Vaibhav Arora: ಬಡತನದಿಂದ ಕ್ರಿಕೆಟ್​ಗೆ ಟಾಟಾ ಹೇಳಲು ನಿರ್ಧರಿಸಿದ್ದ ಆಟಗಾರ ಈಗ ಎಲ್ಲರ ಕಣ್ಮಣಿ

ವೇಗದ ಬೌಲರ್ ವೈಭವ್ ಅರೋರಾ ಈ ಎಲ್ಲರ ಗಮನಸೆಳೆಯುತ್ತಿರುವ ಆಟಗಾರ. ವೈಭವ್ ತನ್ನ ಮೊದಲ ಪಂದ್ಯದಲ್ಲೇ ರಾಬಿನ್ ಉತ್ತಪ್ಪ ಮತ್ತು ಮೊಯಿಲ್ ಅಲಿ ವಿಕೆಟ್ ಕಬಳಿಸಿ ಭರವಸೆ ಮೂಡಿಸಿದ್ದಾರೆ.

IPL 2022 ರಲ್ಲಿ ಪಂಜಾಬ್ ಕಿಂಗ್ಸ್ ಚೆನ್ನೈ ಸೂಪರ್ ಕಿಂಗ್ಸ್ (ಪಂಜಾಬ್ ಕಿಂಗ್ಸ್ vs CSK) ವಿರುದ್ಧದ ಪಂದ್ಯದಲ್ಲಿ ಯುವ ಆಟಗಾರ ವೈಭವ್ ಅರೋರಾ ಅವರನ್ನು ಆಡಿಸಲು ನಿರ್ಧರಿಸಿತು. ತಂಡದಲ್ಲಿ ಅನುಭವಿ ವೇಗದ ಬೌಲರ್ ಸಂದೀಪ್ ಶರ್ಮಾ ಇದ್ದರೂ, ವೈಭವ್​ಗೆ ಅವಕಾಶ ನೀಡಿದ್ದರಿಂದ ಅನೇಕರು ನಿರ್ಧಾರವನ್ನು ಪ್ರಶ್ನಿಸಿದರು. ಆದರೆ ವೈಭವ್ ತಂಡದ ನಿರ್ಧಾರ ಸರಿ ಎಂದು ಸಾಬೀತುಪಡಿಸಿದರು.

ಡಿಸೆಂಬರ್ 14, 1997 ರಂದು ಜನಿಸಿದ ವೈಭವ್ ಅರೋರಾ ಐಪಿಎಲ್ಗೆ ಪದಾರ್ಪಣೆ ಮಾಡಿದರು.

ವೈಭವ್ ಅರೋರಾ 4 ಓವರ್ ಗಳಲ್ಲಿ 21 ರನ್ ನೀಡಿ 2 ವಿಕೆಟ್ ಪಡೆದರು. ಶಿಖರ್ ಧವನ್, ಲಿಯಾಮ್ ಲಿವಿಂಗ್ಸ್ಟೋನ್ ಮತ್ತು ಜಿತೇಶ್ ಶರ್ಮಾ ಅವರು ಸಿಎಸ್​ಕೆ ಬೌಲಿಂಗ್​ ದಾಳಿ ನಡೆಸಿದ ಪಿಚ್​ನಲ್ಲಿ ವೇಗದ ಬೌಲರ್ ವೈಭವ್ ಉತ್ತಮ ಪ್ರದರ್ಶನ ನೀಡಿದರು.

ವೈಭವ್ ಅರೋರಾ ಹಿಮಾಚಲ ಪ್ರದೇಶದಲ್ಲಿ ಸ್ಥಳೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದರು. ಅವರು ಸೌರಾಷ್ಟ್ರದಿಂದ 2019 ರಲ್ಲಿ ಪ್ರಥಮ ದರ್ಜೆಗೆ ಪದಾರ್ಪಣೆ ಮಾಡಿದರು. ವೈಭವ್ 2021 ರಲ್ಲಿ ಛತ್ತೀಸ್​ಗಢ ವಿರುದ್ಧ ತಮ್ಮ T20 ಕ್ರಿಕೆಟ್ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ಐಪಿಎಲ್ 2020 ರಲ್ಲಿ ಪಂಜಾಬ್ ಕಿಂಗ್ಸ್ ವೈಭವ್ ಅವರನ್ನು ನೆಟ್ ಬೌಲರ್ ಆಗಿ ಆಯ್ಕೆ ಮಾಡಿತ್ತು.

ವೈಭವ್ ಅರೋರಾ ಒಮ್ಮೆ ಹಣಕಾಸಿನ ಅಡಚಣೆಗಳಿಂದ ಕ್ರಿಕೆಟ್ ತ್ಯಜಿಸಲು ನಿರ್ಧರಿಸಿದ್ದರು. ಆದರೆ ಅವರ ಬಾಲ್ಯದ ಕೋಚ್ ರವಿ ವರ್ಮಾ ಅವರನ್ನು ನಿಲ್ಲಿಸಿದರು. ಕೊಚ್ನಿ ಅವರನ್ನು ಬಹಳಷ್ಟು ಮನವೊಲಿಸಿದರು. ಕಷ್ಟದ ಸಮಯದಲ್ಲಿ ಅವರ ಮನಸ್ಸಿನ ದೃಢತೆಯನ್ನು ಹೆಚ್ಚಿಸಿದರು.

ವೈಭವ್ ಅರೋರಾ ಮೊದಲು ಕೆಕೆಆರ್ ತಂಡದಲ್ಲಿದ್ದರು, ಆದರೆ ಚೊಚ್ಚಲ ಪಂದ್ಯಕ್ಕೆ ಅವಕಾಶ ಸಿಗಲಿಲ್ಲ.

ಐಪಿಎಲ್ 2022ರ ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ ವೈಭವ್ ಅವರನ್ನು 2 ಕೋಟಿ ರೂ.ಗೆ ಖರೀದಿಸಿತ್ತು. ವೈಭವ್ ಅವರನ್ನು ಖರೀದಿಸಲು ಕೆಕೆಆರ್ ಮತ್ತು ಪಂಜಾಬ್ ನಡುವೆ ಪೈಪೋಟಿ ಏರ್ಪಟ್ಟಿತ್ತು.

ವೈಭವ್ ಅರೋರಾ ಇದುವರೆಗೆ 13 ಟಿ20 ಪಂದ್ಯಗಳಿಂದ 14 ವಿಕೆಟ್ ಪಡೆದಿದ್ದಾರೆ. 16 ರನ್ಗಳಿಗೆ 3 ವಿಕೆಟ್ ಪಡೆದದ್ದು ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ. 9 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 30 ವಿಕೆಟ್ ಪಡೆದಿದ್ದಾರೆ.