IND vs BAN ODI: ಟೀಂ ಇಂಡಿಯಾ ಸೋಲಿಗೆ ಇದೇ ಪ್ರಮುಖ ಕಾರಣ, ಈ ವಿಷಯ ಬದಲಾಗದ್ರೆ ಕಷ್ಟ ಅಂದ್ರು ನೆಟ್ಟಿಗರು

ಟೀಂ ಇಂಡಿಯಾ 2022ರ ವರ್ಷವನ್ನು ಅದ್ಭುತವಾಗಿ ಆರಂಭಿಸಿತು. 2021ರ ಟಿ 20 ವಿಶ್ವಕಪ್‌ನಲ್ಲಿ ಸೂಪರ್ 12 ಹಂತದಿಂದ ಹೊರಬಿದ್ದ ನಂತರ ಭಾರತ ತಂಡದಲ್ಲಿ ಹಲವು ಬದಲಾವಣೆಗಳು ನಡೆದಿವೆ.

ರೋಹಿತ್ ಶರ್ಮಾ ಎಲ್ಲಾ ಮೂರು ಮಾದರಿಗಳಿಗೆ ನಾಯಕರಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ರೋಹಿತ್ ನಾಯಕತ್ವದಲ್ಲಿ ಭಾರತ ಈ ವರ್ಷದ ಆರಂಭದಲ್ಲಿ ಸತತ ಸರಣಿ ಗೆದ್ದಿತ್ತು. ಇದರ ನಡುವೆ ರಾಹುಲ್, ಹಾರ್ದಿಕ್ ಪಾಂಡ್ಯ ಮತ್ತು ರಿಷಬ್ ಪಂತ್ ಕೂಡ ಭಾರತ ತಂಡದ ನಾಯಕರಾಗಿದ್ದರು.

ಈ ಬಾರಿಯ ಏಷ್ಯಾಕಪ್‌ಗೂ ಮುನ್ನ ಭಾರತ ತಂಡ ಗೆಲುವು ಸಾಧಿಸುತ್ತಲೇ ಇತ್ತು. ಆದರೆ ಏಷ್ಯಾಕಪ್‌ನಲ್ಲಿ ಭಾರತ ಅನಿರೀಕ್ಷಿತವಾಗಿ ನೆಲಕಚ್ಚಿತು. ಆ ಬಳಿಕ ಟಿ20 ವಿಶ್ವಕಪ್‌ನಲ್ಲಿಯೂ ಸೆಂಇಸ್​ ಹಂತದಿಂದ ಹೊರಬಿದ್ದಿತು.

ಸದ್ಯ ಟೀಂ ಇಂಡಿಯಾದ ಬೌಲಿಂಗ್ ತುಂಬಾ ಕಳಪೆಯಾಗಿದೆ. ಬುಮ್ರಾ ಮತ್ತು ಶಮಿ ಗಾಯಗೊಂಡಿದ್ದಾರೆ. ಸಿರಾಜ್, ಶಾರ್ದೂಲ್ ಮತ್ತು ಉಮ್ರಾನ್ ತಂಡಕ್ಕೆ ಆಯ್ಕೆ ಆಗುತ್ತಿದ್ದರೂ ಸಹ ಅಷ್ಟಾಗಿ ಪ್ರದರ್ಶನ ನೀಡುತ್ತಿಲ್ಲ.

ಇತ್ತೀಚೆಗೆ ನಡೆದ ಬಾಂಗ್ಲಾದೇಶದೊಂದಿಗಿನ ಏಕದಿನ ಸರಣಿಯಲ್ಲೂ ಭಾರತದ ಬೌಲಿಂಗ್ ಕಳಪೆಯಾಗಿದೆ. ಅವರಿಗಿಂತ ದುರ್ಬಲವಾಗಿರುವ ತಂಡದ ವಿರುದ್ಧವೂ ನಮ್ಮ ವೇಗಿಗಳು ಯಾವುದೇ ಪ್ರಭಾವ ಬೀರುತ್ತಿಲ್ಲ.

ಅದರಲ್ಲೂ ಡೆತ್ ಓವರ್‌ಗಳಲ್ಲಿ ಭಾರತ ತೀರಾ ಕಳಪೆಯಾಗಿದೆ. ಮೊದಲ ಏಕದಿನ ಪಂದ್ಯದಲ್ಲಿ ಅವರು ಬಾಂಗ್ಲಾದೇಶವನ್ನು 136 ರನ್‌ಗಳಿಗೆ 9 ವಿಕೆಟ್‌ಗಳಿಂದ ನಿರ್ಬಂಧಿಸಿದರು. ಅಂತಿಮವಾಗಿ ಭಾರತದ ಬೌಲರ್‌ಗಳು ಒಂದೂ ವಿಕೆಟ್ ಪಡೆಯುವಲ್ಲಿ ವಿಫಲರಾದರು. ಕೆಎಲ್ ರಾಹುಲ್ ಕೂಡ ಸುಲಭದ ಕ್ಯಾಚ್ ಕೈಬಿಟ್ಟರು.

ಎರಡನೇ ಏಕದಿನ ಪಂದ್ಯದಲ್ಲಿ ಭಾರತದ ಬೌಲರ್‌ಗಳು ಮತ್ತೊಮ್ಮೆ ತಮ್ಮ ಹಳೆಯ ಪ್ರದರ್ಶನವನ್ನೇ ನೀಡಿದರು. ಬಾಂಗ್ಲಾದೇಶ 69 ರನ್‌ಗಳಿಗೆ 4 ವಿಕೆಟ್ ಕಳೆದುಕೊಂಡಿತು. ಆದರೆ ಮಹಮುದುಲ್ಲಾ (77) ಮತ್ತು ಮೆಡಿ ಹಸನ್ ಮಿರಾಜ್ (ಔಟಾಗದೆ 100) ಭಾರತದ ಬೌಲರ್‌ಗಳ ಬೆವರಿಳಿಸಿದರು.

ಏಷ್ಯಾಕಪ್‌ ಮತ್ತು ಟಿ20 ವಿಶ್ವಕಪ್​ನಲ್ಲಿ ಭಾರತ ನಿರಸೆಯ ಪ್ರದರ್ಶನ ನೀಡಿತು. , ಪ್ರಸ್ತುತ ನಡೆಯುತ್ತಿರುವ ಬಾಂಗ್ಲಾದೇಶ ಸರಣಿಯಲ್ಲಿನ ವೈಫಲ್ಯದ ಹೊರತಾಗಿಯೂ ಬೌಲಿಂಗ್‌ನಲ್ಲಿ ಭಾರತ ಮತ್ತೊಮ್ಮೆ ಎಡವಿದೆ. ಭಾರತದ ಬೌಲಿಂಗ್ ಸುಧಾರಿಸದಿದ್ದರೆ ಮುಂದಿನ ವರ್ಷ ಏಕದಿನ ವಿಶ್ವಕಪ್ ನಲ್ಲಿ ಭಾರತ ಹಿನ್ನಡೆ ಅನುಭವಿಸುವ ಸಾಧ್ಯತೆ ಇದೆ.