Yuvraj Singh: ನಾಯಕನ ಬೆಂಬಲವಿದ್ದರೆ ಎಷ್ಟು ದಿನ ಬೇಕಾದರೂ ಆಡಬಹುದು, ಧೋನಿ ಕುರಿತು ಶಾಕಿಂಗ್ ಹೇಳಿಕೆ ನೀಡಿದ ಯುವಿ

ಯುವರಾಜ್ ಸಿಂಗ್ ಮತ್ತು ಮಹೇಂದ್ರ ಸಿಂಗ್ ಇಬ್ಬರೂ ಟೀಮ್ ಇಂಡಿಯಾ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. 2007ರ ಟಿ20 ವಿಶ್ವಕಪ್ ಮತ್ತು 2011ರ ಏಕದಿನ ವಿಶ್ವಕಪ್ ಗೆಲುವಿನಲ್ಲಿ ಅವರ ಪಾತ್ರ ಅಪಾರವಾಗಿದೆ.

ಎರಡೂ ವಿಶ್ವಕಪ್‌ಗಳಲ್ಲಿ ಯುವರಾಜ್ ಸಿಂಗ್ ಆಲ್‌ರೌಂಡರ್ ಆಗಿ ಮಿಂಚಿದರೆ, ಧೋನಿ ನಾಯಕರಾಗಿ ಮಿಂಚಿದರು. ಆ ಮೂಲಕ ಭಾರತ ತಂಡಕ್ಕೆ 2 ವಿಶ್ವಕಪ್​ ಗಳು ಒಲಿದವು.

ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಮತ್ತು ಯುವರಾಜ್ ಸಿಂಗ್ ಸ್ನೇಹದ ಕುರಿತು ಹೊಸದಾಗಿ ಹೇಳುವಂತಹದು ಏನೂ ಉಳಿದಿಲ್ಲ. ಆದರೆ ವಿಶ್ವಕಪ್ ನಂತರ ಇವರಿಬ್ಬರ ಸ್ನೇಹದಲ್ಲಿ ಬಿರುಕು ಮೂಡಿದೆ ಎಂದು ಹೇಳಲಾಗುತ್ತಿದೆ. ಅಲ್ಲದೇ ಯುವರಾಜ್ ಸಿಂಗ್ ಅವರ ತಂದೆ ಯೋಗ್ ರಾಜ್ ಅವರು ಧೋನಿ ಬಗ್ಗೆ ಸಾಕಷ್ಟು ಕಾಮೆಂಟ್ ಮಾಡಿದ್ದರು. ಯುವಿ ಟೀಂ ಇಂಡಿಯಾದಿಂದ ಸ್ಥಾನ ಕಳೆದುಕೊಳ್ಳಲು ಧೋನಿ ಕಾರಣ ಎಂದು ಸಹ ಹೇಳಿದ್ದರು.

ಸ್ಪೋರ್ಟ್ಸ್ 18 ಚಾನೆಲ್ ಹೋಮ್ ಆಫ್ ಹೀರೋಸ್‌ಗೆ ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ ಯುವರಾಜ್ ಸಿಂಗ್ ಧೋನಿ ಕುರಿತು ಶಾಕಿಂಗ್ ಹೇಳಿಕೆಯೊಂದನ್ನು ನೀಡಿದ್ದಾರೆ. ಟೀಂ ಇಂಡಿಯಾದಲ್ಲಿ ಧೋನಿಗೆ ಸಿಕ್ಕಿರುವಷ್ಟು ಬೆಂಬಲ ಬೇರೆ ಯಾವ ಕ್ರಿಕೆಟಿಗರಿಗೂ ಸಿಕ್ಕಿಲ್ಲ ಎಂದಿದ್ದಾರೆ.

ಕೋಚ್ ಮತ್ತು ನಾಯಕನ ಬೆಂಬಲವಿದ್ದರೆ ನೀವು ಎಷ್ಟು ದಿನ ಬೇಕಾದರೂ ಆಡಬಹುದು. ಉದಾಹರಣೆಗೆ ಧೋನಿ ನೋಡಿ. ಅವರಿಗೆ ಟೀಂ ಇಂಡಿಯಾ ಆಗಿನ ನಾಯಕ ವಿರಾಟ್ ಕೊಹ್ಲಿ ಮತ್ತು ಕೊನೆಯಲ್ಲಿ ರವಿಶಾಸ್ತ್ರಿ ಅವರಿಂದ ಸಾಕಷ್ಟು ಬೆಂಬಲ ಸಿಕ್ಕಿತು. ಅದಕ್ಕೇ ಅಂದುಕೊಂಡಷ್ಟು ದಿನ ಕ್ರಿಕೆಟ್ ಆಡಿದರು. ಇದು ಎಲ್ಲರಿಗೂ ಸಾಧ್ಯವಿಲ್ಲ' ಎಂದರು.

ಮತ್ತೊಂದೆಡೆ, ವೀರೇಂದ್ರ ಸೆಹ್ವಾಗ್, ಗೌತಮ್ ಗಂಭೀರ್, ಹರ್ಭಜನ್ ಸಿಂಗ್ ಮತ್ತು VVS ಲಕ್ಷ್ಮಣ್ ಅವರಿಗೆ ಧೋನಿ ನೀಡಿದಷ್ಟು ಬೆಂಬಲ ಸಿಗಲಿಲ್ಲ. ಆದ್ದರಿಂದಲೇ ಅವರ ವೃತ್ತಿಜೀವನವು ಥಟ್ಟನೆ ಕೊನೆಗೊಂಡಿತು. ‘ಕೊರಳಿಗೆ ಕತ್ತಿ ನೇತಾಡುತ್ತಿದೆ ಎಂದು ಗೊತ್ತಾದಾಗ ಮುಕ್ತವಾಗಿ ಆಡಲು ಸಾಧ್ಯವಿಲ್ಲ. ಸೆಹ್ವಾಗ್, ಗಂಭೀರ್, ಹರ್ಭಜನ್ ಮತ್ತು ಲಕ್ಷ್ಮಣ್ ವಿಷಯದಲ್ಲೂ ಅದೇ ಆಯಿತು. ತಂಡದ ನಾಯಕರು ಮತ್ತು ಕೋಚ್‌ಗಳ ಬೆಂಬಲವಿದ್ದರೆ ನಿಮ್ಮ ಆಟದ ಶೈಲಿಯೇ ಬೇರೆಯಾಗಿರುತ್ತದೆ.

ಯುವರಾಜ್ ಸಿಂಗ್ 2019ರಲ್ಲಿ ಕ್ರಿಕೆಟ್‌ನಿಂದ ನಿವೃತ್ತಿಯಾdರು ಎಂಬುದು ಗೊತ್ತೇ ಇದೆ. ಒಂದು ವರ್ಷದ ನಂತರ ಆಗಸ್ಟ್ 15, 2020 ರಂದು ಧೋನಿ ಕ್ರಿಕೆಟ್‌ನಿಂದ ನಿವೃತ್ತರಾದರು. ಪ್ರಸ್ತುತ, ಧೋನಿ ಮತ್ತೊಮ್ಮೆ ಐಪಿಎಲ್‌ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕರಾಗಿದ್ದಾರೆ. ಭಾನುವಾರ ನಡೆದ ಪಂದ್ಯದಲ್ಲಿ ಧೋನಿ ಸಾರಥ್ಯದ ಚೆನ್ನೈ 13 ರನ್‌ಗಳಿಂದ ಗೆದ್ದಿತ್ತು.