Rishabh Pant: ವಿಶ್ವ ಕ್ರಿಕೆಟ್​ನಲ್ಲಿ ಹೊಸ ದಾಖಲೆ ಬರೆದ ಪಂತ್​, ಈ ಸಾಧನೆ ಮಾಡಿದ 2ನೇ ಭಾರತೀಯ ಪ್ಲೇಯರ್​

ಬಾಂಗ್ಲಾದೇಶ ಸರಣಿಯಲ್ಲಿ ಟೀಂ ಇಂಡಿಯಾ ಈಗಾಗಲೇ ಏಕದಿನ ಸರಣಿಯಲ್ಲಿ ಸೋಲನ್ನಪ್ಪಿದೆ. ಇದೀಗ ಟೆಸ್ಟ್ ಸರಣಿ ಆರಂಭವಾಗಿದ್ದು, ಈ ಸರಣಿ ಭಾರತಕ್ಕೆ WTC ಅಂಗವಾಘಿ ಅತ್ತಯಂತ ಮಹತ್ವದ್ದಾಗಿದೆ.

ಬಾಂಗ್ಲಾದೇಶ ವಿರುದ್ಧದ ಮೊದಲ ಟೆಸ್ಟ್ ಚಟ್ಟೋಗ್ರಾಮ್‌ನಲ್ಲಿ ಬುಧವಾರ ಆರಂಭವಾಗಿದೆ. ಭಾರತ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ರಾಹುಲ್ ಮತ್ತು ಗಿಲ್ ಇನಿಂಗ್ಸ್ ಆರಂಭಿಸಿದರು. ರಾಹುಲ್(22), ಗಿಲ್(20), ಕೊಹ್ಲಿ(1) ಬೇಗನೇ ಪೆವಿಲಿಯನ್ ಸೇರಿದರು. ಆದರೆ ಪೂಜಾರ ಮತ್ತು ಪಂತ್ ಪ್ರಮುಖ ಜೊತೆಯಾಟ ಭಾರತಕ್ಕೆ ಕೊಂಚ ಆಸೆರೆ ಆಯಿತು. ಪಂತ್ 45 ಎಸೆತಗಳಲ್ಲಿ ನಿರ್ಣಾಯಕ 46 ರನ್ ಗಳಿಸಿದರು. ಅದು ಬಿಟ್ಟರೆ ಮತ್ತೊಂದು ಅಪರೂಪದ ದಾಖಲೆ ಅವರ ಖಾತೆ ಸೇರಿದೆ.

ಪಂತ್ ಸಿಕ್ಸರ್ ಗಳ ದಾಖಲೆ: ಟೀಂ ಇಂಡಿಯಾದ ವಿಕೆಟ್ ಕೀಪರ್ ರಿಷಭ್ ಪಂತ್ ಅತಿ ಕಡಿಮೆ ಟೆಸ್ಟ್ ಆಡಿದ್ದಾರೆ. ಆದಾಗ್ಯೂ, ಸುದೀರ್ಘ ಸ್ವರೂಪದಲ್ಲಿ 50 ಸಿಕ್ಸರ್‌ಗಳನ್ನು ಬಾರಿಸಿದ ಎರಡನೇ ಭಾರತೀಯ ಕ್ರಿಕೆಟಿಗ ಎನಿಸಿಕೊಂಡರು. ಮೊದಲ ದಿನದ ಎರಡನೇ ಸೆಷನ್‌ನಲ್ಲಿ ಪಂತ್ ಈ ಮೈಲಿಗಲ್ಲು ತಲುಪಿದರು.

ರಿಷಭ್ ಅವರು ಬಾಂಗ್ಲಾದೇಶ ಆಫ್ ಸ್ಪಿನ್ನರ್ ಮೆಹದಿ ಹಸನ್ ಅವರ ಫುಲ್ ಟಾಸ್ ಬಾಲ್ ಅನ್ನು ಮಿಡ್ ವಿಕೆಟ್ ಕಡೆಗೆ ಸಿಕ್ಸರ್‌ಗೆ ಹೊಡೆಯುವ ಮೂಲಕ ಟೆಸ್ಟ್​ನಲ್ಲಿ 50 ಸಿಕ್ಸ್ ಸಿಡಿಸಿದರು. ರಿಷಭ್ ಪಂತ್ ಕೇವಲ 54 ಇನ್ನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ. ಇದಕ್ಕೂ ಮುನ್ನ ರೋಹಿತ್ ಶರ್ಮಾ ಕೇವಲ 51 ಇನ್ನಿಂಗ್ಸ್‌ಗಳಲ್ಲಿ 50 ಸಿಕ್ಸರ್‌ಗಳನ್ನು ಸಿಡಿಸಿದ್ದರು.

