IPL 2023: ಜಡೇಜಾ ಔಟ್​ ಆದ್ರೆ ಖುಷಿ ಪಡ್ತಿದ್ದಾರೆ CSK ಫ್ಯಾನ್ಸ್! ಆದ್ರೆ ಧೋನಿಯ ಅದೊಂದು ವಿಚಾರದಲ್ಲಿ ಬೇಸರಗೊಂಡ ಅಭಿಮಾನಿಗಳು!

ಮಹೇಂದ್ರ ಸಿಂಗ್ ಧೋನಿ (MS Dhoni) ಕ್ರಿಕೆಟ್ ಇತಿಹಾಸದಲ್ಲಿ ಶ್ರೇಷ್ಠ ಫಿನಿಶರ್ ಎಂದು ಕರೆಯಲಾಗುತ್ತದೆ. 2011ರ ODI ವಿಶ್ವಕಪ್‌ನ ಫೈನಲ್‌ನಲ್ಲಿ ಧೋನಿ ಉತ್ತಮವಾಗಿ ಆಡುವ ಮೂಲಕ 28 ವರ್ಷಗಳ ಬಳಿಕ ಭಾರತ ತಂಢಕ್ಕೆ ವಿಶ್ವಕಪ್​ ಗೆಲ್ಲುವಂತೆ ಮಾಡಿದರು.

ಈಗಾಗಲೇ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಹೇಳಿರುವ ಎಂಎಸ್ ಧೋನಿ ಸದ್ಯ ಐಪಿಎಲ್ ನಲ್ಲಿ ಮಾತ್ರ ಆಡುತ್ತಿದ್ದಾರೆ. ಧೋನಿಗೆ ಈ ಐಪಿಎಲ್ ಕೊನೆಯದು ಎಂಬ ಮಾತುಗಳೂ ಕೇಳಿಬರುತ್ತಿದೆ.

ಈ ಕ್ರಮದಲ್ಲಿ ಐಪಿಎಲ್ 2023 ವಿಶೇಷ ಗಮನ ಸೆಳೆಯುತ್ತಿದೆ. 41ರ ಹರೆಯದಲ್ಲೂ ಧೋನಿ ಪ್ರದರ್ಶನ ನೀಡುತ್ತಿದ್ದಾರೆ. ನಾಯಕನಾಗಿ, ವಿಕೆಟ್ ಕೀಪರ್ ಆಗಿ, ಬ್ಯಾಟರ್ ಆಗಿ ಮಿಂಚುತ್ತಿದ್ದಾರೆ. ಆದರೆ ಧೋನಿ ಅಭಿಮಾನಿಗಳು ಒಂದೇ ಒಂದು ವಿಷಯದಿಂದ ತೃಪ್ತರಾಗಿಲ್ಲ.

ಧೋನಿ ಬ್ಯಾಟಿಂಗ್ ಕ್ರಮಾಂಕದಿಂದ ಅಭಿಮಾನಿಗಳು ಸಂತಸಗೊಂಡಿಲ್ಲ. ಧೋನಿ 7ನೇ ಅಥವಾ 8ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಮಾಡಲು ಬರುತ್ತಿದ್ದಾರೆ. ಈ ಋತುವಿನಲ್ಲಿ ಇದುವರೆಗೆ 5 ಇನ್ನಿಂಗ್ಸ್‌ಗಳಲ್ಲಿ ಮಾತ್ರ ಧೋನಿ ಬ್ಯಾಟಿಂಗ್ ಮಾಡಿದ್ದಾರೆ. 61ರ ಸರಾಸರಿಯಲ್ಲಿ.. 196.77 ಸ್ಟ್ರೈಕ್ ರೇಟ್‌ನೊಂದಿಗೆ 61 ರನ್ ಗಳಿಸಿದ್ದಾರೆ.

ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಒಂದು ಪಂದ್ಯ (ಮೊದಲ ಪಂದ್ಯ) ಹೊರತುಪಡಿಸಿ ಉಳಿದ ಪಂದ್ಯಗಳಲ್ಲಿ ಧೋನಿ ಕೊನೆಯ ಓವರ್‌ನಲ್ಲಿ ಮೈದಾನಕ್ಕಿಳಿದರು. ಆದಾಗ್ಯೂ, ಚೆನ್ನೈನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ, ಅವರು ಬ್ಯಾಟಿಂಗ್ ಕ್ರಮಾಂಕದಲ್ಲಿ ಸ್ವಲ್ಪ ಮುಂಚಿತವಾಗಿ ಬಂದರು ಮತ್ತು 17 ಎಸೆತಗಳಲ್ಲಿ 32 ರನ್ಗಳೊಂದಿಗೆ ಅಜೇಯರಾಗಿ ಉಳಿದಿದ್ದರು.

