ಎರಡು ವರ್ಷಗಳ ಬ್ರೇಕ್ ನಂತರ ಟೆನ್ನಿಸ್ ಮೈದಾನಕ್ಕೆ ಇಳಿದ ಭಾರತದ ತಾರೆ ಸಾನಿಯಾ ಮಿರ್ಜಾ ಹೋಬರ್ಟ್ ಇಂಟರ್ನ್ಯಾಷನಲ್ ಮಹಿಳಾ ಡಬಲ್ಸ್ ಫೈನಲ್ನಲ್ಲಿ ಗೆದ್ದು ಪ್ರಶಸ್ತಿ ಬಾಜಿಕೊಂಡಿದ್ದಾರೆ.
ಉಕ್ರೇನ್ ಆಟಗಾರ್ತಿ ಕಿಚೆನೋಕ್ ಜೊತೆ ಚಾಂಪಿಯನ್ ಪಟ್ಟ ಅಲಂಕರಿಸಿರುವ ಸಾನಿಯಾ 6-4, 6-4 ಅಂತರದ ನೇರ ಸೆಟ್ಗಳಿಂದ ಚೀನಾದ ಝಾಂಗ್ ಶುಯಿ ಮತ್ತು ಪೆಂಗ್ ಶುಯಿ ಜೋಡಿಯ ವಿರುದ್ಧ ಗೆದ್ದು ಚಾಂಪಿಯನ್ ಆಯಿತು.
ಸುಮಾರು ಒಂದು ಗಂಟೆ 21 ನಿಮಿಷ ನಡೆದ ಈ ಪ್ರಶಸ್ತಿ ಕಾಳಗದಲ್ಲಿ ಸಾನಿಯಾ- ನಾಡಿಯಾ ಜೋಡಿ ನೇರ ಸೆಟ್ಗಳಿಂದ ಜಯ ಸಾಧಿಸಿತು.
ಎರಡು ವರ್ಷಗಳ ಕಾಲ ಆಟದಿಂದ ಬ್ರೇಕ್ ಪಡೆದಿದ್ದ ಸಾನಿಯಾ ಮಿರ್ಜಾ 2018 ಮತ್ತು 2019ರ ಋತುವಿನಲ್ಲಿ ಕಣಕ್ಕಿಳಿದಿರಲಿಲ್ಲ.
ಐದನೇ ಶ್ರೇಯಾಂಕಿತ ಇಂಡೋ-ಉಕ್ರೇನಿಯನ್ ಜೋಡಿ ಸೆಮಿಫೈನಲ್ ಹಣಾಹಣಿಯಲ್ಲಿ ಸ್ಲೊವೇನಿಯನ್-ಜೆಕ್ ಜೋಡಿಯಾದ ತಮಾರಾ ಜಿಡಾನ್ಸೆಕ್ ಮತ್ತು ಮೇರಿ ಬೌಜ್ಕೋವಾ ಅವರನ್ನು 7-6 (3) 6-2 ಸೆಟ್ಗಳಿಂದ ಸೋಲಿಸಿ ಫೈನಲ್ಗೆ ಲಗ್ಗೆಯಿಟ್ಟಿದ್ದರು.
2007ರಲ್ಲಿ ಬ್ರಿಸ್ಬೇನ್ ಅಂತಾರಾಷ್ಟ್ರೀಯ ಟ್ರೋಫಿಯೊಂದಿಗೆ ಆರಂಭವಾದ ಸಾನಿಯಾ ಡಬಲ್ಸ್ ಆಟದಲ್ಲಿ ಇದುವರೆಗೆ 42 ಪ್ರಶಸ್ತಿ ಗೆದ್ದಿದ್ದಾರೆ.
