ಕನ್ನಡ ಚಿತ್ರನಟಿಯೊಂದಿಗೆ ಟೀಮ್ ಇಂಡಿಯಾ ಆಟಗಾರ ಲವ್ವಿ-ಡವ್ವಿ..?

ಬಾಲಿವುಡ್​ ಹಾಗೂ ಕ್ರಿಕೆಟಿಗೂ ಅವಿನಾಭಾವ ಸಂಬಂಧವಿದೆ. ಅದಕ್ಕೆ ಸಾಕ್ಷಿ ಎಂಬಂತೆ ಆಗಾಗ್ಗೆ ಟೀಮ್​ ಇಂಡಿಯಾದ ಆಟಗಾರರ ಹೆಸರುಗಳು ನಟಿಮಣಿಯರೊಂದಿಗೆ ತಳುಕು ಹಾಕಿಕೊಳ್ಳುತ್ತವೆ.

ಇದೀಗ ಮತ್ತೊಮ್ಮೆ ಟೀಮ್ ಇಂಡಿಯಾ ಸ್ಪಿನ್ನರ್, ರಾಯಲ್ ಚಾಲೆಂಜರ್ಸ್​ (RCB) ತಂಡದ ಆಟಗಾರ ಯಜುವೇಂದ್ರ ಚಾಹಲ್ ಅವರು ಹೆಸರು ಕನ್ನಡ ಚಿತ್ರ ನಟಿಯೊಂದಿಗೆ ಕೇಳಿ ಬರುತ್ತಿವೆ.

ಈ ಹಿಂದೊಮ್ಮೆ ಐಪಿಎಲ್​ ವೇಳೆ ಚಹಾಲ್ ಹಾಗೂ ಕನ್ನಡ ನಟಿ ತನಿಷ್ಕಾ ಕಪೂರ್ ನಡುವೆ ಸಂಥಿಂಗ್ ಸಂಥಿಂಗ್ ನಡೆಯುತ್ತಿದೆ ಎಂದು ಸುದ್ದಿಯಾಗಿತ್ತು. ಆದರೆ ಇದನ್ನು ಆರ್​ಸಿಬಿ ಆಟಗಾರ ನಿರಾಕರಿಸಿದ್ದರು.

ಆದರೆ ಇದೀಗ ಮತ್ತೊಮ್ಮೆ ಚಾಹಲ್ ಹೆಸರು ತನಿಷ್ಕಾ ಜೊತೆ ತುಸು ಜೋರಾಗಿಯೇ ಕೇಳಿ ಬರುತ್ತಿದೆ. ಇದಕ್ಕೆ ಕಾರಣ ಸಾಮಾಜಿಕ ಜಾಲತಾಣದಲ್ಲಿ ನಟಿಯ ಫೋಟೊಗೆ ಮಾಡಿದ  ಕಾಮೆಂಟ್.

ಇದರ ಬೆನ್ನಲ್ಲೇ ನಟಿಯೊಂದಿಗೆ ಚಹಾಲ್ ಲವ್ವಲ್ಲಿ ಬಿದ್ದಿದ್ದಾರೆ ಎಂದು ಸುದ್ದಿಯಾಗಿತ್ತು. ಅಲ್ಲದೆ ಶೀಘ್ರದಲ್ಲೇ ಈ ತಾರಾ ಜೋಡಿ ನಿಶ್ಚಿತಾರ್ಥ ಕೂಡ ಮಾಡಿಕೊಳ್ಳಲಿದ್ದಾರೆ ಎಂಬ ವದಂತಿಗಳು ಹಬ್ಬಿದ್ದವು.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದ ತನಿಷ್ಕಾ ನನಗೆ ಚಹಾಲ್ ಯಾರೆಂದೇ ಗೊತ್ತಿಲ್ಲ. ಸದ್ಯ ನಾನು ವಿದ್ಯಾಭ್ಯಾಸದತ್ತ ಗಮನ ಹರಿಸುತ್ತಿದ್ದೇನೆ ಎಂದಿದ್ದರು. ಆದರೆ ಇದೀಗ ನಟಿ ಹಾಗೂ ಚಹಾಲ್ ಜೊತೆಗಿನ ಫೋಟೋಗಳು ವೈರಲ್ ಆಗುತ್ತಿವೆ.

ಟೀಮ್ ಇಂಡಿಯಾ ಆಟಗಾರನೊಂದಿಗೆ ಸ್ಯಾಂಡಲ್​ವುಡ್​ ನಟಿಯ ಹೆಸರು ಕೇಳಿ ಬರುತ್ತಿದ್ದು, ಅದರೊಂದಿಗೆ ಸೋಷಿಯಲ್ ಮೀಡಿಯಾದಲ್ಲಿ ಇಬ್ಬರು ಜೊತೆಯಾಗಿ ಕಾಣಿಸಿಕೊಂಡಿರುವ ಫೋಟೋ ಹರಿದಾಡುತ್ತಿದೆ.

