Virat Kohli Family- ಅನುಷ್ಕಾ, ವಾಮಿಕಾ, ವಿರಾಟ್ ಕೊಹ್ಲಿ ಒಟ್ಟಿಗೆ ಇರುವ ಫೋಟೋಸ್

ಯುಎಇಯಲ್ಲಿ ಟಿ20 ವಿಶ್ವಕಪ್ನಲ್ಲಿ ನಿರತವಾಗಿರುವ ಟೀಮ್ ಇಂಡಿಯಾ ನಾಯಕ ತನ್ನ ಕುಟುಂಬದ ಜೊತೆ ಕಾಲ ಕಳೆದ ಕ್ಷಣಗಳನ್ನ ತೋರಿಸುವ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ತಂಡದ ಇತರ ಸದಸ್ಯರ ಜೊತೆ ಬಯೋಬಬಲ್ನಲ್ಲಿರುವ ವಿರಾಟ್ ಕೊಹ್ಲಿ ತನ್ನ ಪತ್ನಿ ಅನುಷ್ಕಾ ಶರ್ಮಾ ಮತ್ತು ಮಗಳು ವಾಮಿಕಾ ಜೊತೆ ರೆಸ್ಟೋರೆಂಟ್ವೊಂದರಲ್ಲಿ ಊಟ ಮಾಡುತ್ತಿರುವ ಚಿತ್ರ ಇದಾಗಿದೆ. ವಿರಾಟ್ ಕೊಹ್ಲಿ ಉಳಿದುಕೊಂಡಿರುವ ಹೋಟೆಲ್ನಲ್ಲೇ ಅನುಷ್ಕಾ ಮತ್ತು ವಾಮಿಕಾ ಅವರೂ ಇದ್ದಾರೆ.

ಇನ್ಸ್​ಟಾಗ್ರಾಮ್, ಟ್ವಿಟ್ಟರ್ ನಲ್ಲಿ ವಿರಾಟ್ ಕೊಹ್ಲಿ ಈ ಫೋಟೋ ಹಂಚಿಕೊಂಡಿದ್ದು, ಹಾರ್ಟ್ ಸಿಂಬಲ್ ಇರುವ ಇಮೋಜಿಯನ್ನ ಕ್ಯಾಪ್ಷನ್ ಆಗಿ ಕೊಟ್ಟಿದ್ಧಾರೆ.

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಅವರು ತಮ್ಮ ಮಗಳು ವಾಮಿಕಾ ಮುಖವನ್ನು ಯಾವತ್ತೂ ಸಂಪೂರ್ಣವಾಗಿ ಸೋಷಿಯಲ್ ಮೀಡಿಯಾದಲ್ಲಿ ತೋರಿಸಿಲ್ಲ. ಇಲ್ಲಿಯೂ ಕೂಡ ವಾಮಿಕಾಳ ಹಿಂಭಾಗದಿಂದ ಕ್ಯಾಮೆರಾ ಕ್ಯಾಪ್ಚರ್ ಮಾಡಲಾಗಿದೆ. ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಇಬ್ಬರೂ ತಮ್ಮ ಮಗಳ ದಿಕ್ಕಿನಲ್ಲಿರುವ ಕ್ಯಾಮೆರಾ ಕಡೆ ನೋಡುತ್ತಾ ಮುಗುಳ್ನಗುತ್ತಾ ಪೋಸ್ ಕೊಟ್ಟಿದ್ಧಾರೆ.

ವಿರಾಟ್ ಕೊಹ್ಲಿ ಹಂಚಿಕೊಂಡಿರುವ ಈ ಫೋಟೋಗೆ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿದೆ. ಇನ್ ಸ್ಟಾಗ್ರಾಮ್ನಲ್ಲಿ 47 ಲಕ್ಷಕ್ಕೂ ಹೆಚ್ಚು ಮಂದಿ ಲೈಕ್ ಮಾಡಿರುವುದು ಕೊಹ್ಲಿ ಜನಪ್ರಿಯತೆಗೆ ಸಾಕ್ಷಿಯಾಗಿದೆ. ಟ್ವಿಟ್ಟರ್ನಲ್ಲೂ ಲಕ್ಷಕ್ಕೂ ಹೆಚ್ಚು ಮಂದಿ ಲೈಕ್ ಕೊಟ್ಟಿದ್ದಾರೆ.

