HBD Bhuvneshwar Kumar: ಜನ್ಮದಿನದ ಸಂಭ್ರಮದಲ್ಲಿ ಭುವನೇಶ್ವರ್ ಕುಮಾರ್, ಶೂ ಇಲ್ಲದೇ ಮೊದಲ ಪಂದ್ಯವಾಡಿ ಸಾಧನೆ ಮಾಡಿದ ಭುವಿ

ಭಾರತ ಕ್ರಿಕೆಟ್ ತಂಡದ ಅನುಭವಿ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಅವರ ಪರಿಚಯದ ಅಗತ್ಯವಿಲ್ಲ. ಇಂತಹ ಸ್ಟಾರ್​ ಬೌಲರ್​ ಇಂದು ಜನ್ಮದಿನದ ಸಂಭ್ರಮದಲ್ಲಿದ್ದು, ತಮ್ಮ 33ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.

ಭುವನೇಶ್ವರ್ ಕುಮಾರ್ ಫೆಬ್ರವರಿ 5 ರಂದು. 1990ರಲ್ಲಿ ಉತ್ತರ ಪ್ರದೇಶದ ಮೀರತ್‌ನಲ್ಲಿ ಜನಿಸಿದರು. ಅವರನ್ನು ಡೆತ್ ಓವರ್‌ಗಳ ಸ್ಪೆಷಲಿಸ್ಟ್ ಬೌಲರ್ ಎಂದು ಕರೆಯಲಾಗುತ್ತದೆ. ಇಂತಹ ಸ್ಟಾರ್​ ಬೌಲರ್​ ವೃತ್ತಿ ಜೀನ=ವನದ ಕಥೆ ಹೇಗಿದೆ ನೋಡೋಣ ಬನ್ನಿ.

17 ವರ್ಷದೊಳಗಿನವರ ಟೂರ್ನಿಯಲ್ಲಿ ಆಡಲು ಸ್ಪೋರ್ಟ್ಸ್ ಶೂ ಕೂಡ ಇಲ್ಲದೇ ಕಣಕ್ಕಿಳಿದಿದ್ದ ಏಕೈಕ ಆಟಗಾರ ಭುವಿ. ನಂತರ 19ನೇ ವಯಸ್ಸಿನಲ್ಲಿ ಅನುಭವಿ ಆಟಗಾರ ಸಚಿನ್ ತೆಂಡೂಲ್ಕರ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡುವ ಮೂಲಕ ಕ್ರಿಕೆಟ್​ ಲೋಕದಲ್ಲಿ ಹೊಸ ಸಂಚಲನ ಮುಡಿಸಿದ್ದರು.

ಶಿಸ್ತಿನ ಬೌಲಿಂಗ್‌ಗೆ ಹೆಸರುವಾಸಿಯಾಗಿರುವ ಭುವನೇಶ್ವರ್ ಕುಮಾರ್, 2008-09ರ ಮುಂಬೈ ವಿರುದ್ಧದ ರಣಜಿ ಋತುವಿನಲ್ಲಿ ಉತ್ತರ ಪ್ರದೇಶದ ಪರವಾಗಿ ಆಡುತ್ತಿದ್ದರು. ಈ ವೇಳೆ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಮೊದಲ ಬಾರಿಗೆ ಸಚಿನ್ ಅವರನ್ನು ಶೂನ್ಯಕ್ಕೆ ಔಟ್​ ಮಾಡುವ ಮೂಲಕ ಭುವಿ ಕುನ್ನಲೆಗೆ ಬಂದರು.

ಬಲಗೈ ವೇಗಿ ಭುವನೇಶ್ವರ್ ಕುಮಾರ್ ಡಿಸೆಂಬರ್ 2012 ರಲ್ಲಿ ಪಾಕಿಸ್ತಾನದ ವಿರುದ್ಧ T20 ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದರು. ಬೆಂಗಳೂರಿನಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಭುವಿ ಉತ್ತಮ ಪ್ರದರ್ಶನ ನೀಡದರು.

ತಮ್ಮ ಮೊದಲ ಓವರ್‌ನಲ್ಲಿ ಪಾಕ್ ಆರಂಭಿಕ ಆಟಗಾರ ನಾಸಿರ್ ಜಮ್ಶೆಡ್ ಅವರನ್ನು ಕ್ಲೀನ್​ ಬೌಲ್ಡ್ ಮಾಡುವ ಮೂಲಕ ತಮ್ಮ ಸ್ವಿಂಗ್​ ಬೌಲಿಂಗ್​ ಪ್ರದರ್ಶನವನ್ನು ತೋರಿದರು. ಆ ಪಂದ್ಯದಲ್ಲಿ ಭುವಿ 4 ಓವರ್‌ಗಳಲ್ಲಿ ಕೇವಲ 9 ರನ್‌ ನೀಡಿ 3 ವಿಕೆಟ್‌ ಪಡೆದು ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು.

ಭುವನೇಶ್ವರ್ ಕುಮಾರ್ 21 ಟೆಸ್ಟ್, 121 ODI ಮತ್ತು 87 T20 ಅಂತರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಅವರು ಟೆಸ್ಟ್ ಪಂದ್ಯಗಳಲ್ಲಿ 63 ವಿಕೆಟ್‌ಗಳನ್ನು ಪಡೆದರೆ, ಏಕದಿನದಲ್ಲಿ 141 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಭುವಿ ಟಿ20ಯಲ್ಲಿ 90 ವಿಕೆಟ್​ ಪಡೆದಿದ್ದಾರೆ. ಭುವಿ ವಿಶ್ವದ ಅತ್ಯುತ್ತಮ ಸ್ವಿಂಗ್ ಬೌಲರ್‌ಗಳೆಂದು ಪರಿಗಣಿಸಲ್ಪಟ್ಟಿದ್ದಾರೆ. ಡೆತ್ ಓವರ್‌ಗಳಲ್ಲಿ ಅವರು ಹೆಚ್ಚು ಪರಿಣಾಮಕಾರಿಯಾಗಿ ಬೌಲಿಂಗ್ ಮಾಡುತ್ತಾರೆ.