IPL T20 League: ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಐಪಿಎಲ್ ಅಪಾಯ; ಐಸಿಸಿ ಅಧ್ಯಕ್ಷರ ಶಾಕಿಂಗ್ ಹೇಳಿಕೆ

ಇಂಡಿಯನ್ ಪ್ರೀಮಿಯರ್ ಲೀಗ್ 2022ರ ಸೀಸನ್ ತನ್ನ ಅಂತಿಮ ಹಂತವನ್ನು ತಲುಪಿದೆ. 74 ದಿನಗಳ ಸುದೀರ್ಘ ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್ ಫೈನಲ್‌ಗೆ ವೇದಿಕೆ ಸಿದ್ಧವಾಗಿದೆ. ಮೆಗಾಫೈಟ್‌ಗೆ ಇನ್ನೂ ಕೆಲವು ಗಂಟೆಗಳಿವೆ. ಋತುವಿನಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ಫೈನಲ್ ಫೈಟ್ ನಡೆಯಲಿದೆ.

ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಜಗತ್ತಿನ ಅತ್ಯಂತ ಪ್ರತಿಷ್ಠಿತ ಟಿ20 ಲೀಗ್ ಆಗಿದೆ. ಈ ಟೂರ್ನಿಯಲ್ಲಿ ವಿಶ್ವದಾದ್ಯಂತದ ಕ್ರಿಕೆಟಿಗರು ಆಡುತ್ತಾರೆ. ಆದರೆ ಐಸಿಸಿ ಅಧ್ಯಕ್ಷ ಗ್ರೆಗ್ ಬಾರ್ಕ್ಲೇ ಐಪಿಎಲ್ ಲೀಗ್ ಕುರಿತು ಶಾಕಿಂಗ್ ಹೇಳಿಯೊಂದನ್ನು ನೀಡಿದ್ದಾರೆ.

ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಐಪಿಎಲ್ ಅಪಾಯ ತಂದೊಡ್ಡಬಹುದು ಎಂದು ಐಸಿಸಿ ನಿರ್ದೇಶಕ ಗ್ರೆಗ್ ಬಾರ್ಕ್ಲಿ ಎಚ್ಚರಿಕೆ ನೀಡಿದ್ದಾರೆ. ಐಪಿಎಲ್ ನಂತಹ ಟಿ20 ಲೀಗ್ ಗಳ ಅವಧಿ ಹೆಚ್ಚಾದರೆ ಭವಿಷ್ಯದಲ್ಲಿ ಅಂತರಾಷ್ಟ್ರೀಯ ತಂಡಗಳ ನಡುವಿನ ದ್ವಿಪಕ್ಷೀಯ ಸರಣಿಗಳ ಸಂಖ್ಯೆ ಕಡಿಮೆಯಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಈ ಬಾರಿಯ ಐಪಿಎಲ್ ಋತುವಿನಲ್ಲಿ ಎರಡು ಹೊಸ ತಂಡಗಳು ಸೇರಿಕೊಂಡಿವೆ. ಈ ಮೂಲಕ ಟೂರ್ನಿಯ ಒಟ್ಟು ಪಂದ್ಯಗಳ ಸಂಖ್ಯೆ 14ಕ್ಕೆ ಮತ್ತು ಈಗ 74ಕ್ಕೆ ಏರಿಕೆಯಾಗಿದೆ. ಇದರೊಂದಿಗೆ ಈ ಋತುವಿನ ಅವಧಿಯೂ ಎರಡು ತಿಂಗಳಿಗಿಂತ ಹೆಚ್ಚಾಗಿದೆ.

ಐಪಿಎಲ್‌ನಂತಹ ಟಿ 20 ಲೀಗ್‌ಗಳು ಸದಸ್ಯ ರಾಷ್ಟ್ರಗಳಿಗೆ ಸಂಬಂಧಿಸಿದ ವಿಷಯವಾಗಿದೆ. ಅವರು ತಮಗೆ ಇಷ್ಟ ಬಂದಂತೆ ಆಡಬಹುದು, ಆದರೆ ಅಂತಹ ಸ್ಪರ್ಧೆಗಳ ಅವಧಿಯನ್ನು ಹೆಚ್ಚಿಸಿದರೆ ಮತ್ತು ದೀರ್ಘಕಾಲದವರೆಗೆ ನಡೆಸಿದರೆ, ಮುಂದಿನ ದಿನಗಳಲ್ಲಿ ದ್ವಿಪಕ್ಷೀಯ ಸರಣಿಯ ಮೇಲೆ ನೇರ ಪರಿಣಾಮ ಬೀರುತ್ತದೆ. ಅಂತರಾಷ್ಟ್ರೀಯ ಪಂದ್ಯಗಳ ಸಂಖ್ಯೆಯು ಸ್ಥಿರವಾಗಿ ಕುಸಿಯುತ್ತಿದೆ ಎಂದು ಬಾರ್ಕ್ಲೇ ಹೇಳಿದರು.

ಅಲ್ಲದೇ ವರ್ಷದಲ್ಲಿ ಕೇವಲ 365 ದಿನಗಳು. ಆಟಗಾರರನ್ನು ಸೆಳೆಯುವ ಕ್ರಿಕೆಟ್ ಲೀಗ್‌ಗಳ ಸಂಖ್ಯೆ ಹೆಚ್ಚಾದರೆ, ಇತರ ಟೂರ್ನಿಗಳು ಅಥವಾ ಸರಣಿಗಳ ಸಂಖ್ಯೆಯನ್ನು ಕಡಿಮೆ ಮಾಡಬೇಕಾಗುತ್ತದೆ. ಈ ಲೀಗ್ ಐಸಿಸಿ ಟೂರ್ನಿಗಳ ಮೇಲೆ ಪರಿಣಾಮ ಬೀರುತ್ತದೆ. ಪ್ರತಿ ವರ್ಷ ಐಸಿಸಿ ಟೂರ್ನಿಗಳು ನಡೆಯುವುದರಲ್ಲಿ ಕಡಿಮೆ ಆಗಲಿದೆ ಎಂದರು.

ದ್ವಿಪಕ್ಷೀಯ ಸರಣಿಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರೂ, ಐಪಿಎಲ್ ಟೂರ್ನಿಯ ಬಗ್ಗೆಯೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಎರಡು ವರ್ಷಗಳ ನಂತರ ಭಾರತಕ್ಕೆ ಐಪಿಎಲ್ ಸಿಕ್ಕಿರುವುದು ಸಂತಸ ತಂದಿದೆ. ಐಪಿಎಲ್ ನನ್ನ ನೆಚ್ಚಿನ ಕ್ರಿಕೆಟ್ ಲೀಗ್. ಬಿಸಿಸಿಐ ಈ ಕ್ರಿಕೆಟ್‌ಗಾಗಿ ಸಾಕಷ್ಟು ಕೆಲಸ ಮಾಡಿದೆ ಎಂದು ಹೇಳಿದ್ದಾರೆ.