FIFA World Cup 2022: ಅರೇ, ಇದೇನಿದು ಈ ಆಟಗಾರ ಸ್ಪೋರ್ಟ್ಸ್​​​ ಬ್ರಾ ಹಾಕಿದ್ದಾರೆ! ಇದರ ಹಿಂದಿನ ಕಾರಣವಂತೂ ರೋಚಕ

ಕಳೆದ ವಾರ ಪೋರ್ಚುಗಲ್ ವಿರುದ್ಧದ ಗ್ರೂಪ್ ಎಚ್ ಪಂದ್ಯದ ವೇಳೆ ದಕ್ಷಿಣ ಕೊರಿಯಾದ ಫುಟ್ಬಾಲ್ ಆಟಗಾರ ಹ್ವಾಂಗ್ ಹೀ ಚಾನ್ ಮಹಿಳಾ ಕ್ರೀಡಾ ಬ್ರಾ ಧರಿಸಿರುವ ಚಿತ್ರಗಳು ಅಂತರ್ಜಾಲದಲ್ಲಿ ವೈರಲ್ ಆಗಿದ್ದವು.

ಪೋರ್ಚುಗಲ್ ವಿರುದ್ಧ ತನ್ನ ತಂಡದ ಎರಡನೇ ಗೋಲ್ ಅನ್ನು ಸಂಭ್ರಮಿಸಲು ಹ್ವಾಂಗ್ ತನ್ನ ಜೆರ್ಸಿ ತೆಗೆದ ವೇಳೆ aವರು ಸ್ಪೋರ್ಟ್ಸ್​ ಬ್ರಾ ಧರಿಸಿರುವುದು ಕಂಡುಬಂದಿದೆ. ನಂತರ ಅವರ ಫೋಟೋ ಸಖತ್ ವೈರಲ್ ಆಗಿದೆ.

ಈ ಚಿತ್ರವನ್ನು ನೋಡಿದ ನಂತರ, ದಕ್ಷಿಣ ಕೊರಿಯಾದ ಆಟಗಾರ ಮಹಿಳಾ ಸ್ಪೋರ್ಟ್ಸ್ ಬ್ರಾ ಧರಿಸಿದ್ದಾರೆ ಎಂದು ಕೆಲವರು ಅನುಮಾನಿಸಿದ್ದಾರೆ. ಪುರುಷ ಫುಟ್ಬಾಲ್ ಆಟಗಾರರನ್ನು ಅಂತಹ ಉಡುಪಿನಲ್ಲಿ ನೋಡುವುದು ಸಾಮಾನ್ಯವಾಗಿದೆ.

ಹಾಗಿದ್ದರೆ ಪುರುಷ ಫುಟ್ಬಾಲ್ ಆಟಗಾರರಿಗೆ ಸ್ಪೋರ್ಟ್ಸ್ ಬ್ರಾ ಧರಿಸುವುದು ಏಕೆ? ಎಂಬ ಪ್ರಶ್ನೆಗೆ ಇಲ್ಲಿದೆ ಉತ್ತರ. ಪುರುಷ ಫುಟ್ಬಾಲ್ ಆಟಗಾರರು ಧರಿಸುವ ಸ್ಪೋರ್ಟ್ಸ್ ಬ್ರಾದಂತೆ ಕಾಣುವ ಈ ವೆಸ್ಟ್ ವಾಸ್ತವವಾಗಿ ಜಿಪಿಎಸ್ ಟ್ರ್ಯಾಕರ್ ಆಗಿದೆ.

ಪುರುಷ ಫುಟ್ಬಾಲ್ ಆಟಗಾರರಲ್ಲಿ ಇದು ತುಂಬಾ ಸಾಮಾನ್ಯವಾಗಿದೆ. ಒಂದು GPS ಸಾಧನವನ್ನು ಜರ್ಸಿ ಅಡಿಯಲ್ಲಿ ವೆಸ್ಟ್‌ಗೆ ಹಾಕಿರಲಾಗುತ್ತದೆ. ಅದು ಆಟಗಾರ GPS ಡೇಟಾವನ್ನು ಸಂಗ್ರಹಿಸಲು ಸಹಾಯ ಮಾಡುತ್ತದೆ.

ಕಂಪ್ಯೂಟರ್ ಸಹಾಯದಿಂದ ಒಬ್ಬರ ಆಟದ ಕಾರ್ಯಕ್ಷಮತೆಯನ್ನು ವಿಶ್ಲೇಷಿಸಲು ಇದನ್ನು ಬಳಸಲಾಗುತ್ತದೆ. GPS ಸಾಧನವನ್ನು ವೆಸ್ಟ್‌ನ ಹಿಂಭಾಗದಲ್ಲಿ ಸಣ್ಣದಾಗಿ ಇರಿಸಲಾಗಿರುತ್ತದೆ.

ಇದರ ಮೂಲಕ ಸಂಗ್ರಹಿಸಿದ ಡೇಟಾವು ತಂಡದ ಮ್ಯಾನೇಜರ್‌ಗಳು ಮತ್ತು ತರಬೇತುದಾರರಿಗೆ ತರಬೇತಿಯ ಸಮಯದಲ್ಲಿ ಅಥವಾ ಪಂದ್ಯದ ಸಮಯದಲ್ಲಿ ಆಟಗಾರ ಎಷ್ಟು ವೇಗವಾಗಿ ಅಥವಾ ದೂರ ಓಡಿದ್ದಾನೆ ಎಂಬಂತಹ ವಿವರಗಳನ್ನು ತಿಳಿಯಲು ಸಹಾಯ ಮಾಡುತ್ತದೆ.

ಇದಲ್ಲದೇ, ಆಟಗಾರನು ತನ್ನ ಪಾಸ್‌ಗಳನ್ನು ಎಷ್ಟು ಬಾರಿ ಪೂರ್ಣಗೊಳಿಸಿದ್ದಾನೆ ಅಥವಾ ಶೂಟ್ ಮಾಡಲು ಆಟಗಾರನು ತನ್ನ ಮುಖ್ಯ ಪಾದವನ್ನು ಎಷ್ಟು ಬಾರಿ ಅವಲಂಬಿಸಿರುತ್ತಾನೆ ಎಂಬಂತಹ ಅಂಕಿಅಂಶಗಳ ಮೂಲಕ ಇದನ್ನು ನೋಂದಾಯಿಸಲಾಗುತ್ತದೆ. ಆದರೆ ಇದೀಗ ಈ ಪೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಚರ್ಚೆ ಆಗುತ್ತಿದೆ.