Jonty Rhodes: ಗಂಗೆಯಲ್ಲಿ ಸ್ನಾನ, ಮಕ್ಕಳಿಗೆ ಭಾರತೀಯ ಸಂಸ್ಕೃತಿ ಪಾರಾಯಣ! ವಿದೇಶಿ ಕ್ರಿಕೆಟಿಗನ ಭಾರತದ ಮೇಲಿನ ಪ್ರೀತಿಗೆ ಅಭಿಮಾನಿಗಳ ಸಲಾಂ

ಭಾರತದ ವೈವಿಧ್ಯತೆ ಮತ್ತು ಅದರ ಸಂಸ್ಕೃತಿಯಿಂದಾಗಿ ದಕ್ಷಿಣ ಆಫ್ರಿಕಾದ ಅತ್ಯುತ್ತಮ ಫೀಲ್ಡರ್ ಜಾಂಟಿ ರೋಡ್ಸ್ ಭಾರತದ ಮೇಲೆವಿಶೇಷ ಪ್ರೀತಿಯನ್ನು ಹೊಂದಿದ್ದಾರೆ. ಇಲ್ಲಿನ ಸಂಸ್ಕೃತಿ, ನಾಗರೀಕತೆ, ಆಧ್ಯಾತ್ಮಿಕತೆ ಮತ್ತು ಸಾತ್ವಿಕ ಆಹಾರವನ್ನು ಯಾವಾಗಲೂ ಅನುಸರಿಸುತ್ತಾರೆ. ಜಾಂಟಿ ರೋಡ್ಸ್ ಯೋಗ ಶಿಕ್ಷಕಿಯನ್ನು ಮದುವೆ ಆಗುವ ಮೂಲಕ ಯೋಗದ ಕಡೆಗೆ ಅವರ ಆಕರ್ಷಣೆ ಇನ್ನಷ್ಟು ಹೆಚ್ಚಾಯಿತು. ಯೋಗವು ಈಗ ಜಾಂಟಿ ರೋಡ್ಸ್ ಅವರ ಜೀವನದಲ್ಲಿ ಬಹಳ ಮುಖ್ಯವಾದ ಭಾಗವಾಗಿದೆ.

ಜಾಂಟಿ ರೋಡ್ಸ್ ಭಾರತೀಯ ಹಬ್ಬಗಳಿಗೂ ವಿಶೇಷವಾದ ಬಾಂಧವ್ಯವನ್ನು ಹೊಂದಿದ್ದಾರೆ. ಅವರು ಹೋಳಿ, ದೀಪಾವಳಿ ಮತ್ತು ಇತರ ಹಬ್ಬಗಳನ್ನು ಆಚರಿಸುವುದನ್ನು ಕಾಣಬಹುದು.

ಜಾಂಟಿ ರೋಡ್ಸ್ ಭಾರತವನ್ನು ತುಂಬಾ ಪ್ರೀತಿಸುತ್ತಾರೆ ಮತ್ತು ಆಗಾಗ್ಗೆ ಭಾರತಕ್ಕೆ ಬರುತ್ತಿರುತ್ತಾರೆ. ಅವರು ತಮ್ಮ ಮಗಳಿಗೆ ಇಂಡಿಯಾ ಎಂದು ಹೆಸರಿಟ್ಟಿದ್ದಾರೆ. ಭಾರತದ ವಿವಿಧ ಸ್ಥಳಗಳಿಗೆ ಭೇಟಿ ನೀಡುವುದರಿಂದ ಹಿಡಿದು ಸಾಂಸ್ಕೃತಿಕ ಮೌಲ್ಯಗಳನ್ನು ಗೌರವ ನೀಡುತ್ತಾರೆ.

ಜಾಂಟಿ ರೋಡ್ಸ್ ಭಾರತದಲ್ಲಿ ಪೂಜಿಸುವುದು, ಪವಿತ್ರ ಗಂಗೆಯಲ್ಲಿ ಸ್ನಾನ ಮಾಡುವುದು, ಶುದ್ಧ ಸಸ್ಯಾಹಾರಿ ಮತ್ತು ಸಾತ್ವಿಕ ಆಹಾರವನ್ನು ಸೇವಿಸುತ್ತಾರೆ. ಅಲ್ಲದೇ ಜಾಂಟಿ ಮತ್ತು ಅವರ ಪತ್ನಿ ಮೆಲಾನಿ ಇಬ್ಬರೂ ಭಾರತದ ಮೇಲೆ ಆಳವಾಗಿ ಪ್ರಭಾವಿತರಾಗಿದ್ದಾರೆ. ಅವರ ಇಬ್ಬರು ಮಕ್ಕಳಿಗೆ ಭಾರತದ ಸಂಸ್ಕೃತಿ ಮತ್ತು ನಾಗರಿಕತೆಯನ್ನು ಕಲಿಸುತ್ತಿದ್ದಾರೆ.

