ಮಾರಕ ವೇಗಿ ಎದುರು ಬ್ಯಾಟ್ ಬೀಸಲಿ ನೋಡೋಣ: ರೋಹಿತ್ ಶರ್ಮಾಗೆ ಸವಾಲು..!

ಏಕದಿನ ಪಂದ್ಯಗಳಲ್ಲಿ 29 ಶತಕ, 42 ಅರ್ಧಶತಕ, ಮೂರು ಡಬಲ್ ಸೆಂಚುರಿ ಬಾರಿಸಿದ ಏಕೈಕ ಬ್ಯಾಟ್ಸ್‌ಮನ್, ಬ್ಯಾಟಿಂಗ್ ಸರಾಸರಿ 50 ರನ್, ಟಿ20ಯಲ್ಲಿ  4 ಶತಕ ಸಿಡಿಸಿದ ಆಟಗಾರ. ಈ ಅಂಕಿ ಅಂಶಗಳನ್ನು ಗಮನಿಸಿದ್ರೆ ರೋಹಿತ್ ಶರ್ಮಾ ಎಂತಹ ಬ್ಯಾಟ್ಸ್​ಮನ್​ ಎಂಬುದನ್ನು ಊಹಿಸಿಕೊಳ್ಳಬಹುದು.

ಅದು ವೇಗದ ಬೌಲರ್ ಆಗಿರಲಿ ಅಥವಾ ಸ್ಪಿನ್ನರ್ ಆಗಿರಲಿ ಹಿಟ್ ಮ್ಯಾನ್ ಬ್ಯಾಟ್ ಬೀಸಲಾರಂಭಿಸಿದ್ರೆ ಚೆಂಡು ಬೌಂಡರಿ ಗೆರೆಗಳನ್ನು ಸರಾಗವಾಗಿ ದಾಟುತಿರುತ್ತವೆ. ಹೀಗಾಗಿಯೇ ಟೀಮ್ ಇಂಡಿಯಾ ಓಪನರ್​ಗೆ ಚೆಂಡೆಸಲು ಅನೇಕ ಬೌಲರ್​ಗಳು ಹೆದರುತ್ತಾರೆ.

ಇಂತಹ ರೋಹಿತ್ ಶರ್ಮಾಗೆ ಇದೀಗ ವೆಸ್ಟ್​ ಇಂಡೀಸ್ ಕ್ರಿಕೆಟ್​ನ ದಿಗ್ಗಜ ಮೈಕಲ್ ಹೋಲ್ಡಿಂಗ್ ಸವಾಲು ಹಾಕಿದ್ದಾರೆ. ಟೀಮ್ ಇಂಡಿಯಾ ಉಪನಾಯಕನಿಗೆ ಅತ್ಯುತ್ತಮ ವೇಗದ ಎದುರು ಸ್ವಾಭಾವಿಕ ಹೊಡೆತಗಳನ್ನು ಬಾರಿಸಲಾಗುವುದಿಲ್ಲ ಎಂದು ಮಾಜಿ ಕೆರಿಬಿಯನ್ ಬೌಲರ್ ಅಭಿಪ್ರಾಯಪಟ್ಟಿದ್ದಾರೆ.

ಅಲ್ಲದೆ ಆಕ್ರಮಣಕಾರಿ ವೇಗದ ಬೌಲಿಂಗ್​ನಲ್ಲಿ ರೋಹಿತ್ ಶರ್ಮಾ ಹೇಗೆ ಬ್ಯಾಟಿಂಗ್ ಮಾಡುತ್ತಾರೆ ಎಂಬುದನ್ನು ನಾನು ಎದುರು ನೋಡುತ್ತಿರುವುದಾಗಿ ಮೈಕೆಲ್ ಹೋಲ್ಡಿಂಗ್ ತಿಳಿಸಿದ್ದಾರೆ.

ಉತ್ತಮ ಬ್ಯಾಟ್ಸ್‌ಮನ್‌ಗಳು ಅತ್ಯುತ್ತಮ ವೇಗದ ಬೌಲರ್‌ಗಳ ವಿರುದ್ಧ ತಮ್ಮ ನೈಸರ್ಗಿಕ ಹೊಡೆತಗಳನ್ನು ಬಾರಿಸುವುದು ಕಷ್ಟ. ರೋಹಿತ್ ಶರ್ಮಾ ಮತ್ತು ಎಬಿ ಡಿವಿಲಿಯರ್ಸ್ ಅತ್ಯುತ್ತಮ ಬ್ಯಾಟಿಂಗ್ ಶೈಲಿಯನ್ನು ಹೊಂದಿದ್ದಾರೆ. ಆದರೆ ಅವರ ಸಾಮರ್ಥ್ಯ ಇಂದಿನ ಬೌಲರ್‌ಗಳ ವೇಗಕ್ಕೆ ಅನುಗುಣವಾಗಿದೆ.

ಆದರೆ ನಮ್ಮ ಕಾಲದ ವೇಗಿಗಳ ಮುಂದೆ ಇವರ ಬ್ಯಾಟಿಂಗ್ ಪರಾಕ್ರಮ ಸಾಧ್ಯವಾಗುತ್ತಿರಲಿಲ್ಲ. ಹೀಗಾಗಿ ಡೇಲ್ ಸ್ಟೇನ್, ಬ್ರೆಟ್ ಲೀ ಮತ್ತು ಶೋಯೆಬ್ ಅಖ್ತರ್ ಅವರಂತಹ ವೇಗಿಗಳ ಮುಂದೆ ಹೇಗೆ ಬ್ಯಾಟ್​ ಬೀಸುತ್ತಾರೆ ಎಂಬುದನ್ನು ನೋಡ ಬಯಸುವೆ ಎಂದು ಹೋಲ್ಡಿಂಗ್ ತಿಳಿಸಿದರು.

80 ದಶಕ ಮಾರಕ ವೇಗಿಯಾಗಿದ್ದ ಮೈಕೆಲ್ ಹೋಲ್ಡಿಂಗ್ ಎಸೆತಗಳನ್ನು ಎದುರಿಸಲು ಬ್ಯಾಟ್ಸ್​ಮನ್​ಗಳು ಪರದಾಡುತ್ತಿದ್ದರು. ಇನ್ನು 60 ಟೆಸ್ಟ್​​ ಪಂದ್ಯಗಳಲ್ಲಿ 249 ವಿಕೆಟ್ ಹಾಗೂ 102 ಏಕದಿನ ಪಂದ್ಯಗಳಿಂದ 142 ವಿಕೆಟ್ ಹಾಗೆಯೇ 778 ಪ್ರಥಮ ದರ್ಜೆ ವಿಕೆಟ್ ಮತ್ತು 343 ಲಿಸ್ಟ್ ಎ ವಿಕೆಟ್ ಉರುಳಿಸಿರುವುದು ಮೈಕೆಲ್ ಹೋಲ್ಡಿಂಗ್ ಸಾಧನೆಗೆ ಹಿಡಿದ ಕನ್ನಡಿ.

ರೋಹಿತ್  ಶರ್ಮಾ

Rohit Sharma