Cristiano Ronaldo: ನೀವು ತುಂಬಾ ಚೆನ್ನಾಗಿ ಅಡುಗೆ ಮಾಡ್ತೀರಾ? ಹಾಗಿದ್ರೆ ನಾಲ್ಕೂವರೆ ಲಕ್ಷ ಸಂಬಳ, ಓಡಾಡೋದಕ್ಕೆ ಕಾರು, ವಾಸಕ್ಕೆ ಬಂಗ್ಲೆ ಸಿಗುತ್ತೆ!

ನಿಮಗೆ ಅಂತರಾಷ್ಟ್ರೀಯ ಗುಣಮಟ್ಟದ ಅಡುಗೆಗಳನ್ನು ಮಾಡಲು ಬರುತ್ತದೆಯೇ? ಹಾಗಿದ್ರೆ ನೀವು ಇಲ್ಲಿ ಕೆಲಸಕ್ಕೆ ಅರ್ಜಿ ಸಲ್ಲಿಸಬಹುದು. ಹೌದು, ಫುಟ್ಬಾಲ್​ ಲೋಕದ ದಿಗ್ಗಜ ಆಟಗಾರ ಪೋರ್ಚುಗಲ್‌ನ ಕ್ರಿಸ್ಟಿಯಾನೋ ರೊನಾಲ್ಡೊ ಅವರು ತನ್ನ ಮನೆಗೆ ಬಾಣಸಿಗನನ್ನು ಹುಡುತ್ತಿದ್ದಾರಂತೆ.

ಹೌದು, ರೊನಾಲ್ಡೊ ಫಿಫಾ ವಿಶ್ವಕಪ್​ 2022 ಬಳಿಕ ಸೌದಿ ಅರೇಬಿಯಾದ ಅಲ್ ನಾಸ್ರ್ ಕ್ಲಬ್​ ಪರವಾಗಿ ಇನ್ಮುಂದೆ ಫುಟ್ಬಾಲ್​ ಆಡಲಿದ್ದಾರೆ. ಇದಕ್ಕಾಗಿ ಅವರು 2 ವರ್ಷದ ಒಪ್ಪದಂದ ಮಾಡಿಕೊಂಡಿದ್ದು, ಬರೋಬ್ಬರಿ 45000 ಕೋಟಿ ಸಂಬಳವನ್ನು ಪಡೆಯುತ್ತಿದ್ದಾರೆ. ಇದೂ ಸಹ ಕಳೆದ ತಿಂಗಳು ಸಖತ್​ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿತ್ತು.

ಇದಾದ ಬಳಿಕ ಮತ್ತೆ ರೊನಾಲ್ಡೊ ತಮ್ಮ ಕುಟುಂಬದೊಂದಿಗೆ ಸೌದಿಯ ಪಾರ್ಕ್​ಗೆ ತೆರಳುವ ಸಲುವಾಗಿ ಸೌದಿ 2 ಗಂಟೆಗಳ ಕಾಲ ಆ ಒಂದು ಪಾರ್ಕ್​ನ್ನು ಸಾವರ್ಜನಿಕರಿಂದ ಮುಕ್ತಗೊಳಿಸಿತ್ತು. ಇದೂ ಸಹ ದೊಡ್ಡಮಟ್ಟದಲ್ಲಿ ಚರ್ಚೆಗೆ ಕಾರಣವಾಗಿತ್ತು. ಇದಿಗ ಅದೇ ರೀತಿ ಮತ್ತೊಮ್ಮೆ ರೊನಾಲ್ಡೊ ಸುದ್ದಿಯಲ್ಲಿದ್ದಾರೆ. ಅದೂ ಸಹ ಅಡುಗೆಯ ವಿಷಯದಲ್ಲಿ.

