Dinesh Karthik: ಕ್ಯಾಪ್ಟನ್ಸ್​ ಬರ್ತಾರೆ-ಹೋಗ್ತಾರೆ! ಆದ್ರೆ ಡಿಕೆ ಸಾಬ್​​ ಹಂಗಲ್ಲ, 39ರಲ್ಲೂ ಟೀಂ ಇಂಡಿಯಾದಲ್ಲೇ ಇದ್ದಾರೆ

ದಿನೇಶ್ ಕಾರ್ತಿಕ್ ಎಂಬುದು ಇದೀಗ ಪ್ರತಿಯೊಬ್ಬ ಭಾರತೀಯ ಕ್ರಿಕೆಟ್ ಅಭಿಮಾನಿಗಳ ಬಾಯಲ್ಲಿ ಹರಿದಾಡುತ್ತಿರುವ ಹೆಸರು. ಪಂದ್ಯ ನಡೆಯುವ ವೇಳೆ ಕ್ರೀಡಾಂಗಣದಲ್ಲಿ ಡಿಕೆ ಡಿಕೆ ಡಿಕೆ ಎಂದು ಕೂಗುತ್ತಾ ತನ್ನ ನೆಚ್ಚಿನ ಆಟಗಾರರನ್ನು ಹುರಿದುಂಬಿಸುತ್ತಾರೆ.

ಸಚಿನ್ .. ಧೋನಿ .. ಕೊಹ್ಲಿ ನಂತರ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವವರು ದಿನೇಶ್ ಕಾರ್ತಿಕ್. ಅದೂ ಒಂದೇ ವರ್ಷದಲ್ಲಿ. ಐಪಿಎಲ್ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ದಿನೇಶ್ ಕಾರ್ತಿಕ್ ಅವರನ್ನು ಖರೀದಿ ಮಾಡಿತ್ತು. ಎಲ್ಲರೂ ಈ ನಿರ್ಧಾರವನ್ನು ಟೀಕೆ ಮಾಡಿದ್ದರು. ಆದರೆ ದಿನೇಶ್​ ಕಾರ್ತಿಕ್​ ತಮ್ಮ ಬ್ಯಾಟ್ ಮೂಲಕ ಎಲ್ಲರಿಗೂ ಉತ್ತರ ನೀಡಿದ್ದರು.

ಐಪಿಎಲ್​ ಸೀಸನ್​ 15 ಡಿಕೆಗೆ ತುಂಬಾ ವಿಶೇಷ ಎಂದರೆ ತಪ್ಪಾಗಲ್ಲ. ಅದರಲ್ಲೂ ಈ ಸೀಸನ್​ ಮುಗಿದ ಬಳಿಕ 37 ನೇ ವಯಸ್ಸಿನಲ್ಲಿ ಟೀಂ ಇಂಡಿಯಾಕ್ಕೆ ಡಿಕೆ ಮರಳಿದರು. ಟೀಂ ಇಂಡಿಯಾದಲ್ಲೂ ಅಬ್ಬರಿಸಿ ಬೊಬ್ಬರಿದಿದ್ದಾರೆ.

ಆದರೆ ದಿನೇಶ್ ಕಾರ್ತಿಕ್ ಬಗ್ಗೆ ಯಾರಿಗೂ ಗೊತ್ತಿಲ್ಲದ ಒಂದು ಕುತೂಹಲಕಾರಿ ವಿಷಯವಿದೆ. 2004ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದ ಕಾರ್ತಿಕ್ ಈ ವರ್ಷ 18ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಈ ಕ್ರಮದಲ್ಲಿ ಅವರು ವಿಶೇಷತೆಯನ್ನು ಸಾಧಿಸಿದರು.

ಕಾರ್ತಿಕ್ ಅವರ ವೃತ್ತಿ ಜೀವನದಲ್ಲಿ ಒಂದಲ್ಲ.. ಎರಡಲ್ಲ 11 ನಾಯಕರ ಅಡಿಯಲ್ಲಿ ಆಡಿದ್ದು ವಿಶೇಷ. ಟೀಂ ಇಂಡಿಯಾಗೆ ನಾಯಕರು ಬದಲಾಗುತ್ತಿದ್ದಾರೆಯೇ ಹೊರತು.. ಕಾರ್ತಿಕ್ ಆಡುತ್ತಲೇ ಇದ್ದಾರೆ.

ಗಂಗೂಲಿ ನಾಯಕತ್ವದಲ್ಲಿ ದಿನೇಶ್ ಕಾರ್ತಿಕ್ ಟೀಂ ಇಂಡಿಯಾಗೆ ಪದಾರ್ಪಣೆ ಮಾಡಿದರು. ಅವರ ನಂತರ ರಾಹುಲ್ ದ್ರಾವಿಡ್, ವೀರೇಂದ್ರ ಸೆಹ್ವಾಗ್, ಧೋನಿ, ಅನಿಲ್ ಕುಂಬ್ಳೆ, ಸುರೇಶ್ ರೈನಾ, ಅಜಿಂಕ್ಯ ರಹಾನೆ, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ರಿಷಬ್ ಪಂತ್ ನಾಯಕತ್ವದಲ್ಲೂ ದಿನೇಶ್​ ಕಾರ್ತಿಕ್​ ಆಡಿದ್ದಾರೆ.

ಅದರೊಂದಿಗೆ ಕಾರ್ತಿಕ್ ಇದುವರೆಗೆ 11 ನಾಯಕರ ಅಡಿಯಲ್ಲಿ ಆಡುತ್ತಿದ್ದಾರೆ. ಐರ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಕಾರ್ತಿಕ್ ಕೂಡ ಹಾರ್ದಿಕ್ ಪಾಂಡ್ಯ ನಾಯಕತ್ವದಲ್ಲಿ ಆಡುತ್ತಿದ್ದು, ನಾಯಕರ ಸಂಖ್ಯೆ 12 ಸಮೀಪಿಸುತ್ತಿದೆ