ಸಾರ್ವಕಾಲಿಕ ದಾಖಲೆಯ ಪಟ್ಟಿ: ಅಂತಾರಾಷ್ಟ್ರೀಯ ಪರಿಭಾಷೆಯಲ್ಲಿ ಅತಿ ಕಡಿಮೆ ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ 50 ಸಿಕ್ಸರ್‌ಗಳನ್ನು ಬಾರಿಸಿದವರಲ್ಲಿ ಪಾಕಿಸ್ತಾನದ ಕ್ರಿಕೆಟಿಗ ಶಾಹಿದ್ ಆಫ್ರಿದಿ ಸೇರಿದ್ದಾರೆ. ಅಫ್ರಿದಿ ಕೇವಲ 46 ಇನ್ನಿಂಗ್ಸ್‌ಗಳಲ್ಲಿ 50 ಸಿಕ್ಸರ್‌ಗಳನ್ನು ಬಾರಿಸಿದ್ದರು. ನಂತರ ಕ್ರಮವಾಗಿ ರೋಹಿತ್ ಶರ್ಮಾ 51, ರಿಷಭ್ ಪಂತ್ 54, ಟಿಮ್ ಸೌಥಿ 60 ಮತ್ತು ಆಂಡ್ರ್ಯೂ ಫ್ಲಿಂಟಾಫ್ 71 ರನ್ ಗಳಿಸಿದ್ದಾರೆ.

ಇನಿಂಗ್ಸ್ ಆರಂಭಿಸಿದ ರಾಹುಲ್ ಮತ್ತು ಶುಭಮನ್ ಗಿಲ್ ಆರಂಭದಲ್ಲಿ ತಾಳ್ಮೆಯ ಆಟವಾಡಿದರು. ಆದರೆ ಬಾಂಗ್ಲಾ ಬೌಲರ್ ತೈಜುಲ್ ಇಸ್ಲಾಂ ಭಾರತಕ್ಕೆ ಆಘಾತ ನೀಡಿದರು. ಗಿಲ್ ಮತ್ತು ವಿರಾಟ್ ಕೊಹ್ಲಿ ತಕ್ಷಣವೇ ವಿಕೆಟ್ ಪಡೆದರು.

ಆ ಬಳಿಕ ಬ್ಯಾಟಿಂಗ್ ಗೆ ಬಂದ ಪೂಜಾರ, ಪಂತ್ ಇನ್ನಿಂಗ್ಸ್ ಸುಧಾರಿಸಿದರು. ಇಬ್ಬರೂ ತಮ್ಮದೇ ಶೈಲಿಯಲ್ಲಿ ರನ್ ಗಳಿಸಿದರು. ವೇಗದ ರನ್ ಗಳಿಸಿದ ಪೂಜಾರ ಜೊತೆ ಪಂತ್ ಅಮೂಲ್ಯ ಜೊತೆಯಾಟ ನಡೆಸಿದರು. 46 ರನ್ ಗಳಿಸಿದ್ದಾಗ ಪಂತ್​ ವಿಕೆಟ್​ ಒಪ್ಪಿಸಿದರು.

ಆ ನಂತರ ಪೂಜಾರ ಮತ್ತು ಶ್ರೇಯಸ್ ಅಯ್ಯರ್ ಮತ್ತೊಂದು ಪ್ರಮುಖ ಜೊತೆಯಾಟ ನಡೆಸಿದರು. ಪೂಜಾರ 203 ಎಸೆತಗಳಲ್ಲಿ 90 ರನ್ ಗಳಿಸಿ ಔಟಾದರು. ಮೊದಲ ದಿನದಾಟದ ಅಂತ್ಯಕ್ಕೆ ಭಾರತದ ಸ್ಕೋರ್ 278-6 ಆಗಿತ್ತು. ಇದೀಗ 2ನೇ ದಿನದಾಟ ಆರಂಭವಾಗಿದೆ.