IND vs AUS: ವಿಚಿತ್ರ ಹೆಲ್ಮೆಟ್​​ ಧರಿಸಿದ ಶುಭ್​ಮನ್​ ಗಿಲ್​, ಇಲ್ಲಿದೆ ನೋಡಿ ಇಂಟ್ರಸ್ಟಿಂಗ್​ ರೀಸನ್​!

ಅಹಮದಾಬಾದ್‌ನಲ್ಲಿ ನಡೆಯುತ್ತಿರುವ 4ನೇ ಟೆಸ್ಟ್‌ನಲ್ಲಿ ಟೀಂ ಇಂಡಿಯಾ ಆಸ್ಟ್ರೇಲಿಯಾಕ್ಕೆ ತಕ್ಕ ಉತ್ತರ ನೀಡುತ್ತಿದೆ. 480 ರನ್​ಗಳ ಬೃಹತ್​ ಮೊತ್ತದ ಇನ್ನಿಂಗ್ಸ್​​ನ್ನು ಆಸೀಸ್​ ಆಡಿತು. ಇದಕ್ಕೆ ಪ್ರತ್ಯುತ್ತರವಾಗಿ ಭಾರತ ಸಹ ಉತ್ತಮವಾಗಿ ಆಡುತ್ತಿದೆ.

ಶುಭಮನ್ ಗಿಲ್ ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಬಾಂಗ್ಲಾದೇಶ ವಿರುದ್ಧ ತಮ್ಮ ಟೆಸ್ಟ್ ವೃತ್ತಿಜೀವನದ ಮೊದಲ ಶತಕ ಗಳಿಸಿದ್ದರು. ಆ ನಂತರ 23ರ ಹರೆಯದ ಯುವಕನಿಗೆ ಹಿಂತಿರುಗಿ ನೋಡಲೇ ಇಲ್ಲ. ಈ ಆಟಗಾರ 3 ತಿಂಗಳಲ್ಲಿ ಎಲ್ಲಾ ಮೂರು ಮಾದರಿಗಳಲ್ಲಿ ಶತಕಗಳನ್ನು ಬಾರಿಸಿದ್ದಾರೆ.

ಬಾರ್ಡರ್ ಗವಾಸ್ಕರ್ ಟ್ರೋಫಿ 2023 ಭಾಗವಾಗಿ ಅಂತಿಮ ಟೆಸ್ಟ್ ಅಹಮದಾಬಾದ್ ಸ್ಥಳದಲ್ಲಿ ಪ್ರಾರಂಭವಾಗಿದೆ. ಮೊದಲ ಮೂರು ಟೆಸ್ಟ್‌ಗಳಲ್ಲಿ ಉಭಯ ತಂಡಗಳು 2-1ರ ಗೆಲುವಿನ ಮುನ್ನಡೆಯಲ್ಲಿದೆ. ನಾಲ್ಕನೇ ಟೆಸ್ಟ್‌ನಲ್ಲಿ ಭಾರತ ಗೆದ್ದರೆ, ಸರಣಿಯೊಂದಿಗೆ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್‌ಗೆ ಪ್ರವೇಶಿಸಲಿದೆ.

ಮೊದಲ ಸೆಷನ್ ನಲ್ಲಿ ಶುಭಮನ್ ಗಿಲ್ ಧರಿಸಿದ್ದ ಹೆಲ್ಮೆಟ್ ಎಲ್ಲರನ್ನೂ ಆಕರ್ಷಿಸಿತು. ಸದ್ಯ ಈ ಬಗ್ಗೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ನಡೆಸುತ್ತಿದ್ದಾರೆ. ಗಿಲ್ ಶಾರ್ಟ್ ಲೆಗ್ ನಲ್ಲಿ ಫೀಲ್ಡಿಂಗ್ ಮಾಡುವಾಗ ಈ ಹೆಲ್ಮೆಟ್ ಬಳಸಿದ್ದರು.

ಸಾಮಾನ್ಯ ಹೆಲ್ಮೆಂಟ್​ನ ಗ್ರಿಲ್ ಕೆಳ ದವಡೆಗೆ ಮಾತ್ರ ವಿಸ್ತರಿಸುತ್ತದೆ. ಇದು ಗಂಟಲಿಗೆ ಯಾವುದೇ ರಕ್ಷಣೆ ನೀಡುವುದಿಲ್ಲ. ಎದುರಾಳಿ ಬ್ಯಾಟರ್ ಸ್ವೀಪ್ ಶಾಟ್ ಆಡಿದಾಗ ಚೆಂಡು ಶಾರ್ಟ್ ಲೆಗ್ ನಲ್ಲಿ ಫೀಲ್ಡಿಂಗ್ ಮಾಡುವ ಆಟಗಾರನ ಗಂಟಲಿಗೆ ಬಡಿಯುವ ಸಾಧ್ಯತೆ ಇರುತ್ತದೆ.

ಆದರೆ ಗಿಲ್ ಧರಿಸಿರುವ ಹೆಲ್ಮೆಟ್ ಗಂಟಲಿನವರೆಗೂ ಗ್ರಿಲ್ ಹೊಂದಿದೆ. ಎದುರಾಳಿ ಬ್ಯಾಟರ್ ಸ್ವೀಪ್ ಶಾಟ್ ಆಡಿದರೂ, ಗ್ರಿಲ್ ಬಾಲ್ ಗಂಟಲಿಗೆ ಬಡಿಯದಂತೆ ತಡೆಯುತ್ತದೆ. ಆದರೆ, ಕ್ರಿಕೆಟ್‌ನಲ್ಲಿ ಇಂತಹ ಹೆಲ್ಮೆಟ್ ಬಳಸುತ್ತಿರುವುದು ಇದೇ ಮೊದಲು ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ.

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಫೈನಲ್ ತಲುಪಬೇಕಾದರೆ ಭಾರತ ಈ ಪಂದ್ಯವನ್ನು ಗೆಲ್ಲಲೇಬೇಕು. ಒಂದು ವೇಳೆ ಈ ಪಂದ್ಯ ಸೋತರೆ ಅಥವಾ ಡ್ರಾ ಮಾಡಿಕೊಂಡರೆ ಕಿವೀಸ್ ಫೈನಲ್‌ಗೆ ಪ್ರವೇಶಿಸಲು ಶ್ರೀಲಂಕಾ ವಿರುದ್ಧ ಗೆಲ್ಲಲೇಬೇಕು.