Yuzvendra Chahal: ಚಹಾಲ್ ಮೈಚಳಿ ಬಿಡಿಸಿದ ಗೇಲ್; ಸಾಮಾಜಿಕ ತಾಣಗಳಲ್ಲಿ ಬ್ಲಾಕ್ ಮಾಡುತ್ತೇನೆ ಎಂದ ಯೂನಿವರ್ಸಲ್ ಬಾಸ್!

ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡದ ದೈತ್ಯ ಬ್ಯಾಟ್ಸ್​ಮನ್​​ ಯೂನಿವರ್ಸಲ್ ಬಾಸ್ ಕ್ರಿಸ್ ಗೇಲ್ ಯುಜುವೇಂದ್ರ ಚಹಾಲ್ ಕಿರಿಕಿರಿ ಇಂದ ಬೇಸತ್ತು ಹೋಗಿದ್ದಾರಂತೆ. ಇದೇ ಕಾರಣಕ್ಕೆ ಚಹಾಲ್​ರನ್ನು ನಾನು ಎಲ್ಲ ಸಾಮಾಜಿಕ ತಾಣಗಳಲ್ಲಿ ಬ್ಲಾಕ್ ಮಾಡುತ್ತೇನೆ ಎಂದು ಹೇಳಿದ್ದಾರೆ.

ಸದ್ಯ ಕೊರೋನಾ ವೈರಸ್ ಲಾಕ್​ಡೌನ್​ ಸಮಯದಲ್ಲಿ ಯಜುವೇಂದ್ರ ಚಹಾಲ್ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಆ್ಯಕ್ಟಿವ್ ಆಗಿದ್ದಾರೆ. ಟ್ವಿಟ್ಟರ್, ಇನ್​ಸ್ಟಾಗ್ರಾಂ ಹಾಗೂ ಟಿಕ್​ಟಾಕ್​ನಲ್ಲಿ ಕಾಲೆಳೆಯುತ್ತಾ ಹಾಸ್ಯವನ್ನು ಮಾಡುತ್ತಾ ಅಭಿಮಾನಿಗಳಿಗೆ ಮನರಂಜನೆ ನೀಡುತ್ತಿದ್ದಾರೆ.

ಆದರೆ, ಚಹಾಲ್​ಗೆ ಇದುವೇ ಮುಳುವಾಗಿದೆ. ಚಹಾಲ್ ಹೈಪರ್ ಆ್ಯಕ್ಟಿವ್ ಬಗ್ಗೆ ಕ್ರಿಸ್ ಗೇಲ್ ಮಾತನಾಡಿದ್ದು, ನಾನು ಬೇಸತ್ತು ಹೋಗಿದ್ದೇನೆ ಎಂದಿದ್ದಾರೆ.

ಇನ್​ಸ್ಟಾಗ್ರಾಂ ಲೈವ್​ನಲ್ಲಿ ಮಾತನಾಡಿರುವ ಕ್ರಿಸ್ ಗೇಲ್, ಸಾಮಾಜಿಕ ಜಾಲತಾಣದಲ್ಲಿ ನೀನು ತುಂಬಾ ಕಿರಿಕಿರಿ ಮಾಡುತ್ತಿದ್ದೀಯಾ, ಹಾಗಾಗಿ ನಿಮ್ಮನ್ನು ಬ್ಲಾಕ್ ಮಾಡುತ್ತಿದ್ದೇನೆ ಎಂದು ನೇರವಾಗಿ ಹೇಳಿದ್ದಾರೆ.

ಟಿಕ್​ಟಾಕ್​ ಸಂಸ್ಥೆಗೆ ನಾನು ಹೇಳುತ್ತಿದ್ದೇನೆ, ಅವರು ನಿನ್ನನ್ನು ಬ್ಲಾಕ್ ಮಾಡಲಿ. ಈ ಕ್ಷಣವೇ ನೀನು ಸಾಮಾಜಿಕ ಜಾಲತಾಣದಿಂದ ಆಚೆ ಬರಬೇಕು, ನಿಮ್ಮಿಂದ ನಾವು ಬೇಸತ್ತು ಹೋಗಿದ್ದೇವೆ ಎಂದು ಗೇಲ್ ಅಳಲು ತೋಡಿಕೊಂಡಿದ್ದಾರೆ.

ಚಹಾಲ್​ನನ್ನು ಸಹಿಸಲು ನನ್ನಿಂದ ಸಾಧ್ಯವಿಲ್ಲ, ನಾನು ನನ್ನ ಜೀವನದಲ್ಲಿ ನಿನ್ನನ್ನು ನೋಡಲು ಇಷ್ಟಪಡುವುದಿಲ್ಲ, ನಿನ್ನನ್ನು ಬ್ಲಾಕ್ ಮಾಡುತ್ತೇನೆ' ಎಂದು ಕ್ರಿಸ್ ಗೇಲ್ ತಮಾಷೆಯಾಗಿ ಹೇಳಿದ್ದಾರೆ.

ಎದುರಾಳಿ ತಂಡದ ಆಟಗಾರರ ಜೊತೆಯೂ ಸದಾ ಖುಷಿಯಿಂದ ಇರುವ ಚಹಾಲ್ ಎಲ್ಲರ ಅಚ್ಚುಮೆಚ್ಚಿನ ಆಟಗಾರನಾಗಿದ್ದಾರೆ.

ಇತ್ತೀಚೆಗಷ್ಟೆ ದಕ್ಷಿಣ ಆಫ್ರಿಕಾದ ಆಟಗಾರ ಎಬಿ ಡಿವಿಲಿಯರ್ಸ್ ಅವರೊಂದಿಗಿನ ಸಂವಾದದಲ್ಲಿ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಕೂಡ ಚಾಹಲ್ ವಿಡಿಯೊಗಳ ಬಗ್ಗೆ ಮಾತನಾಡಿದ್ದರು.

ಟಿಕ್​ಟಾಕ್​ನಲ್ಲಿ ಚಾಹಲ್ ವಿಡಿಯೊ ನೋಡಿ. ಶುದ್ಧ ಕೊಡಂಗಿಯಂತೆ ಆಡುತ್ತಾನೆ. 29 ವರ್ಷದ ಚಾಹಲ್, ಅಂತರರಾಷ್ಟ್ರೀಯ ಕ್ರಿಕೆಟಿಗ ಎಂಬುದನ್ನು ನಂಬಲಾಗುವುದಿಲ್ಲ ಎಂದು ಕೊಹ್ಲಿ ಹೇಳಿದ್ದರು.