IND vs AUS: ಮತ್ತೆ ಎಡವಿದ ಕೆಎಲ್ ರಾಹುಲ್, ಟೆಸ್ಟ್​ ವೃತ್ತಿ ಜೀವನ ಅಂತ್ಯವಾಗುತ್ತಾ?

ಕೆಎಲ್ ರಾಹುಲ್ ಮತ್ತೆ ಅದೇ ಕಳಪೆ ಫಾರ್ಮ್​ನಲ್ಲಿದ್ದಾರೆ. ಮತ್ತೊಮ್ಮೆ ದೆಹಲಿಯಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ ನಲ್ಲಿ 17 ರನ್ ಗಳಿಸಿದ್ದ ರಾಹುಲ್ 2ನೇ ಇನಿಂಗ್ಸ್ ನಲ್ಲಿ ಕಳಪೆ ಆಟವಾಡಿದರು.

ಒಂದು ವಿಕೆಟ್ ನಷ್ಟಕ್ಕೆ 61 ರನ್ ಗಳ ಓವರ್ ನೈಟ್ ಸ್ಕೋರ್ ನೊಂದಿಗೆ ಮೂರನೇ ದಿನದಾಟ ಮುಂದುವರಿಸಿದ ಆಸೀಸ್ ಗೆ ರವೀಂದ್ರ ಜಡೇಜಾ ತಿರುಗೇಟು ನೀಡಿದರು. ಆಸ್ಟ್ರೇಲಿಯವನ್ನು 7 ವಿಕೆಟ್ ಪಡೆದು ಮಿಂಚಿದರು.

ಈ ಅನುಕ್ರಮದಲ್ಲಿ ಆಸೀಸ್ ಎರಡನೇ ಇನಿಂಗ್ಸ್‌ನಲ್ಲಿ ಕೇವಲ 31.1 ಓವರ್‌ಗಳಲ್ಲಿ 113 ರನ್‌ಗಳಿಗೆ ಆಲೌಟ್ ಆಯಿತು. ಆ ಮೂಲಕ ಆಸೀಸ್​ ಮತ್ತೊಮ್ಮೆ ಜಡೇಜಾ ದಾಳಿಗೆ ಕುಸಿಯಿತು.

ರವಿಚಂದ್ರನ್ ಅಶ್ವಿನ್ ಮೂರು ವಿಕೆಟ್ ಪಡೆದರು. ಅದೇ ರೀತಿ ಜಡೇಜಾ ಸಹ ಬರೋಬ್ಬರಿ 7 ವಿಕೆಟ್​ ಪಡೆದು ಮಿಂಚಿದರು.

ಇದರ ನಡುವೆ ಸ್ಟಾರ್ ಆಟಗಾರ ಕೆಎಲ್ ರಾಹುಲ್ ಮತ್ತೊಮ್ಮೆ ಬ್ಯಾಟಿಂಗ್​ನಲ್ಲಿ ವಿಫಲರಾದರು. ಎರಡನೇ ಇನ್ನಿಂಗ್ಸ್‌ನಲ್ಲಿ 3 ಎಸೆತಗಳನ್ನು ಆಡಿದ ಅವರು ಕೇವಲ ಒಂದು ರನ್ ಮಾಡಿ ಪೆವಿಲಿಯನ್ ತಲುಪಿದರು.

ರಾಹುಲ್ ಕಳೆದ ಕೆಲ ತಿಂಗಲಿಂದ ಪದೇ ಪದೇ ವಿಫಲರಾಗುತ್ತಿದ್ದಾರೆ. ಅಲ್ಲದೇ ಅವರಿಗೆ ಅನೇಕ ಅವಕಾಶಗಳನ್ನೂ ಬಿಸಿಸಿಐ ಹಾಗೂ ನಾಯಕ ರೋಹಿತ್ ಶರ್ಮಾ ನೀಡುತ್ತಿದ್ದಾರೆ. ಇದರ ಹೊರತಾಗಿಯೂ ಅವರು ಫಾರ್ಮ್ ನಲ್ಲಿ ಇಲ್ಲದಿರುವುದಕ್ಕೆ ಮುಂದಿನ ಟೆಸ್ಟ್​ ಸರಣಿಯಿಂದ ರಾಹುಲ್​ ಅವರನ್ನು ತಂಡದಿಂದ ಕೈಬಿಡುವ ಸಾಧ್ಯತೆ ಇದೆ.

ದೆಹಲಿ ಟೆಸ್ಟ್‌ನಲ್ಲಿ ಭಾರತ ತಂಡವು ಆಸೀಸ್ (IND vs AUS) ವಿರುದ್ಧ ಭರ್ಜರಿ ಜಯ ದಾಖಲಿಸಿದೆ. ಆಸೀಸ್​ ಭಾರತಕ್ಕೆ ಗೆಲುವಿಗೆ 115 ರನ್‌ಗಳ ಗುರಿ ನೀಡಿತು. ಈ ಮೊತ್ತ ಬೆನ್ನಟ್ಟಿದ ಭಾರತ ತಂಡ 4 ವಿಕೆಟ್​ ನಷ್ಟಕ್ಕೆ 118 ರನ್ ಗಳಿಸುವ ಮೂಲಕ ಬರೋಬ್ಬರಿ 6 ವಿಕೆಟ್​ಗಳ ಜಯ ದಾಖಲಿಸಿದೆ.

ಇದರಿಂದಾಗಿ ಬಾರ್ಡರ್​ ಗವಾಸ್ಕರ್ ಟ್ರೋಫಿಯ 4 ಪಂದ್ಯಗಳ ಸರಣಿಯಲ್ಲಿ ಭಾರತ ತಂಡ 2-0 ಮುನ್ನಡೆ ಸಾಧಿಸಿದೆ. ಅಲ್ಲದೇ ಸತತ 2ನೇ ಬಾರಿಗೆ ರವೀಂದ್ರ ಜಡೇಜಾ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.