Eden Gardens: ಬಾಲಿವುಡ್​ಗೂ ಕ್ರಿಕೆಟ್​ಗೂ ಇದೆ ವಿಶೇಷ ಸಂಬಂಧ, ಈಡನ್ ಗಾರ್ಡನ್​​ ಅಂದ್ರೆ ಯಾಕಿಷ್ಟು ಇಷ್ಟ?

ಕ್ರಿಕೆಟ್​ ಭಾರತದಲ್ಲಿ ಸಾಕಷ್ಟು ಜನಪ್ರೀಯ ಕ್ರೀಡೆ ಎಂದು ಹೇಳಬಹುದು. ಅದರಲ್ಲಿಯೂ ಐಪಿಎಲ್​ ನಂತರ ಕ್ರಿಕೆಟ್​ ಕ್ರೇಜ್​ ಸಾಕಷ್ಟು ಹೆಚ್ಚಿದೆ. ಜೊತೆಗೆ ಕ್ರಿಕೆಟ್​ ಮತ್ತು ಬಾಲಿವುಡ್​ಗೆ ಮೊದಲಿನಿಂದ ಸಾಕಷ್ಟು ನಂಟಿದೆ. ಅನೇಕ ಕ್ರಿಕೆಟಿಗರೂ ಸಹ ಬಾಲಿವುಡ್​ ನಟಿಯರನ್ನು ವಿವಾಹವಾಗಿದ್ದಾರೆ. ಅದೇ ರೀತಿ ಈ ಮೈದಾನದ ಜೊತೆಯೂ ನಟರಿಗೆ ವಿಶೇಷ ಬಾಂಧವ್ಯವಿದೆ.

ಕ್ರಿಕೆಟ್​ ಲೋಕದಲ್ಲಿ ಈಡನ್ ಗಾರ್ಡನ್​ ಮೈದಾನ ವಿಶೇಷ ಭಾವನೆಯನ್ನು ಹೊಂದಿದೆ. ಈಡನ್ ಎಂದರೆ ಕ್ರಿಕೆಟ್‌ನ ತವರು ಎಂದರ್ಥ. ಕ್ರಿಕೆಟಿಗರು ಮಾತ್ರವಲ್ಲ, ಬಾಲಿವುಡ್ ತಾರೆಯರು ಕೂಡ ಈಡನ್ ಅನ್ನು ಬಹಳ ಹಿಂದಿನಿಂದಲೂ ಪ್ರೀತಿಸುತ್ತಿದ್ದಾರೆ.

ಅಮಿತಾಭ್ ಬಚ್ಚನ್, ದಿಲೀಪ್ ಕುಮಾರ್ ಸೇರಿದಂತೆ ಅನೇಕ ಬಾಲಿವುಡ್​ ತಾರೆಯರಿಗೆ ಈಡನ್​ ಜೊತೆ ಸಾಕಷ್ಟು ನಂಟನ್ನು ಹೋಂದಿದ್ದಾರೆ. ಇದರೊಂದಿಗೆ ಸಾಕಷ್ಟು ಕ್ರಿಕೆಟ್​ ಪಂದ್ಯದ ವೇಳೆ ಬಾಲಿವುಡ್ ತಾರೆಯರು ಈಡನ್​ ಗ್ಯಾಲರಿಯಲ್ಲಿ ಕಾಣಿಸಿಕೊಳ್ಳುತ್ತಾರೆ.

ಐಪಿಎಲ್‌ನಿಂದಾಗಿ ಕೋಲ್ಕತ್ತಾ ಶಾರುಖ್ ಖಾನ್ ಅವರಿಗೂ ಬಹಳ ಹತ್ತಿರವಾಗಿದೆ. ಕಿಂಗ್ ಖಾನ್, ಜೂಹಿ ಚಾವ್ಲಾ, ಅರ್ಜುನ್ ರಾಂಪಾಲ್ ಮುಂತಾದ ಬಾಲಿವುಡ್ ತಾರೆಯರು ಆಗ್ಗಾಗ್ಗೆ ಈಡನ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಆದರೆ, ಕೊರೋನಾ ನಂತರ ಈಡನ್‌ನಲ್ಲಿ ಯಾವುದೇ ಐಪಿಎಲ್ ಪಂದ್ಯ ನಡೆದಿಲ್ಲ. ಆದರೆ ಈ ಬಾರಿ ನಡೆಯಲಿದೆ.

