ಯುವ ಸ್ಪಿನ್ನರ್​ಗಳ ಇಂಡೋ-ಅಫ್ಘಾನ್ ತಂಡದಲ್ಲಿ 7 ಭಾರತೀಯ ಆಟಗಾರರಿಗೆ ಸ್ಥಾನ..!

ವಿಶ್ವ ಕ್ರಿಕೆಟ್‌ನ ಯುವ ಲೆಗ್‌ಸ್ಪಿನ್ನರ್‌ಗಳಾದ ರಶೀದ್‌ ಖಾನ್‌ ಮತ್ತು ಯಜುವೇಂದ್ರ ಚಾಹಲ್ ಜಂಟಿಯಾಗಿ ಭಾರತ-ಅಫಘಾನಿಸ್ತಾನ ಆಟಗಾರರ ಏಕದಿನ ತಂಡವೊಂದನ್ನು ಪ್ರಕಟಿಸಿದ್ದಾರೆ.

ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಲೈವ್ ಚಾಟ್ ನಡೆಸಿದ ಯುವ ಕ್ರಿಕೆಟಿಗರು, ಟೀಮ್ ಇಂಡಿಯಾ ಮತ್ತು ಅಫ್ಘಾನಿಸ್ತಾನ್ ಆಟಗಾರರನ್ನು ಒಳಗೊಂಡಿರುವ ತಂಡದ ಆಯ್ಕೆ ಮಾಡಿದರು. ಈಗಷ್ಟೇ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಅಫ್ಘಾನಿಸ್ತಾನ್​ ಅಂಬೆಗಾಲಿಡುತ್ತಿದ್ದು, ಹೀಗಾಗಿ ತಂಡದಲ್ಲಿ ಬಹುಪಾಲು ಭಾರತೀಯ ಆಟಗಾರರಿಗೆ ಮಣೆ ಹಾಕಲಾಗಿದೆ.

ಚಾಹಲ್-ರಶೀದ್ ಆರಿಸಿರುವ ಈ ಇಂಡೋ-ಅಫ್ಘಾನ್ ತಂಡದಲ್ಲಿ ಆರಂಭಿಕರಾಗಿ ರೋಹಿತ್ ಶರ್ಮಾ ಹಾಗೂ ಶಿಖರ್ ಧವನ್ ಅವರಿಗೆ ಸ್ಥಾನ ನೀಡಲಾಗಿದೆ. ಹಾಗೆಯೇ ಟೀಮ್ ಇಂಡಿಯಾದಿಂದ ಹೊರಗುಳಿದಿರುವ ಮಹೇಂದ್ರ ಸಿಂಗ್ ಧೋನಿ ಕೂಡ ತಂಡದಲ್ಲಿದ್ದಾರೆ. ಯುವ ಸ್ಪಿನ್ನರ್​ಗಳ ಇಂಡೊ-ಆಫ್ಘನ್ ಒಡಿಐ ಇಲೆವೆನ್ ಹೀಗಿದೆ.

ರೋಹಿತ್ ಶರ್ಮಾ (ಓಪನರ್)

ಶಿಖರ್‌ ಧವನ್ (ಓಪನರ್)

ವಿರಾಟ್ ಕೊಹ್ಲಿ (ಬ್ಯಾಟ್ಸ್‌ಮನ್)

ರೆಹಮತ್ ಶಾ (ಬ್ಯಾಟ್ಸ್‌ಮನ್)

ಕೆಎಲ್ ರಾಹುಲ್ (ಬ್ಯಾಟ್ಸ್‌ಮನ್)

ಎಂಎಸ್‌ ಧೋನಿ (ವಿಕೆಟ್‌ಕೀಪರ್)

ಹಾರ್ದಿಕ್‌ ಪಾಂಡ್ಯ (ಆಲ್‌ರೌಂಡರ್‌)

ಮೊಹಮ್ಮದ್‌ ನಬಿ (ಆಲ್‌ರೌಂಡರ್‌)

ಮುಜೀಬ್‌ ಉರ್‌ ರೆಹಮಾನ್ (ಆಫ್ ಸ್ಪಿನ್ನರ್‌)

ಮೊಹಮ್ಮದ್‌ ಶಮಿ (ಬಲಗೈ ವೇಗಿ)

ಜಸ್‌ಪ್ರೀತ್‌ ಬುಮ್ರಾ (ಬಲಗೈ ವೇಗಿ)