IPL 2020: ವಿವೋ, ಡ್ರೀಮ್​11 ಮುಂಚೆ ಐಪಿಎಲ್​ ಸ್ಪಾನ್ಸರ್​​ಶಿಪ್​ ಯಾವೆಲ್ಲಾ ಕಂಪನಿ ಪಡೆದಿತ್ತು?; ಇಲ್ಲಿದೆ ಮಾಹಿತಿ

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಪಂದ್ಯಾಟವು ಸೆಪ್ಟೆಂಬರ್ 19ರಿಂದ ಪ್ರಾರಂಭವಾಗಲಿದೆ. ಪ್ರತಿ ವರ್ಷ ಭಾರತದಲ್ಲಿ ನಡೆಯುತ್ತಿದ್ದ ಪಂದ್ಯಾಟವು ಈ ವರ್ಷ ಕೊರೋನಾ  ಹಾವಳಿಯಿಂದಾಗಿ ಅರಬ್ ರಾಷ್ಟ್ರದಲ್ಲಿ ಪಂದ್ಯ ನಡೆಸಬೇಕಾದ ಪರಿಸ್ಥಿತಿ ಬಂದಿದೆ.

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಸರಿಯಾದ ಕ್ರಮವನ್ನು ಅನುಸರಿಸಿ ಕೊರೋನಾದ ಬಗ್ಗೆ ಮುನ್ನಚ್ಚೆರಿಕೆ ವಹಿಸಿಕೊಂಡು ಈ ಬಾರಿಯ ಐಪಿಎಲ್ ಪಂದ್ಯವನ್ನು ಯುಎಇನಲ್ಲಿ ಮಾಡುತ್ತಿದೆ.

2020ರ  ಐಪಿಎಲ್​​ ಪಂದ್ಯದಲ್ಲಿ ಹೊಸ ಬದಲಾವಣೆ ಎಂಬಂತೆ ಈ ವರ್ಷ ಟೈಟಲ್  ಪ್ರಾಯೋಜಕತ್ವದಿಂದ ವಿವೋ ಸಂಸ್ಥೆ ಹಿಂದೆ ಸರಿದಿದೆ. ಹಾಗಾಗಿ ಆ ಜಾಗವನ್ನು ಮುಂಬೈ ಮೂಲದ  ಡ್ರೀಮ್ 11 ಸಂಸ್ಥೆ ಪಡೆದಿದೆ.

ಐಪಿಎಲ್ ಪ್ರಾರಂಭವಾಗಿನಿಂದ ಈವರೆಗೆ ಎಷ್ಟು ಬಾರಿ ಟೈಟಲ್ ಸ್ಪಾನ್ಸರ್​​ಶಿಪ್​ ಬದಲಾಗಿದೆ. ಯಾವೆಲ್ಲಾ ಸಂಸ್ಥೆಗಳು ಟೈಟಲ್  ಪ್ರಾಯೋಜಕತ್ವವನ್ನು ಪಡೆದುಕೊಂಡಿದೆ? ಎಷ್ಟು ಕೋಟಿಗೆ ಖರೀದಿಸಿದೆ? ಈ ಬಗ್ಗೆ ಮಾಹಿತಿ ಇಲ್ಲಿದೆ.

2008ರಿಂದ 2012ರವರೆಗೆ ಡಿಎಲ್ಎಫ್ ಲಿಮಿಟೆಡ್ ಐಪಿಎಲ್ ಟೈಟಲ್ ಸ್ಪಾನ್ಸರ್​​ಶಿಪ್​​ ಪಡೆದುಕೊಂಡಿತ್ತು. ಸುಮಾರು 5 ವರ್ಷಗಳ ಕಾಲ ಈ ಒಪ್ಪಂದವನ್ನು ಮಾಡಿಕೊಂಡಿತ್ತು. 40 ಕೋಟಿಗೆ ಡಿಎಲ್ಎಫ್ ಟೈಟಲ್ ಸ್ಪಾನ್ಸರ್​​ಶಿಪ್​​ ಪಡೆದುಕೊಂಡಿತ್ತು.

