Chris Gayle: ಗೇಲ್ ಅಭಿಮಾನಿಗಳಿಗೆ ಗುಡ್​ ನ್ಯೂಸ್, IPL ಗೆ ಎಂಟ್ರಿ ಕೊಡಲಿದ್ದಾರೆ ಯೂನಿವರ್ಸಲ್ ಬಾಸ್..!

ಐಪಿಎಲ್​ ಎಂದಾಕ್ಷಣ ಎಲ್ಲರಿಗೂ ನೆನಪಾಗುವುದು ಸಿಕ್ಸ್​ ಗಳ ಸುರಿಮಳೆ, ಅದರಲ್ಲಿಯೂ ಕ್ರಿಕೆಟ್ ಅಭಿಮಾನಿಗಳಿಗೆ ನೆನಪಾಗುವುದು ವಿಂಡೀಸ್ ದೈತ್ಯ, ಯೂನಿವರ್ಸಲ್ ಬಾಸ್​ ಕ್ರಿಸ್​ ಗೇಲ್. ಆದರೆ ಅವರು ಈ ಬಾರಿ ಐಪಿಎಲ್​ ನಿಂದ ದೂರ ಉಳಿದಿರುವ ವಿಚಾರ ಎಲ್ಲರಿಗೂ ತಿಳಿದಿರುವ ವಿಚಾರವೆ.

ಐಪಿಎಲ್ ನಲ್ಲಿ ಗೇಲ್ ಇದ್ದರೆ ಆ ಸದ್ದು ಬೇರೆ. ಆದರೆ ಈ ಬಾರಿ ಐಪಿಎಲ್ ನಲ್ಲಿ ಅಂಥದ್ದೇನೂ ಇಲ್ಲ. ಈ ವರ್ಷ ಐಪಿಎಲ್ 2022ರಿಂದ ಕ್ರಿಸ್ ಗೇಲ್ ದೂರವಾಗಿದ್ದಾರೆ. ಆದರೆ, ಕ್ರಿಸ್ ಗೇಲ್ ಅಭಿಮಾನಿಗಳು ಈ ಸಂತಸ ನೀಡಲಿದೆ. ಹೌದು, ಕ್ರಿಸ್ ಗೇಲ್ ಐಪಿಎಲ್‌ಗೆ ಮರಳಲಿದ್ದಾರೆ.

ಆದರೆ, ಗೇಲ್​ ಈ ಐಪಿಎಲ್ ಸೀಸನ್ ಅಲ್ಲಿ ಮರಳುವುದಿಲ್ಲ. ಬದಲಿಗೆ ಅವರು 2023ರ ಐಪಿಎಲ್ 16ನೇ ಸೀಸನ್​ಗೆ ಮರಳುವುದಾಗಿ ತಿಳೀಸಿದ್ದಾರೆ.. ಮುಂದಿನ ಸೀಸನ್‌ಗೆ ನಾನು ಸಿದ್ಧನಿದ್ದೇನೆ ಎಂದು ಯುನಿವರ್ಸಲ್ ಬಾಸ್ ಜೀಮ್​ನಲ್ಲಿನ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ.

ಗೇಲ್ ತಮ್ಮ ಇನ್‌ಸ್ಟಾ ಖಾತೆಯಲ್ಲಿ ಹಾಕಿರುವ ಪೋಸ್ಟ್ ನೋಡಿದರೆ.. ಇದು ನಿಜ ಎನಿಸುತ್ತಿದೆ. ವರ್ಕ್ ಜಸ್ಟ್ .. ಸ್ಟಾರ್ಟ್ .. ಲೆಟ್ಸ್ ಗೋ ಎಂದು ಶೀರ್ಷಿಕೆ ನೀಡಿ ಗೇಲ್ ಮುಂದಿನ ವರ್ಷದ ಐಪಿಎಲ್ ಗೆ ತಯಾರಿ ಆರಂಭಿಸಿ ಎಂದು ವರ್ಕೌಟ್ ಮಾಡುತ್ತಿರುವ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ.

ಗೇಲ್ ಅಭಿಮಾನಿಗಳು ಈ ಪೋಸ್ಟ್ ಅನ್ನು ನೋಡಿ ಸಂತೋಷಪಟ್ಟಿದ್ದಾರೆ ಗೇಲ್ ಈ ವರ್ಷದ ಐಪಿಎಲ್ ಪಂದ್ಯದಿಂದ ಹೊರಗುಳಿಯಲು ಅವರ ಫಾರ್ಮ್ ಮತ್ತು ವಯಸ್ಸಿನ ಕೊರತೆಯೂ ಒಂದು ಕಾರಣ ಎನ್ನಲಾಗಿದೆ.

2021 ರ ಟಿ 20 ವಿಶ್ವಕಪ್ ನಂತರ ಗೇಲ್ ಎಲ್ಲಾ ಫಾರ್ಮ್ಯಾಟ್‌ಗಳಿಗೆ ವಿದಾಯ ಹೇಳಿದ್ದಾರೆ. ಆದರೆ, ಗೇಲ್ ಐಪಿಎಲ್ ಗೆ ರೀ ಎಂಟ್ರಿ ಕೊಡುವ ಸುಳಿವು ನೀಡಿದ್ದು, ಗೇಲ್ ಈವರೆಗೆ ಐಪಿಎಲ್​ನಲ್ಲಿ 142 ಪಂದ್ಯಗಳನ್ನಾಡಿದ್ದು, 6 ಶತಕ ಹಾಗೂ 31 ಅರ್ಧ ಶತಕ ಬಾರಿಸಿದ್ದಾರೆ. ಅವರು 405 ಬೌಂಡರಿಗಳು ಮತ್ತು 357 ಸಿಕ್ಸರ್‌ಗಳ ಮೂಲಕ ಒಟ್ಟು 4965 ರನ್‌ಗಳನ್ನು ಹೊಡೆದಿದ್ದಾರೆ.

ಈ ಬಾರಿ ಐಪಿಎಲ್​ 2022ರಲ್ಲಿ ಕ್ರಿಸ್ ಗೇಲ್ ಜೊತೆಗೆ ಮಿ.360 ಖ್ಯಾತಿಯ ಎಬಿ ಡಿ ವಿಲಿಯರ್ಸ್ ಸಹ ಇರದಿರುವುದು ಕ್ರೀಡಾಭಿಮಾನಿಗಳಿಗೆ ಬೇಸರದ ಸಂಗತಿಯಾಗಿದೆ ಎಂದರೂ ತಪ್ಪಾಗಲಾರದು.