Hardik Pandya: ಮಗನ ಮುಂದೆ ಪ್ರೇಮಿಗಳ ದಿನದಂದು ಮತ್ತೆ ವಿವಾಹವಾದ ಕ್ರಿಕೆಟರ್​ ಹಾರ್ದಿಕ್ ಪಾಂಡ್ಯ!

ಹಾರ್ದಿಕ್ ಪಾಂಡ್ಯ ಮೂರು ವರ್ಷಗಳ ಹಿಂದೆ 31 ಮೇ 2020 ರಂದು ಬಾಲಿವುಡ್ ನಟಿ ನತಾಶಾ ಸ್ಟಾಂಕೋವಿಕ್ ಅವರೊಂದಿಗೆ ವಿವಾಹವಾಗಿದ್ದು, ಈಗಾಗಲೇ ಒಂದು ಗಂಡು ಮಗುವಿದೆ. . ಕೊರೊನಾ ಕಾರಣದಿಂದ ಮೊದಲ ಬಾರಿ ನ್ಯಾಯಾಲಯದಲ್ಲಿ ಸಿಂಪಲ್ ಆಗಿ ಮದುವೆ ಮಾಡಿಕೊಂಡಿದ್ದರು, ಇದೀಗ ಪ್ರೇಮಿಗಳ ದಿನ ಮತ್ತೊಮ್ಮೆ ತಮ್ಮ ಮಗನ ಮುಂದೆ ಅದ್ದೂರಿಯಾಗಿ ವಿವಾಹವಾಗಿದ್ದಾರೆ.

ಭಾರತದ ಆಲ್ ರೌಂಡರ್ ಮತ್ತು T20 ತಂಡದ ನಾಯಕ ಹಾರ್ದಿಕ್ ಫೆಬ್ರವರಿ 14. 2023 ರಂದು ಮತ್ತೊಮ್ಮೆ ವಿವಾಹವಾಗಿದ್ದಾರೆ. ಈ ಬಾರಿ ಉದಯಪುರದಲ್ಲಿ ಸಕಲ ವಿಧಿವಿಧಾನಗಳೊಂದಿಗೆ ಮದುವೆ ನಡೆದಿದೆ. ಮದುವೆಯ ಚಿತ್ರಗಳನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ಸ್ಟಾರ್ ಕ್ರಿಕೆಟರ್, 3 ವರ್ಷಗಳ ಹಿಂದೆ ನಾವು ಮಾಡಿದ ಭರವಸೆಯನ್ನು ಪುನರಾವರ್ತಿಸಿ, ಈ ಪ್ರೀತಿಯ ದ್ವೀಪದಲ್ಲಿ ಪ್ರೇಮಿಗಳ ದಿನವನ್ನು ಆಚರಿಸಿದ್ದೇವೆ. ಈ ವಿಶೇಷ ಸಂದರ್ಭವನ್ನು ನಮ್ಮೊಂದಿಗೆ ಆಚರಿಸಲು ಕುಟುಂಬ ಮತ್ತು ಸ್ನೇಹಿತರನ್ನು ಭಾಗವಹಿಸಿ ನಮ್ಮ ಆಶೀರ್ವದಿಸಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.

ನತಾಶಾರನ್ನು ಮೊದಲು ನೈಟ್ ಕ್ಲಬ್‌ನಲ್ಲಿ ಭೇಟಿಯಾಗಿದ್ದಾಗಿ ಹಾರ್ದಿಕ್ ಪಾಂಡ್ಯ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಆ ಸಮಯದಲ್ಲಿ ಹಾರ್ದಿಕ್ ಭಾರತ ತಂಡದಲ್ಲಿ ಆಡುತ್ತಾರೆ ಎಂಬುದು ಅವರ ನತಾಶಾಗೆ ತಿಳಿದಿರಲಿಲ್ಲ. ಹಾರ್ದಿಕ್ ಜನವರಿ 1, 2020 ರಂದು ನತಾಶಾ ಅವರನ್ನು ಸಮುದ್ರದ ಮಧ್ಯದಲ್ಲಿ ಪ್ರಪೋಸ್​ ಮಾಡಿದ್ದರು.

ಹಾರ್ದಿಕ್ ಪಾಂಡ್ಯ ಮತ್ತು ನತಾಶಾ ಸ್ಟಾಂಕೋವಿಕ್ ಅವರ 2ನೇ ವಿವಾಹ ಉದಯಪುರದಲ್ಲಿ ಕ್ರಿಶ್ಚಿಯನ್ ಸಂಪ್ರದಾಯದ ಪ್ರಕಾರ  ನೆರೆವೇರಿದೆ. ಈ ಬಾರಿ ಸ್ನೇಹಿತರು, ಎರಡೂ ಕಡೆಯ ಬಂಧು ಬಾಂಧವರು ಕೂಡ  ವಿವಾಹಕ್ಕೆ ಆಗಮಿಸಿದ್ದರು.

ಹಾರ್ದಿಕ್ ಪಾಂಡ್ಯ ಮತ್ತು ನತಾಶಾ ಸ್ಟಾಂಕೋವಿಕ್ ದಂಪತಿಗೆ ಒಬ್ಬ ಮುದ್ದಾದ ಮಗನನ್ನು ಹೊಂದಿದ್ದಾನೆ.  ಜುಲೈ 30, 2020 ರಂದು ಜನಿಸಿದ ಮಗನಿಗೆ ಅಗಸ್ತ್ಯ ಎಂದು ಹೆಸರಿಸಿಟ್ಟಿದ್ದಾರೆ. ವಿಶೇಷವೆಂದರೆ ಪೋಷಕರ ಎರಡನೇ ಮದುವೆಯಲ್ಲಿ 3 ವರ್ಷದ ಅಗಸ್ತ್ಯ ಮೋಜು ಮಸ್ತಿ ಮಾಡಿದ್ದಾನೆ. ಹಾರ್ದಿಕ್ ಪಾಂಡ್ಯ ಹಂಚಿಕೊಂಡ ಮದುವೆಯ ಚಿತ್ರಗಳಲ್ಲಿ ಮಗನ ಫೋಟೋಗಳು ಕೂಡ ಇವೆ.