ಒಂದು ದಿನದ ಹಿಂದಷ್ಟೇ ಅನುಷ್ಕಾ ಶರ್ಮಾ ತನ್ನ ಇನ್ಸ್ ಟಾಗ್ರಾಂನಲ್ಲಿ ಪತಿ ವಿರಾಟ್ ಕೊಹ್ಲಿ ಮತ್ತು ಮಗಳು ವಾಮಿಕಾ ಆಡುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದರು. ನನ್ನ ಇಡೀ ಹೃದಯ ಒಂದೇ ಫ್ರೇಮ್ ನಲ್ಲಿದೆ ಎಂದು ಅನುಷ್ಕಾ ಈ ಚಿತ್ರಕ್ಕೆ ಕ್ಯಾಪ್ಷನ್ ಕೊಟ್ಟಿದ್ದರು.

ಅದಕ್ಕೂ ಮುನ್ನ ಅನುಷ್ಕಾ ಶರ್ಮಾ ತನ್ನ ಮಗಳ ಜೊತೆ ಕಳೆದ ಸಂತಸದ ಕ್ಷಣಗಳ ಫೋಟೋವನ್ನು ಹಂಚಿಕೊಂಡಿದ್ದರು. ನೀನು ನನಗೆ ಪ್ರತೀ ದಿನವೂ ಧೈರ್ಯ ಹೆಚ್ಚಿಸುತ್ತಿದ್ದೀಯ. ನಿನ್ನಲ್ಲಿರುವ ದೈವೀ ಶಕ್ತಿಯನ್ನು ಗುರುತಿಸುವಂತಾಗಲಿ ಎಂದು ಅನುಷ್ಕಾ ಈ ಫೋಟೋಗೆ ಕ್ಯಾಪ್ಷನ್ ಕೊಟ್ಟರು.

ಅನುಷ್ಕಾ ಮತ್ತು ವಿರಾಟ್ ಕೊಹ್ಲಿ ಹಂಚಿಕೊಂಡಿರುವ ತಮ್ಮ ಮಗಳ ಯಾವ ಫೋಟೋದಲ್ಲಿ ಮುಖ ಸ್ಪಷ್ಟವಾಗಿ ಕಾಣುವುದಿಲ್ಲ. ದೃಷ್ಟಿಯಾದೀತೆಂದು ಹಾಗೆ ಮಾಡಿದ್ದಿರಬಹುದು. ಆದರೆ, ವಾಮಿಕಾಳ ಮುದ್ದುತನ, ತುಂಟತನ ಆಕೆಯ ಬಾಡಿ ಲ್ಯಾಂಗ್ವೇಜ್ನಲ್ಲಿ ಎದ್ದುಗಾಣುತ್ತದೆ. ಆಕೆಯ ಪಿಗ್ಗಿ ಟೇಲ್ ಜಡೆ ಬಹಳ ಕ್ಯೂಟ್ ಆಗಿ ಕಾಣುತ್ತದೆ.

ಕೆಲ ದಿನಗಳ ಹಿಂದೆ ಅನುಷ್ಕಾ ಶರ್ಮಾ ಬಯೋಬಬಲ್ ನಿಂದ ವಿರಾಟ್ ಕೊಹ್ಲಿಯನ್ನ ಮಿಸ್ ಮಾಡಿಕೊಳ್ಳುತ್ತಿರುವ ಚಿತ್ರವನ್ನೂ ಪೋಸ್ಟ್ ಮಾಡಿದ್ದರು. ವಿರಾಟ್ ಕೊಹ್ಲಿ ಒಂದೇ ಹೋಟೆಲ್ ನಲ್ಲಿದ್ದರೂ ದೂರದಿಂದಲೇ ನಿಂತು ವಿಶ್ ಮಾಡುತ್ತಿರುವ ಕೆಲ ಚಿತ್ರಗಳನ್ನ ಹಂಚಿಕೊಂಡಿದ್ದರು.