ಮುಂಬೈ ಮೂಲದ ತನಿಷ್ಕಾ ಕಪೂರ್ ಬಾಲ್ಯದಿಂದಲೂ ಮಂಗಳೂರಿನಲ್ಲೇ ಬೆಳೆದವರು. ಆ ಬಳಿಕ ಅವರ ಕುಟುಂಬ ಬೆಂಗಳೂರಿಗೆ ಶಿಫ್ಟ್ ಆಗಿತ್ತು. ವಿದ್ಯಾಭ್ಯಾಸದೊಂದಿಗೆ ಬಣ್ಣದ ಲೋಕಕ್ಕೆ ಅದೃಷ್ಟ ಪರೀಕ್ಷೆಗೆ ಇಳಿದ ತನಿಷ್ಕಾ ಮೊದಲ ಚಿತ್ರದಲ್ಲೇ ಸಕ್ಸಸ್​ನ ರುಚಿ ಉಂಡಿದ್ದರು.

ಉಪೇಂದ್ರ ನಿರ್ದೇಶನದ ಉಪ್ಪಿ2 ಚಿತ್ರದ ಮೂಲಕ ಸ್ಯಾಂಡಲ್​ವುಡ್​ಗೆ ಪದಾರ್ಪಣೆ ಮಾಡಿದ್ದ ತನಿಷ್ಕಾ, ಆ ಬಳಿಕ ಗುರುನಂದನ್ ನಟನೆಯ ಫಸ್ಟ್ ರ್ಯಾಂಕ್ ರಾಜು ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದರು.

ಸಿನಿಮಾರಂಗವಲ್ಲದೆ ಮಾಡೆಲಿಂಗ್ ಕ್ಷೇತ್ರದಲ್ಲೂ ಮಿಂಚುತ್ತಿರುವ ತನಿಷ್ಕಾ ಹೆಸರು ಸದ್ಯ ಚಾಹಲ್ ಜೊತೆ ಕೇಳಿ ಬರುತ್ತಿದೆ.

ಇನ್ನು ಟೀಮ್ ಇಂಡಿಯಾ ಆಟಗಾರರ ಬಾಲಿವುಡ್ ನಟಿಯರನ್ನು ಪ್ರೀತಿಸುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದ ವಿರಾಟ್-ಅನುಷ್ಕಾ ಜೋಡಿ ಪ್ರೀತಿಸಿ ಮದುವೆಯಾಗಿದ್ದಾರೆ.

ಟೀಮ್ ಇಂಡಿಯಾದ ಮಾಜಿ ಆಲ್​ರೌಂಡರ್ ಯುವರಾಜ್ ಸಿಂಗ್ ಅವರ ಪತ್ನಿ ಹಝೆಲ್ ಕೀಚ್ ಬ್ರಿಟಿಷ್ ಮೂಲದ ಭಾರತೀಯ ಚಲನಚಿತ್ರ ನಟಿ. ಇವರು ಕೂಡ ಪ್ರೀತಿಸಿ ವಿವಾಹವಾಗಿದ್ದರು.

ಇನ್ನು ಟೀಮ್ ಇಂಡಿಯಾ ಮಾಜಿ ವೇಗಿ ಜಹೀರ್ ಖಾನ್ ಚಕ್ ದೇ ಇಂಡಿಯಾ ಖ್ಯಾತಿಯ ನಟಿ ಸಾಗರಿಕಾ ಘಾಟ್ಗೆ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.

ಟರ್ಬನೇಟರ್ ಖ್ಯಾತಿಯ ಸ್ಪಿನ್ನರ್ ಹರ್ಭಜನ್ ಸಿಂಗ್ ಅವರು ಬಾಲಿವುಡ್ ನಟಿ ಗೀತಾ ಬಾಸ್ರಾ ಅವರೊಂದಿಗೆ ದೀರ್ಘಕಾಲ ಡೇಟಿಂಗ್ ನಡೆಸಿದ್ದರು. ಅಲ್ಲದೆ ಮದುವೆಯ ಮೂಲಕ ತಮ್ಮ ವೈಯುಕ್ತಿಕ ಜೀವನ ಮುಂದುವರೆಸಿದ್ದಾರೆ.

ಭಾರತ ತಂಡ ದಿಗ್ಗಜ ಕ್ರಿಕೆಟಿಗ ಮನ್ಸೂರ್ ಅಲಿ ಖಾನ್ ಪಟೌಡಿ ಬಾಲಿವುಡ್ ನಟಿ ಶರ್ಮಿಳಾ ಟಾಗೋರ್ ಅವರನ್ನು ಪ್ರೀತಿಸಿ ವಿವಾಹವಾಗಿದ್ದರು. ಇವರ ಮಗನೇ ನಟ ಸೈಫ್ ಅಲಿ ಖಾನ್.

ಭಾರತ ತಂಡ ದಿಗ್ಗಜ ಕ್ರಿಕೆಟಿಗ ಮನ್ಸೂರ್ ಅಲಿ ಖಾನ್ ಪಟೌಡಿ ಬಾಲಿವುಡ್ ನಟಿ ಶರ್ಮಿಳಾ ಟಾಗೋರ್ ಅವರನ್ನು ಪ್ರೀತಿಸಿ ವಿವಾಹವಾಗಿದ್ದರು. ಇವರ ಮಗನೇ ನಟ ಸೈಫ್ ಅಲಿ ಖಾನ್.

ತನಿಷ್ಕಾ ಕಪೂರ್

ತನಿಷ್ಕಾ ಕಪೂರ್

ತನಿಷ್ಕಾ ಕಪೂರ್

ತನಿಷ್ಕಾ ಕಪೂರ್

ತನಿಷ್ಕಾ ಕಪೂರ್

ತನಿಷ್ಕಾ ಕಪೂರ್

ತನಿಷ್ಕಾ ಕಪೂರ್