FIFA World Cup 2022: ಫುಟ್ಬಾಲ್‌ ಸೆಮೀಸ್​ವರೆಗೆ ಎಣ್ಣೆ ಪ್ರಿಯರಿಗೆ ಹಬ್ಬ! ಬೆಂಗಳೂರಲ್ಲಿ ಮುಂಜಾನೆವರೆಗೂ ಸಿಗುತ್ತೆ ಮದ್ಯ!

ಫಿಫಾ ವಿಶ್ವಕಪ್ ಸೆಮಿಪೈನಲ್ ಹಂತ ತಲುಪಿದೆ. ಈ ಬಾರಿ ಫುಟ್​ಬಾಲ್​ನಲ್ಲಿ ಅನೇಕ ಬಲಿಷ್ಠ ತಂಡಗಳು ಸೆಮೀಸ್​ ಹಂತದ ಮೊದಲೇ ಟೂರ್ನಿಯಿಂದ ಹೊರಬಿದ್ದಿದ್ದು, ಫೈನಲ್​ ಫೈಟ್​ ಕುರಿತು ಹೆಚ್ಚಿನ ಆಸಕ್ತಿ ಮೂಡಿದೆ.

ಇದರ ನಡುವೆ ಫಿಫಾ ವಿಶ್ವಕಪ್​ ಸೆಮೀಸ್​ ಹಣಾಹಣಿ ನೋಡಲು ಪ್ರಪಂಚವೇ ಕಾದು ಕುಳಿತಿದೆ. ಅದರಂತೆ ಕ್ರಿಕೆಟ್​ ಹೆಚ್ಚು ಇಷ್ಟಪಡುವ ಭಾರತದಲ್ಲಿಯೇ ಫುಟ್​ಬಾಳ್​ ತನ್ನದೇ ಆದ ಕ್ರೇಜ್​ ಅನ್ನು ಹೊಂದಿದೆ ಎಂದರೂ ತಪ್ಪಾಗಲಾರದು.

ಇದರಿಂದಾಗಿ ಇದೀಗ ಫಿಫಾ ವಿಶ್ವಕಪ್​ ನೋಡುಗರಿಗೆ ಅದರಲ್ಲಿಯೂ ಬೆಂಗಳೂರಿನ ಜನರಿಗೆ ಭರ್ಜರಿ ಗುಡ್​ನ್ಯೂಸ್​ ಸಿಕ್ಕಿದೆ. ಫಿಫಾ ಸೆಮೀಸ್​ ಹಿನ್ನಲೆ ಬೆಂಗಳೂರಿನ ಪಬ್, ಬಾರ್ ಮತ್ತು ರೆಸ್ಟೋರೆಂಟ್​ಗಳ (Bar and Restaurant) ಅವಧಿ ವಿಸ್ತರಣೆ ಮಾಡಿ ಆದೇಶ ಹೊರಡಿಸಲಾಗಿದೆ.

ಡಿಸೆಂಬರ್ 14 ಹಾಗೂ 15 ರಂದು ಬೆಳಗಿನ ಜಾವ 3.30 ರ ತನಕ ಬೆಂಗಳೂರಿನಲ್ಲಿ ಪಬ್, ಬಾರ್ ಮತ್ತು ರೆಸ್ಟೋರೆಂಟ್​ಗಳನ್ನು ತರೆಯಲು ಅನುಮತಿ ನೀಡಿ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಪ್ರತಾಪ್ ರೆಡ್ಡಿ ಆದೇಶ ಆದೇಶ ಹೊರಡಿಸಿದ್ದಾರೆ.

ಇದಕ್ಕೂ ಮೊದಲು ಕೇಔಲ 1 ಗಂಟೆ ರಾತ್ರಿಯವರೆಗೆ ಮಾತ್ರ ಬಾರ್​ ಮತ್ತು ಪಬ್​ಗಳನ್ನು ತೆರೆಯಲು ಅವಕಾಶವಿತ್ತು. ಆದರೆ ಫಿಫಾ ವಿಶ್ವಕಪ್ ಸೆಮಿಪೈನಲ್ ಈ ಅವದಿಯನ್ನು ವಿಸ್ತರಣೆ ಮಾಡಲಾಗಿದೆ.

ಇದಕ್ಕೂ ಮೊದಲು ಅವಧಿ ವಿಸ್ತರಿಸುವಂತೆ ಫಿಫಾ ವಿಶ್ವಕಪ್​ ಹಿನ್ನಲೆ ಪೆಡರೇಷನ್ ಆಫ್ ಕ್ಲಬ್ಸ್ ಕರ್ನಾಟಕ ಅವದಿ ವಿಸ್ತರಣೆ ಮನವಿ ಮಾಡಿತ್ತು. ಮನವಿ ಮೇರೆಗೆ 2 ದಿನ ಅವಧಿ ವಿಸ್ತರಣೆ ಮಾಡಿರುವುದಾಗಿ ನಗರ ಪೊಲೀಸ್ ಆಯುಕ್ತರು ಆದೇಶ ಹೊರಡಿಸಿದ್ದಾರೆ.

ಡಿಸೆಂಬರ್​ 14ರ ರಾತ್ರಿ 12.30ಕ್ಕೆ ಅರ್ಜೆಂಟೀನಾ ಹಾಗೂ ಕ್ರೊವೇಷ್ಯಾ ಮಧ್ಯೆ ಮೊದಲ ಸೆಮೀಸ್ ಫೈಟ್​ ನಡೆಯಲಿದೆ. ಬುಧವಾರ ಮದ್ಯರಾತ್ರಿ ಫ್ರಾನ್ಸ್ ಮತ್ತು ಮೊರೊಕ್ಕೋ ನಡುವೆ 2ನೇ ಸಿಮೀಸ್​ ಕಾದಾಟ ನಡೆಯಲಿದೆ.

ಉಳಿದಂತೆ ಸೆಮೀಸ್​ನಲ್ಲಿ ಗೆದ್ದ ತಂಡಗಳು ಡಿಸೆಂಬರ್​ 18ರಂದು ರವಿವಾರ, ಫೈನಲ್​ನಲ್ಲಿ ಪ್ರಶಸ್ತಿಗಾಗಿ ಕಾದಾಡಲಿದೆ.