Team India: ಬಿಸಿಸಿಐನಲ್ಲಿ ನಡಿತಿದ್ಯಾ ಪಾಲಿಟಿಕ್ಸ್? ಆಗ ಮನೋಜ್ ತಿವಾರಿ, ಈಗ ಸಂಜು ಸ್ಯಾಮ್ಸನ್​ಗೆ ಅನ್ಯಾಯ

ಟೀಂ ಇಂಡಿಯಾದ ಮ್ಯಾನೇಜ್‌ಮೆಂಟ್ ವಿರುದ್ಧ ಅಭಿಮಾನಿಗಳು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ತಮ್ಮ ನೆಚ್ಚಿನ ಆಟಗಾರರಿಗಾಗಿ ಪ್ರತಿಭಾವಂತ ಆಟಗಾರರನ್ನು ಬಲಿಕೊಡುತ್ತಿದ್ದಾರೆ ಎಂದು ಕಟುವಾದ ಕಾಮೆಂಟ್ ಗಳನ್ನು ಮಾಡುತ್ತಿದ್ದಾರೆ.

ಈ ವರ್ಷ ಸಂಜು ಸ್ಯಾಮ್ಸನ್ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ. ಅವಕಾಶ ಸಿಕ್ಕ ಪ್ರತಿ ಪಂದ್ಯದಲ್ಲೂ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಅಲ್ಲದೆ ಯಾವುದೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಬಲ್ಲ ಆಟಗಾರನಾಗಿ ಹೊರಹೊಮ್ಮಿದ್ದಾರೆ.

ಅಂತಹ ಆಟಗಾರನಿಗೆ ಸರಿಯಾದ ಅವಕಾಶಗಳು ಸಿಗುತ್ತಿಲ್ಲ. ಸದ್ಯ ನ್ಯೂಜಿಲೆಂಡ್ ಪ್ರವಾಸದಲ್ಲಿರುವ ಅವರು ಟಿ20 ಸರಣಿಯಲ್ಲಿ ಬೆಂಚ್‌ಗೆ ಸೀಮಿತರಾಗಿದ್ದಾರೆ. ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಅವರಿಗೆ ಅವಕಾಶ ನೀಡಲಾಗಿತ್ತು. ಆದರೆ 2ನೇ ಪಂದ್ಯದಲ್ಲಿ ಮತ್ತೆ ಡ್ರಾಪ್​ ಮಾಡಲಾಯಿತು.

ಸ್ಯಾಮ್ಸನ್ ಬದಲಿಗೆ ಬೌಲಿಂಗ್ ಮಾಡಿದ ದೀಪಕ್ ಹೂಡಾ ಅವರನ್ನು ತೆಗೆದುಕೊಂಡಿತು. ಆದರೆ, ಪಂತ್ ಅವರನ್ನು ಫಾರ್ಮ್‌ನಿಂದ ಹೊರಗಿಡದೆ ಸ್ಯಾಮ್ಸನ್‌ರನ್ನು ಅಂತಿಮ ತಂಡದಲ್ಲಿ ಉಳಿಸಿಕೊಳ್ಳಬಹುದೇ ಎಂದು ಅಭಿಮಾನಿಗಳು ಟೀಂ ಇಂಡಿಯಾವನ್ನು ಪ್ರಶ್ನಿಸುತ್ತಿದ್ದಾರೆ.

ಸಂಜು ಸ್ಯಾಮ್ಸನ್ ಅವರನ್ನು ಬಿಸಿಸಿಐ ನಡೆಸಿಕೊಂಡ ರೀತಿ 2011 ರಲ್ಲಿ ಮನೋಜ್ ತಿವಾರಿ ಘಟನೆಯನ್ನು ನೆನಪಿಸುತ್ತದೆ. ಡಿಸೆಂಬರ್ 11, 2011 ರಂದು, ಮನೋಜ್ ತಿವಾರಿ ವೆಸ್ಟ್ ಇಂಡೀಸ್ ವಿರುದ್ಧದ ODI ನಲ್ಲಿ ಶತಕ (104) ಗಳಿಸಿದರು. ಶತಕ ಗಳಿಸಿದ ನಂತರವೂ ಮನೋಜ್ ತಿವಾರಿ ಮತ್ತೊಂದು ಏಕದಿನ ಪಂದ್ಯವನ್ನು ಆಡಲು ಏಳು ತಿಂಗಳು ಕಾಯಬೇಕಾಯಿತು.

ಮನೋಜ್ ತಿವಾರಿ 2012ರ ಜುಲೈ 31 ಮತ್ತು ಆಗಸ್ಟ್ 4ರಂದು ಶ್ರೀಲಂಕಾ ವಿರುದ್ಧದ ಎರಡು ODIಗಳಲ್ಲಿ ಆಡಲು ಅವಕಾಶ ಸಿಕ್ಕಿತು. ಒಂದು ಪಂದ್ಯದಲ್ಲಿ 21 ರನ್ ಹಾಗೂ ಇನ್ನೊಂದು ಪಂದ್ಯದಲ್ಲಿ 65 ರನ್ ಗಳಿಸಿದ್ದರು.

ಆ ಬಳಿಕ ಮತ್ತೆ ಏಕದಿನ ಪಂದ್ಯ ಆಡಲು 2 ವರ್ಷಗಳ ಕಾಲ ಕಾಯುತ್ತಿದ್ದರು. 2014ರ ಜೂನ್ ನಲ್ಲಿ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಕಣಕ್ಕೆ ಇಳಿದಿದ್ದರು. ಆ ಪಂದ್ಯದಲ್ಲಿ ಅವರು ಗಳಿಸಿದ್ದು ಕೇವಲ 2 ರನ್. ಮನೋಜ್ ತಿವಾರಿ ಅಂತರಾಷ್ಟ್ರೀಯ ವೃತ್ತಿಜೀವನ ಇಲ್ಲಿಗೆ ಕೊನೆಗೊಂಡಿತು.

ವೆಸ್ಟ್ ಇಂಡೀಸ್ ವಿರುದ್ಧ ಶತಕ ಬಾರಿಸಿದ ನಂತರ ಸತತ 10 ಪಂದ್ಯಗಳಲ್ಲಿ ಬೆಂಚ್ ಮೇಲೆ ಕುಳಿತುಕೊಳ್ಳಬೇಕಾಯಿತು. ಈ ವಿಷಯವನ್ನು ಸ್ವತಃ ಮನೋಜ್ ತಿವಾರಿ ಹೇಳಿದ್ದಾರೆ. ಇದೀಗ ಸಂಜು ಸ್ಯಾಮ್ಸನ್ ಪರಿಸ್ಥಿತಿ ಮನೋಜ್ ತಿವಾರಿಯಂತೆಯೇ ಆಗಿದೆ. ಅವರ ಪ್ರತಿಭೆಯ ಹೊರತಾಗಿಯೂ, ಅವರು ಬೆಂಚ್‌ಗೆ ಸೀಮಿತರಾಗಿದ್ದಾರೆ. ಇದನ್ನು ನೋಡಿದ ಫ್ಯಾನ್ಸ್​ಗಳು ಬಿಸಿಸಿಐ ಅಲ್ಲಿ ಇದೇನು ಹೊಸ ರಾಜಕೀಯ ಆರಂಭವಾಗಿದೆಯೇ ಎಂದು ಕೇಳುತ್ತಿದ್ದಾರೆ.