ರಾಜಸ್ಥಾನ ರಾಯಲ್ಸ್ ವಿರುದ್ಧದ ಎರಡನೇ ಪಂದ್ಯದಲ್ಲಿ ಚೆನ್ನೈ ಒಂದು ಹಂತದಲ್ಲಿ 31 ಎಸೆತಗಳಲ್ಲಿ 79 ರನ್ ಗಳಿಸಬೇಕಿತ್ತು. ಮೊಯಿನ್ ಅಲಿ 14.5 ಓವರ್‌ಗಳಲ್ಲಿ ಔಟಾದರು. ಧೋನಿ ಬರುತ್ತಾರೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ ಧೋನಿ ಬದಲಿಗೆ ರವೀಂದ್ರ ಜಡೇಜಾ ಬಂದರು.

ಆದರೆ ಜಡೇಜಾ ಉತ್ತಮ ಬ್ಯಾಟಿಂಗ್​ ಮಾಡುವಲ್ಲಿ ವಿಫಲರಾದರು. ಶಿವಂ ದುಬೆ ಅವರ ಮಾತ್ರ ಭರ್ಜರಿ ಬ್ಯಾಟಿಂಗ್​ ಮಾಡಿದರು. ಜಡೇಜಾ ಬದಲು ಧೋನಿ ಬ್ಯಾಟಿಂಗ್ ಗೆ ಬಂದಿದ್ದರೆ ಪರಿಸ್ಥಿತಿಯೇ ಬೇರೆಯಾಗುತ್ತಿತ್ತು ಎಂಬುದು ಅಭಿಮಾನಿಗಳ ಅಭಿಪ್ರಾಯ. ರಾಯುಡು ಹಾಗೂ ಜಡೇಜಾ ಅವರನ್ನು ಮುಂದೆ ಕಳುಹಿಸಿರುವುದು ಸರಿಯಾದ ನಿರ್ಧಾರವಲ್ಲ ಎಂಬ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.

ಧೋನಿ ಬೇಗ ಬ್ಯಾಟಿಂಗ್​ಗೆ ಬರಬೇಕೆಂದು ಅಭಿಮಾನಿಗಳು ಒತ್ತಾಯಿಸುತ್ತಿದ್ದಾರೆ. ಕೊನೆಯಲ್ಲಿ ಬ್ಯಾಟಿಂಗ್ ಮಾಡುವ ಬದಲು 4 ಅಥವಾ 5ನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡುವುದು ಉತ್ತಮ ಎಂಬುದು ಅಭಿಮಾನಿಗಳ ಅಭಿಪ್ರಾಯ. ರಾಯುಡು ಬದಲು ಧೋನಿ ಬಂದರೆ ಒಳ್ಳೆಯದು ಎಂಬ ಅಭಿಪ್ರಾಯವನ್ನು ರಾಯುಡು ವ್ಯಕ್ತಪಡಿಸುತ್ತಿದ್ದಾರೆ.

ರಾಜಸ್ಥಾನ ವಿರುದ್ಧದ ಪಂದ್ಯದಲ್ಲಿ ಅಭಿಮಾನಿಯೊಬ್ಬರು 'ಜಡ್ಡು ದಯವಿಟ್ಟು ಮೊದಲ ಎಸೆತದಲ್ಲೇ ಔಟ್ ಆಗಿ. ಧೋನಿ ಬ್ಯಾಟಿಂಗ್ ನೋಡಬೇಕು' ಎಂಬ ಫಲಕದೊಂದಿಗೆ ಕಾಣಿಸಿಕೊಂಡಿದ್ದರು. ಅಲ್ಲದೇ ಈ ಬಾರಿಯ ಸಿಎಸ್​ಕೆ ಪಂದ್ಯದಲ್ಲಿ ಜಡೇಜಾ ಔಟ್​ ಆಗುತ್ತಿದ್ದಂತೆ ಖುದ್ದು ಸಿಎಸ್​ಕೆ ಅಭಿಮಾಣಿಗಳೇ ಸಂತಸಗೊಳ್ಳುತ್ತಿದ್ದಾರೆ. ಅದಕ್ಕೆ ಒಂದೇ ಒಂದು ಕಾರಣವೆಂದರೆ ಅದು ಜಡ್ಡು ಬಳಿಕ ಧೋನಿ ಬ್ಯಾಟಿಂಗ್​ಗೆ ಬರುತ್ತಾರೆ ಎನ್ನುವುದಾಗಿದೆ.