3 ತಿಂಗಳಲ್ಲಿ ಎಲ್ಲವೂ ಗೊತ್ತಾಗಲಿದೆ; ಧೋನಿ ರಾಜೀನಾಮೆ ಬಗ್ಗೆ ಗಂಗೂಲಿ ಅಚ್ಚರಿಯ ಹೇಳಿಕೆ

ಸೌರವ್ ಗಂಗೂಲಿ

ಕಪಿಲ್ ದೇವ್ ನಂತರ ಭಾರತಕ್ಕೆ ಕ್ರಿಕೆಟ್ ವಿಶ್ವಕಪ್ ತಂದುಕೊಟ್ಟ ಹೆಗ್ಗಳಿಕೆ ಎಂಎಸ್ ಧೋನಿಗೆ ಸಲ್ಲಿಕೆ ಆಗುತ್ತದೆ.

ಆದರೆ, 2019ರ ವಿಶ್ವಕಪ್ ಪೂರ್ಣಗೊಂಡ ನಂತರ ಧೋನಿ ಮತ್ತೆ ಮೈದಾನಕ್ಕೆ ಇಳಿದೇ ಇಲ್ಲ. ವಿಶ್ವಕಪ್ ಪೂರ್ಣಗೊಂಡು ನಾಲ್ಕುವರೆ ತಿಂಗಳಾದರೂ ಅವರ ಮುಂದಿನ ನಡೆಯೇನು ಎನ್ನುವುದು ಗುಟ್ಟಾಗಿಯೇ ಇದೆ.

ವಿಶ್ವಕಪ್ ಮುಗಿದ ನಂತರದ ದಿನದಿಂದಲೂ ಧೋನಿ ರಾಜೀನಾಮೆ ಪಡೆಯುತ್ತಾರೆ ಎನ್ನುವ ವಿಚಾರ ಸಾಕಷ್ಟು ಹರಿದಾಡುತ್ತಲೇ ಇದೆ. ಆದರೆ, ಈ ಬಗ್ಗೆ ಯಾರೊಬ್ಬರಿಂದಲೂ ಸ್ಪಷ್ಟನೆ ಸಿಕ್ಕಿಲ್ಲ.

ಇತ್ತೀಚೆಗೆ ಮಾತನಾಡಿದ್ದ ಧೋನಿ ಜನವರಿವರೆಗೆ ಏನನ್ನೂ ಕೇಳಬೇಡಿ ಎಂದು ಹೇಳಿದ್ದರು. ಈ ಮೂಲಕ ಅಡ್ಡಗೋಡೇ ಮೇಲೆ ದೀಪ ಇಟ್ಟಿದ್ದರು.

ಈಗ ಈ ವಿಚಾರವಾಗಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಮಾತನಾಡಿದ್ದಾರೆ.

ಧೋನಿ ಭವಿಷ್ಯದ ಬಗ್ಗೆ ನಮಗೆ ಸಂಪೂರ್ಣ ಸ್ಪಷ್ಟತೆ ಇದೆ. ಆದರೆ, ಅದನ್ನು ಸಾರ್ವಜನಿಕ ವೇದಿಕೆಗಳಲ್ಲಿ ಚರ್ಚೆ ನಡೆಸಲು ಸಾಧ್ಯವಿಲ್ಲ. ಸಮಯ ಬಂದಾಗ ನಿಮಗೆ ಎಲ್ಲವೂ ಗೊತ್ತಾಗಲಿದೆ ಎಂದರು.

ಇನ್ನು, ಧೋನಿ ಸಾಧನೆಯನ್ನು ಹೊಗಳಿರುವ ಧೋನಿ, ಅವರು ಭಾರತಕ್ಕೆ ಸಿಕ್ಕ ಓರ್ವ ಅದ್ಭುತ ಕ್ರೀಡಾಪಟು ಎಂದಿದ್ದಾರೆ.

ಏನಾಗುತ್ತದೆ ಎನ್ನುವುದನ್ನು ನೋಡೋಣ. ಅದಕ್ಕೆಲ್ಲ ತುಂಬಾನೇ ಸಮಯವಿದೆ. ಮೂರು ತಿಂಗಳಲ್ಲಿ ಎಲ್ಲವೂ ಗೊತ್ತಾಗಲಿದೆ ಎಂದಿದ್ದಾರೆ ಗಂಗೂಲಿ.

ಯಾವಾಗ ಕ್ರಿಕೆಟ್​ಗೆ ಕಂಬ್ಯಾಕ್​ ಮಾಡಲಿದ್ದೇನೆ ಎನ್ನುವ ವಿಷಯವಾಗಿ ಎಂಎಸ್ ಧೋನಿ ಕೊನೆಗೂ ಮೌನ ಮುರಿದಿದ್ದರು.

ಇದೇ ವಿಷಯವಾಗಿ ಧೋನಿ ಬಳಿ ಪ್ರಶ್ನಿಸಿದಾಗ 'ಜನವರಿವರೆಗೆ ನನ್ನ ಬಳಿ ಏನು ಕೇಳಬೇಡಿ' ಎಂಬ ಉತ್ತರ ನೀಡಿದ್ದರು.

ಮುಂಬೈನಲ್ಲಿ ನಡೆದ ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡಿದ್ದ ಧೋನಿ, ಈ ಸಂದರ್ಭದಲ್ಲಿ ಕೇಳಲಾದ ಪ್ರಶ್ನೆಗೆ ಉತ್ತರಿಸಿ ಜನವರಿ ವರೆಗೂ ತಂಡಕ್ಕೆ ಮರಳುವ ವಿಚಾರವನ್ನು ಕೇಳಬೇಡಿ ಎಂದಿದ್ದರು.

ವೆಸ್ಟ್ ಇಂಡೀಸ್, ಬಾಂಗ್ಲಾದೇಶ ವಿರುದ್ಧದ ಸರಣಿಯಲ್ಲಿ ಮೈದಾನಕ್ಕಿಳಿಯದ ಮಾಹಿ, ತವರಿನಲ್ಲಿ ನಡೆಯಲಿರುವ ವಿಂಡೀಸ್ ಸರಣಿಯಿಂದಲೂ ಕಣಕ್ಕಿಯಲ್ಲ ಎಂಬ ವಿಚಾರ ಗೊತ್ತಾಗಿದೆ.

ಕೋಚ್ ರವಿಶಾಸ್ತ್ರಿ ಅವರು ನಿನ್ನೆಯಷ್ಟೆ ಧೋನಿ ವಿಚಾರವಾಗಿ ಮಾತನಾಡಿದ್ದರು. ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಧೋನಿ ನೀಡುವ ಪ್ರದರ್ಶನದ ಮೇಲೆ ಅವರ ಕ್ರಿಕೆಟ್ ಭವಿಷ್ಯ ನಿರ್ಧಾರವಾಗಲಿದೆ ಎಂದು ತಿಳಿಸಿದ್ದರು.