T20 ಕ್ರಿಕೆಟ್​ನಲ್ಲಿ ವಿಶ್ವ ದಾಖಲೆ ಬರೆದ ವಿಕೆಟ್ ಕೀಪರ್​ಗಳು ಯಾರು ಗೊತ್ತೇ?

ಪಂದ್ಯ ಯಾವುದೇ ಇರಲಿ, ತಂಡದ ಜಯದಲ್ಲಿ ಪ್ರಮುಖ ಪಾತ್ರವಹಿಸುವವರಲ್ಲಿ ವಿಕೆಟ್ ಕೀಪರ್ ಕೂಡ ಒಬ್ಬರು. ವಿಕೆಟ್ ಹಿಂದೆ ಮೆರೆಯುವ ಚಾಣಾಕ್ಷತನ ಅನೇಕ ಪಂದ್ಯಗಳ ಫಲಿತಾಂಶವನ್ನೇ ಬದಲಿಸಿದೆ.

ಅದ್ರಲ್ಲೂ ಹೊಡಿಬಡಿ ಆಟವಾಗಿರುವ ಚುಟುಕು ಕ್ರಿಕೆಟ್​ನಲ್ಲಿ ಕೀಪರ್ ಹೆಚ್ಚು ಜಾಗೃತರಾಗಿರಬೇಕು. ವಿಕೆಟ್ ಹಿಂದೆ ಒಂದು ಸಣ್ಣ ತಪ್ಪು ನಡೆದರೂ ಪಂದ್ಯವೇ ಕೈ ತಪ್ಪಿ ಹೋಗಬಹುದು. ಹೀಗೆ ಬ್ಯಾಟಿಂಗ್ ಮೂಲಕ ಮಾತ್ರವಲ್ಲೇ ಗ್ಲೌಸ್ ಮೂಲಕವೂ ತಂಡದ ಗೆಲುವಿಗೆ ವಿಭಿನ್ನವಾಗಿ ಕೊಡುಗೆ ನೀಡಿದ ಟ್ವೆಂಟಿ20 ಕ್ರಿಕೆಟ್​ನ ಟಾಪ್ 5 ವಿಕೆಟ್​ ಕೀಪರ್​ಗಳ ಪಟ್ಟಿ ಇಲ್ಲಿದೆ.

5# ದಿನೇಶ್ ರಾಮ್​ದಿನ್ (ವೆಸ್ಟ್​ ಇಂಡೀಸ್​): 210 ಪಂದ್ಯಗಳು 180 ಯಶಸ್ಸು (131 ಕ್ಯಾಚ್ + 49 ಸ್ಟಂಪಿಂಗ್)

4# ಕುಮಾರ್ ಸಂಗಕ್ಕಾರ (ಶ್ರೀಲಂಕಾ): 267 ಪಂದ್ಯ 205 ಯಶಸ್ಸು (145 ಕ್ಯಾಚ್ + 60 ಸ್ಟಂಪಿಂಗ್)

3# ದಿನೇಶ್ ಕಾರ್ತಿಕ್ (ಭಾರತ): 288 ಪಂದ್ಯಗಳು  214 ಯಶಸ್ಸು (155 ಕ್ಯಾಚ್ + 59 ಸ್ಟಂಪಿಂಗ್)

2# ಕಮ್ರಾನ್ ಅಕ್ಮಲ್ (ಪಾಕಿಸ್ತಾನ): 255 ಪಂದ್ಯಗಳು 238 ಯಶಸ್ಸು (141 ಕ್ಯಾಚ್ + 97 ಸ್ಟಂಪಿಂಗ್)

1# ಮಹೇಂದ್ರ ಸಿಂಗ್ ಧೋನಿ (ಭಾರತ): 317 ಪಂದ್ಯಗಳು 248 ಯಶಸ್ಸು (165 ಕ್ಯಾಚ್ + 83 ಸ್ಟಂಪಿಂಗ್)

ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಮಾತ್ರ ಗಣನೆಗೆ ತೆಗೆದುಕೊಂಡರೆ ಅಲ್ಲೂ ಕೂಡ ಮಹೇಂದ್ರ ಸಿಂಗ್ ಧೋನಿ ಮುಂಚೂಣಿಯಲ್ಲಿದ್ದಾರೆ.

ಧೋನಿ ವಿಕೆಟ್ ಹಿಂದೆ  91 ಬಾರಿ ಕೈಚಳಕ ತೋರಿಸಿ ಬ್ಯಾಟ್ಸ್​ಮನ್​ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದ್ದಾರೆ. ಇದರಲ್ಲಿ  57 ಕ್ಯಾಚ್‌ಗಳು ಮತ್ತು 34 ಸ್ಟಂಪಿಂಗ್​ಗಳು ಸೇರಿವೆ. ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ  ದಾಖಲೆಯಾಗಿ ಉಳಿದಿದೆ.