ಸ್ಟೀವ್ ಸ್ಮಿತ್​ಗಿಂತ ಪಾಕ್ ಬ್ಯಾಟ್ಸ್​ಮನ್ ಉತ್ತಮ ಆಟಗಾರ ಎಂದ ಚಾಹಲ್

ಲಾಕ್​ಡೌನ್ ಹಿನ್ನೆಲೆಯಲ್ಲಿ ಟೀಮ್ ಇಂಡಿಯಾ ಆಟಗಾರರು ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದರಲ್ಲೂ ರಾಯಲ್ ಚಾಲೆಂಜರ್ಸ್ ತಂಡದ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ತುಸು ಜಾಸ್ತಿನೇ ಸಾಮಾಜಿಕ ಜಾಲತಾಣದಲ್ಲಿ ಆ್ಯಕ್ಟೀವ್ ಆಗಿರುತ್ತಾರೆ.

ಹೀಗೆ ನಡೆದ ಇನ್​ಸ್ಟಾಗ್ರಾಮ್ ಚಾಟ್​ನಲ್ಲಿ ಚಾಹಲ್ ತಾವು ಎದುರಿಸಿ ಉತ್ತಮ ಬ್ಯಾಟ್ಸ್​ಮನ್​ಗಳ ಬಗ್ಗೆ ಮಾತನಾಡಿದ್ದಾರೆ. ಈ ವೇಳೆ ಪಾಕಿಸ್ತಾನದ ಆಟಗಾರ ಶೋಯೆಬ್ ಮಲಿಕ್ ಪರ ಹೇಳಿಕೆಯೊಂದನ್ನು ನೀಡಿದ್ದಾರೆ.

ಟೆಸ್ಟ್ ಕ್ರಿಕೆಟ್​ನ ಅಗ್ರಗಣ್ಯನಾಗಿ ಗುರುತಿಸಿಕೊಂಡಿರುವ ಸ್ಟೀವ್​ ಸ್ಮಿತ್​ಗಿಂತ ನನಗೆ ಶೊಯೆಬ್ ಮಲಿಕ್ ಸ್ಪಿನ್​ ಬೌಲಿಂಗ್​ನ ಉತ್ತಮ ಬ್ಯಾಟ್ಸ್​ಮನ್​ ಅನಿಸುತ್ತದೆ. ಅವರು ಸ್ಪಿನ್ ದಾಳಿಯನ್ನು ಉತ್ತಮವಾಗಿ ಎದುರಿಸುತ್ತಾರೆ ಎಂದು ಚಾಹಲ್ ಹೇಳಿದ್ದಾರೆ.

ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಇಬ್ಬರೂ ಸ್ಪಿನ್​ಗೆ ಅತ್ಯುತ್ತಮವಾಗಿ ಆಡುತ್ತಾರೆ. ಆದರೆ ಮಲಿಕ್​ ಸ್ಪಿನ್ನರ್​ಗಳ ವಿರುದ್ಧ ಬಳಸುವ ಟೆಕ್ನಿಕ್ ಸ್ಮಿತ್​ಗಿಂತ ಉತ್ತವಾಗಿರುತ್ತದೆ.

ನಾನು ಮಲಿಕ್​ 2018 ರಲ್ಲಿ ಏಷ್ಯಾ ಕಪ್​ನಲ್ಲಿ ಮುಖಾಮುಖಿಯಾಗಿದ್ದೆವು. ಅಂದು ನನ್ನ ಎಸೆತಗಳಲ್ಲಿ ತುಂಬಾ ಸಲೀಸಾಗಿ ಸಿಂಗಲ್ಸ್​ ಕಲೆ ಹಾಕುತ್ತಿದ್ದರು. ಸ್ಪಿನ್ ದಾಳಿಗೆ ಆತನ ಬ್ಯಾಟಿಂಗ್ ಕೌಶಲ್ಯ ಕಂಡು ನಾನು ಸಂತಸಗೊಂಡಿದ್ದೆ ಎಂದು ಚಾಹಲ್ ಹೇಳಿದರು.

ಇದೇ ವೇಳೆ ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ ಕೂಡ ಸ್ಪಿನ್ ಬೌಲಿಂಗ್ ವಿರುದ್ಧ ಉತ್ತಮವಾಗಿ ಆಡುತ್ತಾರೆ. ಅದರಲ್ಲೂ ನಿಧಾನಗತಿಯ ಪಿಚ್​ನಲ್ಲಿ ವಿಲಿಯಮ್ಸನ್ ಉತ್ತಮ ಆಟಗಾರ ಎಂಬುದು ನನ್ನ ಅನಿಸಿಕೆ ಎಂದು ಚಾಹಲ್ ತಿಳಿಸಿದರು.

29ರ ಹರೆಯದ ಚಾಹಲ್ ಟೀಮ್ ಇಂಡಿಯಾ ಪರ 52 ಏಕದಿನ ಮತ್ತು 42 ಟ್ವೆಂಟಿ20 ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 91 ಏಕದಿನ ಮತ್ತು 55 ಟಿ20 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಹಾಗೆಯೇ ಐಪಿಎಲ್​ನಲ್ಲಿ 84 ಪಂದ್ಯಗಳಲ್ಲಿ ಸ್ಪಿನ್ ಮೋಡಿ ತೋರಿಸಿರುವ ಚಾಹಲ್ 100 ವಿಕೆಟ್ ಉರುಳಿಸಿದ್ದಾರೆ.