FIFA World Cup 2022: ಸೋತ ತಂಡಕ್ಕೇ ಕೋಟಿ ಕೋಟಿ ಹಣ, ಗೆದ್ದ ತಂಡಕ್ಕೆ ಇನ್ನೆಷ್ಟು ಗೊತ್ತಾ? ಇದು IPL ಬಹುಮಾನಕ್ಕಿಂತ 8 ಪಟ್ಟು ಜಾಸ್ತಿಯಂತೆ!

ಫಿಫಾ ವಿಶ್ವಕಪ್ ನಲ್ಲಿ 32 ತಂಡಗಳು ಭಾಗವಹಿಸಿದ್ದವು. ಫಿಫಾ ಪಂದ್ಯಾವಳಿಯು ಬಹುಮಾನದ ಮೊತ್ತದ ದೃಷ್ಟಿಯಿಂದ ವಿಶ್ವದ ಅತಿದೊಡ್ಡ ಪಂದ್ಯಾವಳಿಯಾಗಿದೆ. ಈ ಮೆಗಾ ಟೂರ್ನಿಯು ಅಂತಿಮ ಘಟ್ಟಕ್ಕೆ ಬಂದಿದ್ದು, ಡಿಸೆಂಬರ್​ 18ರಂದು ನಡೆಯಲಿರುವ ಫೈನಲ್​ ಫೈಟ್​ನಲ್ಲಿ ಅರ್ಜೆಂಟೀನಾ ಮತ್ತು ಫ್ರಾನ್ಸ್ ಸೆಣಸಾಡಲಿದೆ.

ಫಿಫಾ ವಿಶ್ವಕಪ್​ ಬಹುಮಾನದ ಮೊತ್ತವು ಇದೀಗ ರಿವೀಲ್​ ಆಗಿದ್ದು, ಫಿಫಾ ಟೂರ್ನಿಯಲ್ಲಿ ತಂಡಗಳಿಗೆ 3.6 ಸಾವಿರ ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು. ಇದರಲ್ಲಿ ವಿಶ್ವಕಪ್ ವಿಜೇತ ತಂಡ 359 ಕೋಟಿ ರೂ. ಇದು ಐಪಿಎಲ್‌ನ ಒಟ್ಟು ಬಹುಮಾನದ ಮೊತ್ತಕ್ಕಿಂತ ಸುಮಾರು 8 ಪಟ್ಟು ಹೆಚ್ಚಾಗಿದೆ.

ಫಿಫಾ ವಿಶ್ವಕಪ್ ವಿಜೇತ ತಂಡಕ್ಕೆ 359 ಕೋಟಿ ಹಾಗೂ ರನ್ನರ್ ಅಪ್ ತಂಡಕ್ಕೆ 245 ಕೋಟಿ ರೂ. ಮೂರು ಮತ್ತು ನಾಲ್ಕನೇ ಶ್ರೇಯಾಂಕದ ತಂಡವು ಕ್ರಮವಾಗಿ 220 ಕೋಟಿ ಮತ್ತು 204 ಕೋಟಿ ರೂ. ನೀಡಲಾಗುತ್ತದೆ.

32ನೇ ಶ್ರೇಯಾಂಕಿತ ತಂಡವೂ ಬೃಹತ್ ಮೊತ್ತ ಪಡೆಯಲಿದೆ ಎಂಬುದು ಕುತೂಹಲದ ಸಂಗತಿ. ಅವರಿಗೆ 73 ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು. ಫಿಫಾದಲ್ಲಿ ಕ್ವಾರ್ಟರ್ ಫೈನಲ್ ತಲುಪುವ ತಂಡಗಳಿಗೆ ತಲಾ 139 ಕೋಟಿ ರೂ. ದೊರಕಲಿದೆ.

ಹಾಗಾಗಿ ಸೂಪರ್ 16 ಸುತ್ತಿನಿಂದ ಹೊರಗುಳಿದ ಎಲ್ಲಾ ತಂಡಗಳಿಗೆ 106 ಕೋಟಿ ರೂ. ಹಾಗೂ 17ರಿಂದ 32ನೇ ಶ್ರೇಯಾಂಕದ ತಂಡಗಳಿಗೆ 73 ಕೋಟಿ ರೂ. ದೊರಕುತ್ತದೆ. ಟಿ20 ವಿಶ್ವಕಪ್‌ನ ಒಟ್ಟು ಬಹುಮಾನದ ಮೊತ್ತ 45.68 ಕೋಟಿ ರೂ. ಐಪಿಎಲ್‌ನಲ್ಲಿ ಒಟ್ಟು 46.5 ಕೋಟಿ ರೂ.ಗಳನ್ನು ಬಹುಮಾನವಾಗಿ ನೀಡಲಾಗುತ್ತದೆ.

ಫಿಫಾದ ಒಟ್ಟು ಬಹುಮಾನದ ಮೊತ್ತ 3.6 ಸಾವಿರ ಕೋಟಿ ರೂಪಾಯಿ. ಈ ಮೊತ್ತ ಕ್ರಿಕೆಟ್ ವಿಶ್ವಕಪ್‌ಗಿಂತ 80 ಪಟ್ಟು ಹೆಚ್ಚು. ಟಿ20 ವಿಶ್ವಕಪ್‌ನಲ್ಲಿ ವಿಜೇತ ತಂಡ 13 ಕೋಟಿ ರೂಪಾಯಿ ಬಹುಮಾನ ಪಡೆಯುತ್ತದೆ. ಐಪಿಎಲ್ ನಲ್ಲಿ ಇದೇ ಮೊತ್ತ 20 ಕೋಟಿ ರೂ ಆಗಿದೆ.

ಅರ್ಜೆಂಟೀನಾ ಮತ್ತು ಫ್ರಾನ್ಸ್ ನಡುವೆ ವಿಶ್ವಕಪ್ 2022 ಫೈನಲ್ ತಲುಪಿದೆ. ಅರ್ಜೆಂಟೀನಾ ಮೂರು ಗೋಲುಗಳಿಂದ ಕ್ರೊಯೇಷಿಯಾವನ್ನು ಸೋಲಿಸಿತು ಮತ್ತು ಫ್ರಾನ್ಸ್ ಎರಡು ಗೋಲುಗಳಿಂದ ಮೊರಾಕೊವನ್ನು ಸೋಲಿಸಿ ಫೈನಲ್‌ಗೆ ತಲುಪಿತು.

ಈ ಬಾರಿಯ ಫುಟ್ಬಾಲ್ ವಿಶ್ವಕಪ್‌ಗಾಗಿ ಕತಾರ್ ಸರ್ಕಾರ 220 ಶತಕೋಟಿ ಯುಎಸ್ ಡಾಲರ್‌ಗಳನ್ನು ಖರ್ಚು ಮಾಡಿದೆ ಎಂದು ವರದಿಯಾಗಿದೆ. ನಮ್ಮ ಕರೆನ್ಸಿಯಲ್ಲಿ ಇದು ಸರಿಸುಮಾರು ರೂ. 17 ಲಕ್ಷ ಕೋಟಿಗೂ ಹೆಚ್ಚು ಎಂದು ತಿಳಿದುಬಂದಿದೆ.