ್ಕೆ ಏಕದಿನ ಮಾದರಿಯಲ್ಲಿ 7ನೇ ಜಯವಾಗಿದೆ.

ಬಾಂಗ್ಲಾ ವಿರುದ್ಧ ಸತತ 2 ಸೋಲನ್ನು ಭಾರತ ತಂಡ ಕಂಡಿದ್ದು, ಸರಣಿ ಸೋಲನ್ನು ಅನುಭವಿಸಿದೆ. ಈ ಮೂಲಕ ರೋಹಿತ್ ಅನೇಖ ದಿಗ್ಗಜರ ಸಾಲಿಗೆ ಬೇಡದ ಒಂದು ದಾಖಲೆಯ ಪಟ್ಟಿಯಲ್ಲಿ ಸೇರಿದ್ದಾರೆ.

ಸೌರವ್ ಗಂಗೂಲಿ, ರಾಹುಲ್ ದ್ರಾವಿಡ್, ಮಹೇಂದ್ರ ಸಿಂಗ್ ಧೋನಿ ಮತ್ತು ವಿರಾಟ್ ಕೊಹ್ಲಿ ಸಹ ಬಾಂಗ್ಲಾ ವಿರುದ್ಧ ಸತತ 2 ಸೋಲನ್ನು ಕಂಡಿದ್ದರು. ಇದೀಗ ಈ ಪಟ್ಟಿಗೆ ರೋಹಿತ್ ಶರ್ಮಾ ಸಹ ಸೇರಿದ್ದಾರೆ.

ಅಂತಿಮ ಕ್ಷಣದಲ್ಲಿ ಭರ್ಜರಿ ಆಗಿ ಆಡಿ 2ನೇ ಪಂದ್ಯ ಗೆಲ್ಲುವ ಹಂತದಲ್ಲಿ ಕೈಚಲ್ಲಿದ ಟೀಂ ಇಂಡಿಯಾ, ಡಿಸೆಂಬರ್​ 10ರಂದು ನಡೆಯುವ 3ನೇ ಹಾಗೂ ಅಂತಿಮ ಪಂದ್ಯವನ್ನಅದರೂ ಗೆಲ್ಲಲೇ ಬೇಕಾದ ಒತ್ತಡದಲ್ಲಿ ಇದೆ.

2015ರಲ್ಲಿ ಬಾಂಗ್ಲಾದೇಶ ಪ್ರವಾಸದ ವೇಳೆ ಧೋನಿ ನಾಯಕತ್ವದಲ್ಲಿ ಭಾರತ ಸತತ ಎರಡು ಪಂದ್ಯಗಳನ್ನು ಸೋತಿತ್ತು. ಮೊದಲ ಏಕದಿನ ಪಂದ್ಯದಲ್ಲಿ 308 ರನ್ ಗಳ ಗುರಿಯೊಂದಿಗೆ ಕಣಕ್ಕೆ ಇಳಿದ ಟೀಂ ಇಂಡಿಯಾ 228 ರನ್ ಗಳಿಗೆ ಆಲೌಟ್ ಆಗಿತ್ತು. ಎರಡನೇ ಏಕದಿನ ಪಂದ್ಯದಲ್ಲಿ 201 ರನ್‌ಗಳ ಗುರಿ ಬೆನ್ನತ್ತಿದ ಆತಿಥೇಯ ತಂಡ 6 ವಿಕೆಟ್‌ಗಳ ಜಯ ಸಾಧಿಸಿತು. ಆದರೆ ಇದೀಗ ಈ ಕೆಟ್ಟ ದಾಖಲೆಯ ಪಟ್ಟಿಯಲ್ಲಿ ರೋಹಿತ್​ ಹೆಸರೂ ಸಹ ಸೇರ್ಪಡೆಗೊಂಡಿದೆ.

ಈ ರೀತಿ ಬಾಂಗ್ಲಾ ವಿರುದ್ಧ ಸತತ 2 ಪಂದ್ಯಗಳ ಸೋಲನ್ನು ಕಂಡ ಧೋನಿ ಬಳಿಕ ರೋಹಿತ್ ಸಹ ಈ ಪಟ್ಟಿಯಲ್ಲಿ ಸೇರಿದ್ದಾರೆ. ಈ ಮೂಲಕ ಧೋನಿಯ ಕೆಟ್ಟ ದಾಖಲೆಗೆ ತೆರೆ ಬಿದ್ದಿದೆ.

ರೋಹಿತ್ ಶರ್ಮಾ 2ನೇ ಪಂದ್ಯದಲ್ಲಿ ಹೆಬ್ಬರಳಿಗೆ ಗಾಯ ಮಾಡಿಕೊಂಡಿದ್ದರು. ಅಲ್ಲದೇ ಪಂದ್ಯದ ನಡುವೆಯೇ ಅವರು ಸ್ಕ್ಯಾನಿಂಗ್​ಗೆ ಆಸ್ಪತ್ರೆಗೆ ಹೋಗಿ ಬಳಿಕ ಬ್ಯಾಟಿಂಗ್​ ವೇಳೆ ಕೊನೆಯ ಸಮಯದಲ್ಲಿ ಕ್ರೀಸ್​ಗೆ ಬಂದಿದ್ದರು.

ಇನ್ನು, ಬಾಂಗ್ಲಾದೇಶದ ವಿರುದ್ಧದ 3 ಪಂದ್ಯಗಳ ಏಕದಿನ ಸರಣಿಯ ಕೊನೆಯ ಪಂದ್ಯ ಡಿಸೆಮಬರ್​ 10ರಂದು ನಡೆಯಲಿದೆ. ಬಳಿಕ ಡಿಸೆಂಬರ್ 14ರಿಂದ ಟೆಸ್ಟ್​ ಸರಣಿ ಆರಂಭವಾಗಲಿದೆ.