ಪೆಪ್ಸಿ ಕಂಪೆನಿ ಕೂಡ ಐಪಿಎಲ್ ಟೈಟಲ್ ಪ್ರಾಯೋಜಕತ್ವವನ್ನು ವಹಿಸಿತ್ತು. 2013ರಿಂದ 15ರವರೆಗೆ ಅಂದರೆ 3 ವರ್ಷಗಳ ಕಾಲ ಪೆಪ್ಸಿ ಸಂಸ್ಥೆ ಐಪಿಎಲ್ ಟೈಟಲ್ ಸ್ಪಾನ್ಸರ್​​ಶಿಪ್​​ ಅನ್ನು 79.2 ಕೋಟಿಗೆ ಖರೀದಿಸಿತ್ತು.

ಚೀನಾದ ಮೂಲದ ವಿವೋ ಸಂಸ್ಥೆ 2016ರಿಂದ 17ರವರೆಗೆ ಐಪಿಎಲ್ ಪ್ರಯೋಜಕತ್ವನ್ನು ವಹಿಸಿಕೊಂಡಿತ್ತು.. 2 ವರ್ಷಗಳ ಒಪ್ಪಂದ ಇದಾಗಿದ್ದು, ಸುಮಾರು 100 ಕೋಟಿ ಮೌಲಕ್ಯೆ ಖರೀದಿಸಿತ್ತು.

2018ರಿಂದ 2019ರವರೆಗೆ ಐಪಿಎಲ್ ಟೈಟಲ್ ಪ್ರಾಯೋಜಕ್ವವನ್ನು ಮತ್ತೆ ಚೀನಾದ ವೀವೋ ಖರೀದಿಸಿತು. ಒಂದು ವರ್ಷಗಳ ಕಾಲ ಒಪ್ಪಂದ ಮಾಡಿಕೊಂಡಿತ್ತು. ಸುಮಾರು 439.9 ಕೋಟಿ ಮೌಲ್ಯಕ್ಕೆ ಖರೀದಿಸಿತ್ತು. ಆದರೆ ಈ ಬಾರಿ ಮಾತ್ರ ವಿವೋ ಹಿಂದೆ ಸರಿಸಿದೆ.

ಹಾಗಾಗಿ 2020ನೇ ವರ್ಷದ ಐಪಿಎಲ್ ಟೈಟಲ್  ಪ್ರಾಯೋಜಕತ್ವವನ್ನು ಅನ್ನು ಡ್ರೀಮ್ 11 ಸಂಸ್ಥೆ 222 ಕೋಟಿ ನೀಡಿ ಪಡೆದುಕೊಂಡಿದೆ.

ಡ್ರೀಮ್ 11 ಭಾರತೀಯ ಮೂಲದ ಫ್ಯಾಂಟಸಿ ಸ್ಟೋರ್ಟ್ಸ್ ಫ್ಲಾಟ್​​ಫಾರ್ಮ್​ ಆಗಿದೆ. 2008ರಲ್ಲಿ ಈ ಕಂಪನಿ ಸ್ಥಾಪನೆಯಾಗಿದೆ. ಬಳಕೆದಾರರು ಇದರಲ್ಲಿ ಕ್ರಿಕೆಟ್, ಹಾಕಿ, ಫುಟ್ಬಾಲ್, ಕಬಡ್ಡಿ, ಬಾಸ್ಕೆಟ್ ಬಾಲ್ ಪಂದ್ಯಗಳನ್ನು ಆನ್​ಲೈನ್​ ಮೂಲಕ ಆಡಬಹುದಾಗಿದೆ. ಹರ್ಷ ಜೈನ್ ಮತ್ತು ಭವಿತ್ ಶೇಟ್ ಈ ಕಂಪೆನಿಯ ಮುಖ್ಯಸ್ಥರಾಗಿದ್ದಾರೆ.