ಈ ಬಾರಿ ರೊನಾಲ್ಡೊಗೆ ಓರ್ವ ಬಾಣಸಿಗ ಬೇಕಾಗಿದ್ದಾರಂತೆ. ಅದಕ್ಕಾಗಿ ಅವರು ಅಡುಗೆ ಮಾಡುವವರನ್ನು ಹುಡುಕುತ್ತಿದ್ದಾರಂತೆ. ಆದರೆ ಅವರಿಗೆ ಬೇಕಾದ ರೀತಿಯ ಬಾಣಸಿಗರು ಸಿಗುತ್ತಿಲ್ಲವಂತೆ. ಆದರೆ ಆಯ್ಕೆ ಆದವರಿಗೆ ಲಕ್ಷಗಟ್ಟಲೇ ಸಂಬಳವಿದೆ ಎಂಬುದೇ ಚರ್ಚೆಯ ವಿಚಾರವಾಗಿದೆ.

ರೊನಾಲ್ಡೊ ಅವರಿಗೆ ಬಾಣಸಿಗರಾಗಿ ಹೋಗುವವರಿಗೆ ತಿಂಗಳಿಗೆ 4500 ಪೌಂಡ್ (ಭಾರತೀಯ ರೂಪಾಯಿಯಲ್ಲಿ ಸುಮಾರು 4.5 ಲಕ್ಷ ರೂ.) ಸಂಬಳ ನೀಡಲಾಗುತ್ತದೆಯಂತೆ. ಅಲ್ಲದೇ ಅವರಿಗೆ ಎಲ್ಲಾ ರೀತಿಯ ಸೌಕರ್ಯಗಳನ್ನೂ ನೀಡಲಾಗುತ್ತದೆಯಂತೆ.

ಆದರೆ ರೊನಾಲ್ಡೊಗೆ ಬಾಣಸಿಗರಾಗಿ ಸೇರುವವರಿಗೆ ಕೆಲ ಷರತ್ತುಗಳೂ ಸಹ ಇದೆ. ಅವುಗಳೆಂದರೆ, ಮುಖ್ಯವಾಗಿ ಅವರಿಗೆ ಪೋರ್ಚುಗೀಸ್ ಆಹಾರ ತಯಾರಿಸಲು ಬರಬೇಕಂತೆ. ಜೊತೆಗೆ ಅಂತರರಾಷ್ಟ್ರೀಯ ಭಕ್ಷ್ಯಗಳನ್ನು ತಯಾರಿಸುವಲ್ಲಿ ಪರಿಣತಿ ಇರಬೇಕಂತೆ. ಇವುಗಳಿಗೆ ಒಪ್ಪಿಗೆ ಇದ್ದರೆ ನೀವೂ ಸಹ ಅರ್ಜಿ ಸಲ್ಲಿಸಬಹುದು.

ಸದ್ಯ ರೊನಾಲ್ಡೊ ಕುಟುಂಬ ಸೌದಿಯಲ್ಲಿದ್ದು, ಅವರಿಗಾಗಿ ಪೋರ್ಚುಗಲ್‌ನ ಕ್ವಿಂಟಾ ಡ ಮರಿನ್ಹಾದಲ್ಲಿ ಭವ್ಯ ಬಂಗಲೆ ನಿರ್ಮಿಸಲಾಗುತ್ತಿದ್ದು, ಇದಕ್ಕಾಗಿಯೇ ಹೊಸದಾಗಿ ಭೂಮಿಯನ್ನು ಖರೀದಿಸಲಾಗಿದೆಯಂತೆ.

ಫುಟ್ಬಾಲ್ ಸೂಪರ್ ಸ್ಟಾರ್ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಅವರ ಕುಟುಂಬದವರಿಗಾಗಿ ಸೌದಿ ಅರೇಬಿಯಾದ ರಾಜಧಾನಿ ರಿಯಾದ್ ನಲ್ಲಿರುವ ಮನರಂಜನಾ ಉದ್ಯಾನವನವನ್ನು ಎರಡು ಗಂಟೆಗಳ ಕಾಲ ಮುಚ್ಚಲಾಗಿತ್ತು ಎಂದು ಸ್ಥಳೀಯ ವರದಿಗಳು ತಿಳಿಸಿವೆ.