ಶೂಟಿಂಗ್ ವಿಚಾರದಲ್ಲೂ ಬಾಲಿವುಡ್ ನ ಮೊದಲ ಆಯ್ಕೆ ಈಡನ್ ಗಾರ್ಡನ್​ ಮೈದಾನವಾಗಿದೆ. ಬಂಗಾಳದ ವೇಗಿ ಜೂಲನ್ ಗೋಸ್ವಾಮಿ ಅವರ ಜೀವನಚರಿತ್ರೆ ಚಕ್ಡಾ ಎಕ್ಸ್‌ಪ್ರೆಸ್ ಕೆಲವೇ ದಿನಗಳಲ್ಲಿ ಬಿಡುಗಡೆಯಾಗಲಿದೆ. ಸಿನಿಮಾದ ಶೂಟಿಂಗ್ ಬಹುತೇಕ ಮುಗಿದಿದೆ.

ಈ ಸಿನಿಮಾದಲ್ಲಿ ಅನುಷ್ಕಾ ಶರ್ಮಾ ಜೂಲನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿರಾಟ್ ಕೊಹ್ಲಿ ಪತ್ನಿ ಕೆಲ ಸಮಯದ ಹಿಂದೆ ಶೂಟಿಂಗ್‌ಗಾಗಿ ಈಡನ್‌ಗೆ ಬಂದಿದ್ದರು. ಈಡನ್ ಜೂಲನ್ ಅವರ ವೃತ್ತಿಜೀವನದ ಹೆಚ್ಚಿನ ಭಾಗವನ್ನು ಇಲ್ಲಿ ಕಳೆದಿದ್ದಾರೆ. ಹಾಗಾಗಿ, ಜೂಲನ್ ಅವರ ಜೀವನಚರಿತ್ರೆಯಲ್ಲಿ ಈಡನ್ ಬಹಳಷ್ಟು ದೃಶ್ಯಗಳನ್ನು ಒಳಗೊಂಡಿದೆ.

ಈಡನ್ ಮಾತ್ರವಲ್ಲದೇ, ಬಾಲಿವುಡ್ ನಟಿ ಅನುಷ್ಕಾ ಕೂಡ ಹೌರಾದ ಹಲವು ಸ್ಥಳಗಳಲ್ಲಿ ಚಕ್ಡಾ ಎಕ್ಸ್‌ಪ್ರೆಸ್ ಅನ್ನು ಚಿತ್ರೀಕರಿಸಿದ್ದಾರೆ. ಜೊತೆಗೆ ರಣಬೀರ್ ಕಪೂರ್ ಕಳೆದ ಭಾನುವಾರ ಈಡನ್‌ನಲ್ಲಿ ಬ್ಯಾಟಿಂಗ್ ಮಾಡಿದ್ದರು. ಸೌರವ್ ಗಂಗೂಲಿ ಅವರ ಜೀವನಚರಿತ್ರೆಯಲ್ಲಿ ರಣಬೀರ್ ನಟಿಸಲಿದ್ದಾರೆ ಎಂದು ಹಲವರು ಹೇಳುತ್ತಿದ್ದಾರೆ. ಆದರೆ, ಈ ಸಿನಿಮಾದಲ್ಲಿ ನಟಿಸಲು ಇನ್ನೂ ಆಫರ್ ಬಂದಿಲ್ಲ ಎಂದು ರಣಬೀರ್ ಹೇಳಿದ್ದಾರೆ.