ಜಾಂಟಿ ರೋಡ್ಸ್ 2014ರಲ್ಲಿ ಯೋಗ ಶಿಕ್ಷಕಿ ಮೆಲಾನಿ ವೋಲ್ಫ್ ಅವರನ್ನು ವಿವಾಹವಾದರು. 2015ರಲ್ಲಿ, ಜಾಂಟಿ ಮಗಳ ತಂದೆಯಾದರು. ಜಾಂಟಿಯವರ ಮಗಳು ಮುಂಬೈನಲ್ಲಿ ಜನಿಸಿದರು, ಇದರಿಂದಾಗಿ ಮಗಳಿಗೆ 'ಇಂಡಿಯಾ' ಎಂದು ಹೆಸರಿಟ್ಟರು. ಇದರ ನಂತರ, 2017ರಲ್ಲಿ, ಜಾಂಟಿ ಅವರ ದಂಪತಿಗೆ ಒಂದು ಗಂಡು ಮಗು ಸಹ ಜನಿಸಿದೆ. ಜಾಂಟಿ ಮತ್ತು ಮೆಲಾನಿ ಆಗಾಗ್ಗೆ ತಮ್ಮ ಮಕ್ಕಳೊಂದಿಗೆ ಭಾರತಕ್ಕೆ ಬರುತ್ತಾರೆ.

ಭಾರತದ ವಿವಿಧ ಸ್ಥಳಗಳು ಮತ್ತು ಅದರ ಸಂಸ್ಕೃತಿಯನ್ನು ಗೌರವಿಸು ಫೋಟೋಗಳನ್ನು ಜಾಂಟಿ ರೋಡ್ಸ್ ಆಗಾಗ್ಗೆ ತಮ್ಮ Instagram ಪೋಸ್ಟ್‌ಗಳ ಮುಖಾಂತರ ಹಂಚಿಕೊಳ್ಳುತ್ತಿರುತ್ತಾರೆ.

ಜಾಂಟಿ ರೋಡ್ಸ್ ಭಾರತದಲ್ಲಿ ಗಂಗಾಸ್ನಾನ ಮಾಡಲು ಇಷ್ಟಪಡುತ್ತಾರಂತೆ. ಅವರು ಆಗಾಗ್ಗೆ ತಾವು ಮತ್ತು ಅವರ ಕುಟುಂಬ ಗಂಗಾನದಿಯಲ್ಲಿ ಸ್ನಾನ ಮಾಡುತ್ತಿರುವ ಚಿತ್ರಗಳನ್ನು ಹಂಚಿಕೊಳ್ಳುತ್ತಾರೆ. ಅಲ್ಲದೇ ಅವರು, ಒಮ್ಮೆ ನಾವೆಲ್ಲರೂ ನಮ್ಮ ಮೋಕ್ಷವನ್ನು ಪಡೆಯಲು ಬಯಸುತ್ತೇವೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು.

ಗಂಗಾನದಿಯ ನೀರನ್ನು ಹಿಂದುಗಳು ಬ್ರಹ್ಮ ದ್ರವ್ಯ" ಅಥವಾ ದೈವಿಕ ಮಕರಂದ ಎಂದು ಪರಿಗಣಿಸುತ್ತಾರೆ. ಇಂತಹ ಪವಿತ್ರ ನದಿಯಲ್ಲಿ ಸ್ನಾ ಮಾಡುವ ಮೂಲಕ ನಾವೂ ಪವಿತ್ರರಾಗಲು ಬಯಸುತ್ತೇವೆ ಎಂದು ಹೇಳಿದ್ದರು.

ನಿಮ್ಮನ್ನು ಅನ್ವೇಷಿಸಲು ಉತ್ತಮ ಮಾರ್ಗವೆಂದರೆ ನಿಮ್ಮ ಸುತ್ತಲಿನ ಪ್ರಪಂಚವನ್ನು ಅನ್ವೇಷಿಸುವುದು ಎಂದು ನಾನು ಭಾವಿಸುತ್ತೇನೆ ಎಂದು ಜಾಂಟಿ ರೋಡ್ಸ್ ಹೇಳುತ್ತಾರೆ. ನಾನು ನಿಜವಾಗಿಯೂ 5-ಸ್ಟಾರ್ ಹೋಟೆಲ್ ವ್ಯಕ್ತಿ ಅಲ್ಲ ಎಂದು ಹೇಳಿಕೊಳ್ಳುವ ಮೂಲಕ ಭಾರತೀಯರ ಮೆಚ್ಚುಗೆಗೆ ಪಾತ್ರರಾಗಿದ್ದರು.

ಜಾಂಟಿ ರೋಡ್ಸ್ ಕೂಡ ಯೋಗದ ಮಹತ್ವವನ್ನು ಬಹಳವಾಗಿ ನಂಬುತ್ತಾರೆ. ನಾನು ಕೆಲವು ಸಂಶೋಧನೆಗಳನ್ನು ಮಾಡಿದ್ದೇನೆ ಮತ್ತು ಕೋಚ್ ಆಗಿ ನಾನು ಕ್ರಿಕೆಟ್ ತರಬೇತಿ ವೇಳೆ ಯೋಗ ಮಾಡುವುದು ತುಂಬಾ ಪ್ರಯೋಜನಕಾರಿ ಎಂದು ಕಂಡುಕೊಂಡಿದ್ದೇನೆ ಎಂದು ಹೇಳುತ್ತಾರೆ.