'ನಾನು ಕಲಿತಿದ್ದೇ ನಿಮ್ಮಿಂದ': ಸೌರವ್ ಗಂಗೂಲಿಯ ಕಾಲೆಳೆದ ಮಗಳು ಸನಾ

ಇನ್‍ಸ್ಟಾಗ್ರಾಮ್‍ನಲ್ಲಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ  ಹಾಕಿದ ಫೋಟೋವೊಂದು ಇದೀಗ ಸಖತ್ ವೈರಲ್ ಆಗುತ್ತಿದೆ. ಇದಕ್ಕೆ ಕಾರಣ ಈ ಚಿತ್ರಕ್ಕೆ ಟೀಂ ಇಂಡಿಯಾ ಮಾಜಿ ನಾಯಕನ ಮಗಳು ಸನಾ ಗಂಗೂಲಿ ಮಾಡಿರುವ ಕಮೆಂಟ್.

ಕೋಲ್ಕತಾದ ಈಡನ್ ಗಾರ್ಡನ್ ಮೈದಾನದಲ್ಲಿ ಭಾರತ ಹಾಗೂ ಬಾಂಗ್ಲಾದೇಶ ನಡುವಣ ಚಾರಿತ್ರಿಕ ಪಿಂಕ್ ಬಾಲ್ ಡೇ ನೈಟ್ ಟೆಸ್ಟ್ ಪಂದ್ಯ ಆಯೋಜನೆ ಗಂಗೂಲಿ ಮಹತ್ತರ ಪಾತ್ರ ವಹಿಸಿದ್ದರು.

ಚೊಚ್ಚಲ ಡೇ-ನೈಟ್ ಪಂದ್ಯದಲ್ಲಿ ಇನಿಂಗ್ಸ್ ಹಾಗೂ 46 ರನ್​ಗಳಿಂದ ಟೀಂ ಇಂಡಿಯಾ ಜಯಭೇರಿ ಬಾರಿಸಿತ್ತು. ಈ ಪಂದ್ಯದ ಗೆಲುವಿನೊಂದಿಗೆ ಸರಣಿಯನ್ನು ಭಾರತ ಕ್ಲೀನ್ ಸ್ವೀಪ್ ಮಾಡಿಕೊಂಡಿತು.

ಇದೇ ಖುಷಿಯಲ್ಲಿ ಸೌರವ್ ಗಂಗೂಲಿ ಪ್ರಶಸ್ತಿ ವಿತರಣೆ ಕಾರ್ಯಕ್ರಮದ ವೇಳೆ ತೆಗೆದುಕೊಂಡಿದ್ದ ಫೋಟೋವೊಂದನ್ನು ಸಾಮಾಜಿಕ ತಾಣದಲ್ಲಿ ಹಂಚಿಕೊಂಡಿದ್ದರು.

ತುಸು ಗಂಭೀರವಾಗಿಯೇ ನಿಂತಿದ್ದ ಗಂಗೂಲಿಯ ಫೋಟೋಗೆ ಮಗಳು ಸನಾ ಗಂಗೂಲಿ ಪ್ರತಿಕ್ರಿಯೆ ನೀಡಿದ್ದರು.

ನಿಮಗೆ ಇಷ್ಟವಾಗದಂತದ್ದು ಅಲ್ಲೇನಿತ್ತು ಎಂದು ಸನಾ ಪ್ರಶ್ನಿಸಿದ್ದರು.

ಇದಕ್ಕೆ ರಿಪ್ಲೈ ನೀಡಿದ ದಾದಾ, ನೀನು ಹೇಳಿದ ಮಾತನ್ನು ಕೇಳುತ್ತಿಲ್ಲವಲ್ಲ ಎಂಬಾರ್ಥದಲ್ಲಿ ಕಾಲೆಳೆದಿದ್ದರು.

ಅತ್ತ ತಂದೆ ಕಾಲೆಳೆಯುತ್ತಿದ್ದಂತೆ, ಸನಾ ಕೂಡ ಎಲ್ಲವೂ ನಿಮ್ಮಿಂದಲೇ ಕಲಿಯುತ್ತಿದ್ದೇನೆ ಎಂದು ಹೇಳಿ ತಂದೆಯನ್ನು ಟ್ರೋಲ್ ಮಾಡಿದ್ದಾರೆ.

ಈ ಅಪ್ಪ-ಮಗಳ ಕಮೆಂಟ್ ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ತಂದೆಗೆ ತಕ್ಕ ಮಗಳು ಎಂದು ಸೌರವ್ ಗಂಗೂಲಿ ಅಭಿಮಾನಿಗಳು ಪ್ರತಿಕ್ರಿಯಿಸುತ್ತಿದ್ದಾರೆ.

ಸನಾ ಗಂಗೂಲಿ

ಸನಾ ಗಂಗೂಲಿ

ಸನಾ ಗಂಗೂಲಿ

ಸನಾ ಗಂಗೂಲಿ

ಸನಾ ಗಂಗೂಲಿ

ಸನಾ ಗಂಗೂಲಿ

ಸನಾ ಗಂಗೂಲಿ