MS Dhoni: ಸಿಎಸ್​ಕೆ ಅಭಿಮಾನಿಗಳಿಗೆ ಗುಡ್​ ನ್ಯೂಸ್! ಧೋನಿಗೆ ಸಹಾಯವಾಗುತ್ತಾ ಐಪಿಎಲ್​ ಹೊಸ ನಿಯಮ?

ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಐಪಿಎಲ್ 2023ರ ಫೈನಲ್ ತಲುಪಿದೆ. ಈ ವಾರದ ಆರಂಭದಲ್ಲಿ ಚೆನ್ನೈ ಕ್ವಾಲಿಫೈಯರ್ 1 ರಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ಅನ್ನು ಸೋಲಿಸುವ ಮೂಲಕ ಫೈನಲ್‌ಗೆ ಟಿಕೆಟ್ ಕಾಯ್ದಿರಿಸಿತು.

ಮುಂದಿನ ಸೀಸನ್‌ಗೆ ಸಾಕಷ್ಟು ಸಮಯ ಇರುವುದರಿಂದ ನಿವೃತ್ತಿಯ ಬಗ್ಗೆ ಯೋಚಿಸುತ್ತಿಲ್ಲ ಎಂದು ಮಹೇಂದ್ರ ಸಿಂಗ್ ಧೋನಿ ಹೇಳಿದ್ದಾರೆ. ತಮ್ಮ ನಿವೃತ್ತಿಯ ಪ್ರಶ್ನೆಗೆ ಧೋನಿ, "ಮುಂದಿನ ಸೀಸನ್‌ಗೆ ಸಾಕಷ್ಟು ಸಮಯವಿದೆ. ಇದರೊಂದಿಗೆ ನಿವೃತ್ತಿಯ ಬಗ್ಗೆ ನಿರ್ಧರಿಸಲು ನನಗೆ ಸಾಕಷ್ಟು ಸಮಯವಿದೆ. ನನಗೆ ನಿರ್ಧರಿಸಲು 8-9 ತಿಂಗಳುಗಳಿವೆ ಎಂದಿದ್ದಾರೆ.

ಮಹೇಂದ್ರ ಸಿಂಗ್ ತಮ್ಮ ನಿವೃತ್ತಿಯ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಆದರೆ ಅವರ ಹಳೆಯ ಸಹ ಆಟಗಾರ, ಹೊಸ CSK ಬೌಲಿಂಗ್ ಕೋಚ್ ಡ್ವೇನ್ ಬ್ರಾವೋ ಪ್ರಮುಖ ಕಾಮೆಂಟ್ ಮಾಡಿದ್ದಾರೆ. ಧೋನಿ ಆಟ ಇನ್ನೂ ಮುಗಿದಿಲ್ಲ ಎಂದು ಪ್ರತಿಕ್ರಿಯಿಸಿದ ಅವರು ಮುಂದಿನ ವರ್ಷ ಖಂಡಿತವಾಗಿಯೂ ಕಣಕ್ಕಿಳಿಯಲಿದ್ದಾರೆ ಎಂಬ ಸೂಚನೆ ನೀಡಿದ್ದಾರೆ.

ಮುಂದಿನ ಋತುವಿನಲ್ಲಿ ನೂರು ಪ್ರತಿಶತ ಧೋನಿ ಇರುತ್ತಾರೆ. ಇಂಪ್ಯಾಕ್ಟ್ ಪ್ಲೇಯರ್​ ನಿಯಮ ಧೋನಿಗೆ ಉಪಯೋಗಕ್ಕೆ ಬರಲಿದೆ. ಇದು ಅವರ ವೃತ್ತಿಜೀವನವನ್ನು ಮುಂದುವರಿಸುತ್ತದೆ ಎಂದಿದ್ದಾರೆ.

ಇನ್ನು ಅವರು ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಶಿವಂ ದುಬೆ, ಕಾನ್ವೇ, ರುತುರಾಜ್ ಗಾಯಕ್ವಾಡ್ ಪ್ರದರ್ಶನದೊಂದಿಗೆ ಧೋನಿ ಅಗತ್ಯವಿಲ್ಲ, ಆದರೆ ತಂಡವು ಒತ್ತಡದಲ್ಲಿದ್ದಾಗ ಧೋನಿ ಅವಶ್ಯಕತೆ ಬೇಕಾಗುತ್ತದೆ. ಧೋನಿ ಇಂಫ್ಯಾಕ್ಟ್ ಪ್ಲೇಯರ್​ ನಿಯಮದೊಂದಿಗೆ ಮುಂದಿನ ಋತುವಿನಲ್ಲಿ ಕಣಕ್ಕೆ ಇಳಿಯಬಹುದು ಎಂದಿದ್ದಾರೆ.

ಡ್ವೇನ್ ಬ್ರಾವೋ ಅವರ ಈ ಹೇಳಿಕೆ ಐಪಿಎಲ್​ನಲ್ಲಿ ಹೊಸ ಸಂಚಲನ ಮೂಡಿಸಿದ್ದು, ಧೋನಿ ಅಭಿಮಾನಿಗಳಿಗೆ ಸಂತಸ ತಂದಿದೆ.

ಬ್ರಾವೋ ಹೇಳಿದ್ದು ನೂರಕ್ಕೆ ನೂರು ಸರಿ. ಇಂಪ್ಯಾಕ್ಟ್​ ಪ್ಲೇಯರ್ ನಿಯಮದಿಂದ ಧೋನಿ ಅಗತ್ಯ ಬಿದ್ದಾಗ ಕಣಕ್ಕೆ ಇಳಿಯುತ್ತಾರೆ.. ಉಳಿದ ಸಮಯದಲ್ಲಿ ವಿಶ್ರಾಂತಿ ಪಡೆಯುತ್ತಾರೆ ಎಂಬುದು ಅವರ ಅಭಿಪ್ರಾಯ. ಇದರೊಂದಿಗೆ ಧೋನಿ ಫಿಟ್ ಆಗಿರುವುದು ಮುಖ್ಯವಾಗುತ್ತದೆ.