ಹಾರ್ದಿಕ್ ಪಾಂಡ್ಯ ಮತ್ತು ನತಾಶಾ ಸ್ಟಾಂಕೋವಿಕ್ ಉದಯಪುರದಲ್ಲಿ ಕ್ರಿಶ್ಚಿಯನ್ ಸಂಪ್ರದಾಯದ ಪ್ರಕಾರ ವಿವಾಹವಾಗಿದ್ದಾರೆ. ಪೂರ್ಣಗೊಳಿಸಿದ್ದಾರೆ. ಪತ್ನಿ ನತಾಶಾ ಬಿಳಿ ಮದುವೆಯ ಗೌನ್‌ನಲ್ಲಿ ಕಾಣಿಸಿಕೊಂಡರೆ, ಹಾರ್ದಿಕ್ ಪಾಂಡ್ಯ ನೀಲಿಬಣ್ಣದ ಸೂಟ್‌ ಧರಿಸಿ ಮಿಂಚಿದರು.

ನಟಿ ಸ್ಯಾಂಕೋವಿಕ್​ ಕುಟುಂಬವು ಸರ್ಬಿಯಾದದಿಂದ ಆಗಮಿಸಿದ್ದರು. ನತಾಶಾ ಕ್ರಿಶ್ಚಿಯನ್ ಸಂಪ್ರಾದಯದಂತೆ ಮಗಳನ್ನು ವಿವಾಹ ಕಾರ್ಯಕ್ರಮಕ್ಕೆ ಕರೆತರುವ ಫೋಟೋ ಕೂಡ ವೈರಲ್ ಆಗುತ್ತಿದೆ.

ಹಾರ್ದಿಕ್ ಪಾಂಡ್ಯ ಮತ್ತು ನತಾಶಾ ಸ್ಟಾಂಕೋವಿಕ್ ಜೈಸಮಂದ್ ರೆಸಾರ್ಟ್ ಹೋಟೆಲ್‌ನಲ್ಲಿ ವಿವಾಹವಾಗಿದ್ದಾರೆ. ವಿರಾಟ್ ಕೊಹ್ಲಿ, ಅನುಷ್ಕಾ ಶರ್ಮಾ, ಕೆಎಲ್ ರಾಹುಲ್ ಮತ್ತು ಅಥಿಯಾ ಶೆಟ್ಟಿ ಈ ವಿವಾಹ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಹಾರ್ದಿಕ್​ ಕಡೆಯವರು ಗಾಢ ನೀಲಿ ಬಣ್ಣದ ಸೂಟ್‌ಗಳನ್ನು ಧರಿಸಿದ್ದರೆ, ಸ್ಟ್ಯಾಂಕೋವಿಕ್​ ಕಡೆಯವರು ಮಸುಕಾದ ಗುಲಾಬಿ ಬಣ್ಣದ ಉಡುಗೆಯಲ್ಲಿ ಮಿಂಚಿದ್ದರು.

ದೀರ್ಘ ಕಾಲದ ಬೆನ್ನು ನೋವಿನ ಸಮಸ್ಯೆ ಎದುರಿಸಿದ್ದ ಹಾರ್ದಿಕ್‌ ಪಾಂಡ್ಯ ಸರ್ಜರಿಗೆ ಒಳಗಾಗಿ ಸ್ವಲ್ಪ ಕಾಲ ಕ್ರಿಕೆಟ್‌ನಿಂದ ದೂರ ಉಳಿದಿದ್ದರು. ನಂತರ ಐಪಿಎಲ್‌ 2022 ಟೂರ್ನಿಯಲ್ಲಿ ಗುಜರಾತ್‌ ಟೈಟನ್ಸ್‌ ತಂಡಕ್ಕೆ ನಾಯಕನಾಗಿ ಟ್ರೋಫಿ ಗೆದ್ದುಕೊಟ್ಟು ಭರ್ಜರಿ ಕಮ್‌ಬ್ಯಾಕ್‌ ಮಾಡಿದ್ದರು. ಇದೀಗ ಭಾರತ ಟಿ20 ತಂಡದ ಕ್ಯಾಪ್ಟನ್‌ ಆಗಿಯೂ ಆಯ್ಕೆಯಾಗಿ ಮಿಂಚುತ್ತಿದ್ದಾರೆ. ಭಾರತ ತಂಡ ಆಸ್ಟ್ರೇಲಿಯಾ ಎದುರು ಟೆಸ್ಟ್‌ ಕ್ರಿಕೆಟ್‌ ಸರಣಿಯನ್ನು ಆಡುತ್ತಿದೆ. ಟೆಸ್ಟ್‌ ಕ್ರಿಕೆಟ್‌ ತಂಡದಿಂದ ಹೊರಬಿದ್ದಿರುವ ಹಾರ್ದಿಕ್‌, ಬಿಡುವಿನ ಸಮಯದಲ್ಲಿ ಪ್ರೇಮಿಗಳ ದಿನಾಚರಣೆಯ ದಿನದಂದು ಅದ್ಧೂರಿ ವಿವಾಹವಾಗಿದ್ದಾರೆ.