Shikhar Dhawan divorce: ವಿಚ್ಛೇದನಕ್ಕೆ ಮುಂದಾದ ಕ್ರಿಕೆಟಿಗ ಶಿಖರ್ ಧವರ್: 9 ವರ್ಷಗಳ ದಾಂಪತ್ಯ ಅಂತ್ಯ

ಶಿಖರ್-ಅಯೇಷಾ ಇಬ್ಬರು ಪರಸ್ಪರ ಪ್ರೀತಿಸಿ, ಮನೆಯವರ ವಿರೋಧದ ನಡುವೆಯೂ  ಮದುವೆಯಾಗಿದ್ದರು. ಅಯೇಷಾಗೆ ಶಿಖರ್ ಜೊತೆಗೆ 2ನೇ ಮದುವೆಯಾಗಿತ್ತು. ಮೊದಲನೇ ಮದುವೆಯಿಂದ ಇಬ್ಬರು ಹೆಣ್ಣು ಮಕ್ಕಳಿದ್ದರು.

ಇಬ್ಬರು ಮಕ್ಕಳಿರುವ ವಿಚ್ಛೇದಿತೆಯನ್ನು ಮದುವೆಯಾಗುವುದು ಶಿಖರ್ ಮನೆಯವರಿಗೆ ಇಷ್ಟವಿರಲಿಲ್ಲ. ಜೊತೆಗೆ ಅಯೇಷಾ ವಯಸ್ಸಿಯಲ್ಲಿ ಶಿಖರ್ಗಿಂತ 10 ವರ್ಷ ದೊಡ್ಡವರು. ವಯಸ್ಸಿನ ಅಂತರವೂ ಅವರ ಮದುವೆಗೆ ಅಡ್ಡಿ ಬಂದಿತ್ತು.

ಆದರೆ ವಿರೋಧ ನಡುವೆಯೂ 2012ರಲ್ಲಿ ಶಿಖರ್ ಮದುವೆಯಾದರು. ಪತ್ನಿಯ ಇಬ್ಬರು ಹೆಣ್ಣುಮಕ್ಕಳನ್ನು ತಮ್ಮ ಮಕ್ಕಳಂತೆ ನೋಡಿಕೊಂಡರು. 2014ರಲ್ಲಿ ಶಿಖರ್-ಅಯೇಷಾಗೆ ಗಂಡು ಮಗು ಹುಟ್ಟಿದ್ದು ಝೋರೋವರ್ ಧವನ್ ಅಂತ ಹೆಸರಿಟ್ಟಿದ್ದಾರೆ.

ಇನ್ನು ಶಿಖರ್-ಅಯೇಷಾ ಪ್ರೀತಿ ಶುರುವಾಗಿದ್ದು ಫೇಸ್ ಬುಕ್ ನಿಂದ ಅಂತೆ. ಅಂಗ್ಲೋ ಇಂಡಿಯನ್ ಆಗಿರುವ ಅಯೇಷಾ ಆಸ್ಟ್ರೇಲಿಯಾದಲ್ಲಿ ಕಿಕ್ ಬಾಕ್ಸಿಂಗ್ ಕ್ರೀಡಾಪಟುವಾಗಿದ್ದರು. ಇಬ್ಬರು ಫೇಸ್ ಬುಕ್ ನಲ್ಲಿ ಪರಿಚಯವಾಗಿದ್ದರು.

ಕೆಲವೊಮ್ಮೆ ಸಂಬಂಧಗಳು ಅಂತ್ಯ ಕಾಣುತ್ತವೆ. ಅದರಿಂದ ನಾವು ಸಾಕಷ್ಟ ಕಲಿತಿರುತ್ತೇವೆ. ಮುರಿದು ಬಿದ್ದ ಸಂಬಂಧಗಳು ನಮ್ಮನ್ನು ಸ್ಟ್ರಾಂಗ್ ಮಾಡುತ್ತವೆ ಎಂದು ಅಯೇಷಾ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಡಿವೋರ್ಸ್ ಬಗ್ಗೆ ಬರೆದುಕೊಂಡಿದ್ದಾರೆ.