ಆವೊಂದು ಬದಲಾವಣೆಯಿಂದಾಗಿ ಸ್ಟಾರ್​ ಆಟಗಾರಾಗಿದ್ದಾರೆ ಈ ಕ್ರಿಕೆಟ್​ ತಾರೆಯರು

ಅನೇಕ ಕ್ರಿಕೆಟಿಗರು ತಮ್ಮಲ್ಲಿ ಕೆಲ ಬದಲಾವಣೆ ಮಾಡಿಕೊಂಡಿದ್ದ ಕಾರಣ ಇಂದು ಶ್ರೇಷ್ಠ ಕ್ರೀಡಾಪಟುಗಳಾಗಿ ಹೊರ ಹೊಮ್ಮಿದ್ದಾರೆ. ಆ ಪೈಕಿ ಟೀಂ ಇಂಡಿಯಾದ ಮಾಜಿ ನಾಯಕ ಗಂಗೂಲಿ ಬಲಗೈ ಬ್ಯಾಟ್ಸ್​​ಮನ್ ಆಗಿದ್ದರು. ಆದರೆ ಅವರ ನಿರಂತರ ಪರಿಶ್ರಮದಿಂದಾಗಿ ಎಡಗೈ ಬಾಟ್ಸ್​​ಮನ್ ಆಗಬೇಕಾಗಿ ಬಂತು.

ಎಡಗೈ ಬಲ ಹೊಂದಿದ್ದ ಕ್ರಿಕೆಟ್ ದಂತ ಕಥೆ ಸಚಿನ್ ತೆಂಡುಲ್ಕರ್ ಬಲಗೈ ಬಾಟ್ಸ್​ಮನ್​ ಆಗುವ ಮೂಲಕ ಕ್ರಿಕೆಟ್ ಲೋಕದಲ್ಲಿ ಸಾಧನೆ ಬರೆದರು.

ಅಷ್ಟೇ ಏಕೆ,  ಫಾಸ್ಟ್ ಬೌಲರ್ ಆಗಿದ್ದ ಅನಿಲ್ ಕುಂಬ್ಳೆ ಮುಂದೆ ಶ್ರೇಷ್ಠ ಲೆಗ್ ಸ್ಪಿನ್ನರ್ ಆದರು. ಹೀಗೆ ಕ್ರಿಕೆಟ್ ಲೋಕದಲ್ಲಿ ಅನೇಕ ಆಟಗಾರರು ತಮ್ಮಲ್ಲಿನ ಬದಲಾವಣೆಯಿಂದಾಗಿ ಇಂದು ಶ್ರೇಷ್ಠರಾಗಿ ಹೊರಹೊಮ್ಮಿದ್ದಾರೆ.

ರವಿಶಾಸ್ತ್ರೀ 1983ರಲ್ಲಿ ವಿಶ್ವಕಪ್ ವಿಜೇತ ತಂಡಕ್ಕೆ ಸ್ಪಿನ್ನರ್ ಆಗಿ ಆಯ್ಕೆಯಾದರು. 10ನೇ ಕ್ರಮಾಂಕದಲ್ಲಿ ಬ್ಯಾಟ್ ನಡೆಸುತ್ತಿದ್ದ ಅವರು ಕಠಿಣ ಪರಿಶ್ರಮದಿಂದಾಗಿ ಆರಂಭಿಕ ಆಟಗಾರನಾಗಿ ಭಡ್ತಿ ಪಡೆದರು. ಕೇವಳ 18 ತಿಂಗಳಿನಲ್ಲಿ ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್ ನಡೆಸುತ್ತ ಅವರು ಆರಂಭಿಕ ಬ್ಯಾಟ್ಸ್​ಮನ್​  ಆಗಿ ಹೊರಹೊಮ್ಮಿದರು. ಸದ್ಯ ಟೀಂ ಇಂಡಿಯಾದ ಮುಖ್ಯ ತರುಬೇತುದಾರನಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಶ್ರೀಲಂಕಾ ತಂಡದ ಮಾಜಿ ಆಟಗಾರ ಸನತ್ ಜಯಸೂರ್ಯ ಮೊದಲಿಗೆ ಬೌಲರ್ ಆಗಿ ಕ್ರಿಕೆಟ್ ಲೋಕಕ್ಕೆ ಪಾದರ್ಪಣೆ ಮಾಡಿದರು. ನಂತರ ಬ್ಯಾಟಿಂಗ್​ನತ್ತ ಒಲವು ಹರಿಸಿದ ಅವರು ಪವರ್ ಪ್ಲೇ ಆಡುವ ಮೂಲಕ ಯಶಸ್ವಿ ಬ್ಯಾಟ್ಸ್​​ಮನ್ ಆಗಿ ಹೊರಹೊಮ್ಮಿದರು.

ಆಸೀನ್ ತಂಡದ ಪ್ರಮುಖ ಬ್ಯಾಟ್ಸ್​​ಮನ್​ ಸ್ವೀವ್ ಸ್ಮಿತ್ ಪ್ರಾರಂಭದಲ್ಲಿ ಲೆಗ್ ಸ್ಪಿನ್ನರ್ ಆಗಿ ಕ್ರಿಕೆಟ್ ಲೋಕಕ್ಕೆ ಕಾಲಿಟ್ಟರು. ಆನಂತರ ಕಠಿಣ ಪರಿಶ್ರಮದ ಮೂಲಕ ಬಾಟ್ಸ್​​ಮನ್ ಆದರು. ಇಲ್ಲಿಯವರೆಗೆ ಸ್ಮಿತ್ 73 ಟೆಸ್ಟ್ ಪಂದ್ಯ ಮತ್ತು 7227 ರನ್​​ಗಳನ್ನು ಗಳಿಸಿದ್ದಾರೆ.

ಆಸ್ಟ್ರೇಲಿಯಾ ತಂಡಕ್ಕೆ ಕ್ಯಾಮರೂನ್ ವೈಟ್ ಸ್ಪಿನ್ನರ್ ಆಗಿ ಪ್ರವೇಶ ಪಡೆದರು. ಆನಂತರ ಬ್ಯಾಟಿಂಗ್​ನತ್ತ  ಒಲವು ಹರಿಸಿದ ವೈಟ್ ಸಾಕಷ್ಟು ಪಂದ್ಯಗಳಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ತೋರಿಸುವ  ಮೂಲಕ ಯಶಸ್ವಿ ಬ್ಯಾಟ್ಸ್​ಮನ್​ ಆಗಿದ್ದಾರೆ.